url
string | title
string | markdown
string | author
string | date
string | description
string | tags
list | language
string | source
string |
|---|---|---|---|---|---|---|---|---|
https://ktat.krymr.com/
|
Qırım Aqiqat
|
Link açıqlığı
Esas mündericege qaytmaq
Baş navigatsiyağa qaytmaq
Qıdıruvğa qaytmaq
HABERLER
SİYASET
İQTİSADİYAT
CEMİYET
MEDENİYET
İNSAN AQLARI
VİDEO
SÜRET
BLOGLAR
FİKİR
Русский
Українською
Qoşulıñız!
RFE/RS bütün saytları
Qıdırmaq
УКР
РУС
Qıdırmaq
Ogündeki
Nevbetteki
Saatnıñ esas haberi
AKTUAL
"Bu tüslerden qorqalar": Qırımda "yañlış qoralar" aqqında davalar nasıl peyda oldı
Bütün maqaleler
HABERLER
Rusiye Ukrayinağa onlarnen dronnen ücüm etti, bir qısmı Qırımdan uçurıldı – Ukrayina Silâlı quvetleriniñ Ava küçleri
Rusiye uquq qoruyıcıları qırımlını devlet hainliginde qabaatladı
Krasnodar ülkesiniñ akimiyeti dron ücümi aqqında bildirdi: eki iskele, eki gemi ve boru zarar körgenler
Kreml AB ve Ukrayina teklif etken deñişmelerni Trumpnıñ barışıq planını "eyileştirmey", dep bildirdi
Türkiye territoriyasında büyük ihtimalnen Rusiyede yasalğan pilotsız uçqan cıhaz tüşti
BÜTÜN HABERLER
ESAS
"Bu tüslerden qorqalar": Qırımda "yañlış qoralar" aqqında davalar nasıl peyda oldı
Eki ay SİZO-da: FSB tarafından terrorizmde qabaatlanğan Qırımlı qadınlarnıñ alı ne
"Cinayet faaliyetini qıdırdılar". Qırımda quvetçiler advokatlarda tintüv keçirdi
"Cedvellerde yoq". Qırımda Rusiye quvetçileri tarafından insanlarnıñ hırsızlanması nasıl kündelik normağa çevirildi
FİKİR
Bogdan Ziza
Apiske alınğanlarğa mektüpler yazıñız — bu müimdir!
FİKİR
QIRIM
Eki ay SİZO-da: FSB tarafından terrorizmde qabaatlanğan Qırımlı qadınlarnıñ alı ne
QIRIM
İNSAN AQLARI
"Cinayet faaliyetini qıdırdılar". Qırımda quvetçiler advokatlarda tintüv keçirdi
İNSAN AQLARI
OQUYICILARNIÑ SAYLAĞANI
1
Türkiyeniñ eyeti Yuqarı Radada Rusiye tarafından Qırımnıñ ilhaqını tanımağanını tasdiqladı
2
"Bu tüslerden qorqalar": Qırımda "yañlış qoralar" aqqında davalar nasıl peyda oldı
3
«Körgenime şaştım»
VİDEO İKÂYELERİ
Previous slide
Next slide
Qırımnıñ sabıq baş naziri eñ büyük eksponat kollektsiyasını Ukrayina müzeyine berdi
Eñ yaqın dostu ve tatası Qırım ilhaqına qoltuttılar. Aqyarlı qırımlınıñ ikâyesi
Timur Barotov: muzakere, qırımtatar silâsı kopiyalarınıñ kollektsiyası, Rusiyeniñ dekolonizatsiyası ve Qırım
Qırım ve eki inqilâp: “2004 senesinde ilhaq etmege istediler”
VİDEO İKÂYELERİ
SÜRET
Kyivde “Boş kürsüler” aktsiyası – cenk sebebinden apiske alınğan ukrayinalılar aqqında hatırlatma
FOTORESİMLER
MEDENİYET
Kıyivde "Qırım evi"nde "Qırımnıñ canlı mirası. Adetler" medeniy-bediiy leyhası taqdim etildi
MEDENİYET
CEMİYET
"Bu tüslerden qorqalar": Qırımda "yañlış qoralar" aqqında davalar nasıl peyda oldı
CEMİYET
SİYASET
Qırımda suv ve elektrik energiyasınıñ blokadası içün tazminat talap eteler. Bu ola bilemi?
SİYASET
UKRAİNA
Ağa-qardaş Misiratovlarnıñ cenki: İlovaysktan Sucağa qadar
UKRAİNA
BLOGLAR
Soqur qırımlı Rusiye “adliyesiniñ” qaranlığında
BLOGLAR
XS
SM
MD
LG
| null |
2025-12-22
|
Qırım Aqiqat
|
[
"Qırım Aqiqat"
] |
crh_Latn
|
web_parsing
|
https://ktat.krymr.com/a/%c3%a7%c3%bcr%c3%bcgen-sistema-edem-bekirov-davas%c4%b1n%c4%b1%c3%b1-q%c4%b1r%c4%b1mdan-ya%c3%b1%c4%b1dan-baq%c4%b1luv%c4%b1n%c4%b1-izaatlad%c4%b1/30629392.html
|
«Çürügen sistema». Edem Bekirov «davasınıñ» Qırımda yañıdan baqıluvını izaatladı
|
Rusiye apsinden «büyük deñişim» çerçivesinde azat etilgen qırımtatar faali **Edem Bekirovnıñ** fikirince, Qırımda yañıdan başlatılğan mahkeme esnası ve qıdıruvğa ilân etilüvi qabaatlayıcı ükümnen yekünlenecek. Bu aqta o, **Qırım.Aqiqat **mühbirine bildirdi.
Bekirovnıñ tahmin etkenine köre, Rusiye mahkemesi ve tahqiqat organları oña basqı yapmağa devam etmege tırışa.
«Emir yuqarıdan keldi, dep tüşünem. Olar (qabaatlav tarafı ve mahkeme – *QA*) maña qarşı cinaiy dava boş yerde qapatılmaycağını añlay ve onı mantıqlı bir soñuna ketirmege tırışa – menim ükmümni çıqaracaq olalar. Bundan soñ davanıñ bütün cıltlarını arhivge berecek olalar. Belki, Novooleksiyıvkadan çıqmayıp oturayım ve cemaat faaliyetinen, ukrainalı siyasiy mabüslerniñ azat etilüvinen oğraşmayım dep, bu şekilde meni qorquzmağa tırışalar. Çürügen devlet sistemasından er şey beklenir», – dedi Bekirov.
Mayısnıñ 14-nde Kreml kontrolindeki Aqmescitniñ Merkeziy rayon mahkemesi 2019 senesi sentâbr ayında Ukraina ve Rusiye arasında tutulğan şahıslarnı deñişüv neticesinde SİZOdan azat etilgen qırımtatar faali Edem Bekirovnıñ cinaiy davasını yañıdan baqıp başladı. Daa soñra aynı mahkeme faalni mahkemege «zornen ketirmege» qarar berdi. Mayısnıñ 22-nde prokurornıñ muracaatınen qadı Bekirovnı qıdıruvğa ilân etmege qarar aldı.
Herson vilâyetindeki Novooleksiyıvka qasabasınıñ sakini Edem Bekirov dekabrniñ 12-nde saba Qırım kirişinde Rusiye uquq qoruyıcıları tarafından tutıldı. O, 78 anasını ve aqrabalarını ziyaret etmek içün Qırımğa ketti. Daa soñra onı Aqmescitteki Rusiye FSB binasına alıp ketkenler. Kreml kontrolindeki Aqmescitniñ Kiyev rayon mahkemesi Bekirovnı eki ayğa apiske aldı.
Advokat **Aleksey Ladinniñ** bildirgenine köre, Bekirov Rusiye Ceza kodeksiniñ 222-nci maddesiniñ 2-nci qısmı ve 222.1-inci maddesiniñ 2-nci qısmı boyunca (patlayıcı madde ve patronlarnı saqlav ve berüv) şeklene. Uquqçı Lilâ Gemeci qayd etkenine köre, faal 10 kilogramm trotil ve 190 muarebe patronını taşuv ve tarqatuvda qabaatlana.
Sentâbrniñ 7-nde deñişim çerçivesinde rusiyeliler tutqan 35 ukrainalı Ukrainağa qayttı, Rusiyege Ukrainada çeşit cinayetlerde, şu cümleden Vatanğa hainlik yapqanında qabaatlanğan 35 Rusiye ve Ukraina vatandaşı teslim etildi. **Oleg Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç **ve 2018 senesi noyabrde zapr etilgen 24 deñizci azat etildi.
Kyivdeki Rusiye elçihanesi Ukraina tarafından azat etilgenlerniñ fotoresimini derc etti, amma anda aytılğan 35 insandan tek 24-ü bar. Rusiyege teslim etilgenlerniñ resmiy cedveli alâ daa yoq. Rusiyege MH17 uçaq seferiniñ davasında şübheli **Vladimir Tsemah** ve «RİA Novosti Ukraina» baş muarriri **Kirill Vışinskiy** teslim etilgeni belli.
|
RFE; RL
|
2020-05-22
|
Rusiye apsinden «büyük deñişim» çerçivesinde azat etilgen qırımtatar faali Edem Bekirovnıñ fikirince, Qırımda yañıdan başlatılğan mahkeme esnası ve qıdıruvğa ilân etilüvi qabaatlayıcı ükümnen yekünlenecek. Bu aqta o, Qırım.Aqiqat mühbirine bildirdi. Bekirovnıñ tahmin etkenine köre, Rusiye...
|
[
"HABERLER, Qırım, mahkeme, Kırım, Edem Bekirov"
] |
crh_Latn
|
web_parsing
|
https://ktat.krymr.com/a/%c3%a7%c3%bcr%c3%bck-suv-%c3%b6zenini%c3%b1-deresinde-eski-q%c4%b1r%c4%b1mn%c4%b1%c3%b1-k%c3%bcz-soqaqlar%c4%b1nda-kezinti-fotoresimler-/30261429.html
|
Çürük Suv özeniniñ deresinde: Eski Qırımnıñ küz soqaqlarında kezinti
|
Eski Qırımda – yarımadanıñ ealisine köre eñ ufaq şeerlerinden birinde (ondan sakinlerniñ sayısına köre tek Alupka küçük) – soqaq ve aralıqlarnıñ adlarında sovetler zamanından çoq şey deñişmedi. Büyük soqaqları firqa erbapları, sovet serdarlarınıñ adlarını taşıy ya da o yıllarnıñ ıstıla ve manalarnı añlata. Tek yıl mevsimleri, hususan devam etken altın küz, Çürük Suv özeniniñ deresinde qadimiy şeerniñ bir qatlı soqaqlarınıñ körünişine belli çeşitlik qoşa.
Qırım.Aqiqat mühbiri Eski Qırım soqaqlarını dolaşıp foto yaptı.
|
RFE; RL
|
2019-11-08
|
Qırım.Aqiqat mühbiri Eski Qırım soqaqlarını dolaşıp foto yaptı.
|
[
"MULTİMEDİA, FOTORESİMLER"
] |
crh_Latn
|
web_parsing
|
https://ktat.krymr.com/a/%c3%a7%c4%b1raq-yaq-ukrainada-%c4%9folodomor-qurbanlar%c4%b1n%c4%b1-a%c3%b1ma-aktsiyas%c4%b1-ke%c3%a7irilecek/29618356.html
|
«Çıraq yaq». Ukrainada Ğolodomor qurbanlarını añma aktsiyası keçirilecek
|
Ukrainada noyabrniñ 24-nde «Çıraq yaq» aktsiyası keçirilecek. Kyiv saatine köre saat 16:00-da ukrain halqınıñ Ğolodomor-genotsidiniñ qurbanları sükünet daqqası ile añılacaq, dep bildire Radio Svoboda.
Elâk olğan ukrainalılarnı añmağa istegenler pencere pervazında çıraq yaqa bile, dep hatırlata Ukraina milliy hatıra institutı.
İnformatsion kampaniyasında #Golodomor85, #Holodomor85 heştegleri ve «Unutmadıq! Küçlümiz!», «Ukraina unutmadı! Dünya bile» şiarları qullanıla.
Sentâbrniñ 1-nde Kyivde 85 kün devamında dünyanıñ 85 köşesinde keçirilgen «Hatıra çırağını yaq» halqara aktsiyası başlağan edi.
Aktsiyanıñ teşebbüsçisi Dünya ukrainalılar kongressi ola, Ukraina Tış işler nazirligi, Ukraina milliy hatıra institutı ve «Ğolodomor qurbanlarınıñ abidesi» milliy müzeyi oña qoltuttı.
Ukraina milliy hatıra institutı noyabrniñ 24-ne elâk olğanlarnı sayğı ile añmağa çağırğan levhanı aydınlattı.
Video Young & Hungry Production tarafından Ukraina haber siyaseti nazirliginiñ yardımınen, Ukraina Silâlı quvetleri Baş ştabı ve Qurtulış areketiniñ tedqiqat merkeziniñ iştiraki ile çıqarıldı.
|
RFE; RL
|
2018-11-24
|
Ukrainada noyabrniñ 24-nde «Çıraq yaq» aktsiyası keçirilecek. Kyiv saatine köre saat 16:00-da ukrain halqınıñ Ğolodomor-genotsidiniñ qurbanları sükünet daqqası ile añılacaq, dep bildire Radio Svoboda. Elâk olğan ukrainalılarnı añmağa istegenler pencere pervazında çıraq yaqa bile, dep hatırlata...
|
[
"HABERLER, Ukraina, hatıra, Ğolodomor, Holodomor, çırak yaq"
] |
crh_Latn
|
web_parsing
|
https://ktat.krymr.com/a/%c3%a7ala%c5%9fta-ya%c5%9fad%c4%b1m-ve-evimni-babamn%c4%b1%c3%b1-evi-yan%c4%b1na-qurd%c4%b1m-enver-seitibraimov-1944-senesi-may%c4%b1sn%c4%b1%c3%b1-18-s%c3%bcrg%c3%bcnligi-aqq%c4%b1nda/30466400.html
|
«Çalaşta yaşadım ve evimni babamnıñ evi yanına qurdım»
|
**1944 senesi mayısnıñ 18-20-nde NKVD-NKGB mahsus tedbirleri vaqtında Qırımdan Orta Asiya, Sibir ve Urağa bütün qırımtatarlar sürgün etildi (resmiy malümatqa köre – 194 111 insan). 2004-2011 seneleri Qurultaynıñ Mahsus komissiyası «Unutma» umumhalq aktsiyasını keçirip, sürgünlik şaatlarınıñ 950-ge yaqın hatırlavını topladı. Qırım.Aqiqat arhivlerdeki hatırlavlarnı derc ete.**
Men, **Enver Seitibraimov**, qırımtatarım, 1932 senesi dekabrniñ 2-nde Qırım Muhtar Sovet Sotsialistik Cumhuriyetiniñ Aqmescit rayonındaki Qoyaş köyünde (1945 senesinden berli Vodnoye – *QA*) dünyağa keldim.
Sürgün etilgende qorantamız böyle edi: babam **Seitibraim Seferov** (d.s. 1891), anam** Fatma Seitibraimova **(d.s. 1899), tatam **Acire Seitibraimova** (d.s. 1923), tatam **Zera Seitibraimova** (d.s. 1925), tatam **Lütfiye Seitibraimova** (d.s. 1927), qardaşım **Safet Seitibraimov** (d.s. 1937) ve qız qardaşım **Hatice Seitibraimova** (d.s. 1942).
Qırım Muhtar Sovet Sotsialistik Cumhuriyeti Aqmescit rayonınıñ Qoyaş köyünde yaşay edik. Ana-babam kolhozda çalıştı. Men Badraq qomşu köyündeki mektepniñ 2-nci sınıfında oquy edim. Babam 1924-1925 seneleri qurğan evde yaşağan edik. Bostan, aran, kümes, sığır ve buzavımız, 30 baş qoy, 25 tavuq ve atımız bar edi. Evde er şey bar edi: eşya, separator, «Zinger» markalı tikiş maşinası.
Qorantamızdan Qızıl orduda kimse yoq edi. 1943 senesi partizanlar keldi, babam olarğa at ve qoynı berdi, soñra köyümizge aş almaq içün daa sıq kele ediler. Olarğa ötmek, yağ ve diger azıq mallarını bergen edik.
Köyümizde em ruslar, em tatarlar yaşay edi. Köyümizniñ büyügi **Kolâ** aqay edi. O ve ocamız **Asan Üsein-zade** gizli çalışqan ediler. Teşkilât almanlar tarafından tapıldı ve olarnı 1943 senesi apiske alğanlar, tam olaraq hatırlamayım, tahminen küzde olarnı qurşunğa tizgenler.
Mayısnıñ 17-nde köyde bütün rus oğlan ve qızlarnı toplaşuvğa çağırğanlar, tatarlarnı almadılar
1944 senesi apreliniñ başında Qırım işğalcilerden azat etildi. Tatam Acire Aqmescitke ketti, tehnikumğa oqumağa kirdi, mayısnıñ başında evge keldi, urbalarını toplap, mayısnıñ 6-nda ketti. Onı ozğardım. Şeerge ketken maşinağa mindi.
Köyümizde askerler tura edi, ücüm etmezden evel raatlanğandırlar. Evimizde ştab bar edi, nevbetçi asker qorantamızdan ğayrı kimseni kirsetmegen edi. Mayısnıñ 17-nde köyde bütün rus oğlan ve qızlarnı toplaşuvğa çağırğanlar, tatarlarnı almadılar.
Mayısnıñ 18-nde saba saat 5-te diger askerler avtomatlarnen kelip, 15 daqqa içinde azırlanmaq ve yanımızğa eki çuval aş ve urba almaq kerek, dep ayttı. Soñra tükân yanındaki küçük meydançıqta bütün qomşularnı arabada toplap, eki maşinanen alıp ketkenler.
Mayısnıñ 19-nda aqşam er kesni vagonğa taşlap, qapularnı qapatqanlar, tren areket etti ve bizni belli olmağan tarafqa alıp ketti
Sarabuz (şimdi Aqmescit rayonı Gvardeyskoye qasabasınıñ Ostrâkovo stantsiyası – *QA*) stantsiyasına ketirgenler, yük vagonları tura edi. Üyle vaqtına yaqın edi. Epimizni bir vagonğa mindirdiler, sabağa qadar anda geceledik. Mayısnıñ 19-nda aqşam er kesni vagonğa taşlap, qapularnı qapatqanlar, tren areket etti ve bizni belli olmağan tarafqa alıp ketti.
Bir buyruq oqumadılar, oqusalar da, aqlımda yoq, bir qorantağa 500 kilogramm aqqında kimse aytmağan edi. Sürgün etilgende qorantamız 7 insandan ibaret edi. Vagonda bir şey yoq edi: ne kenef, ne suv. Yolda yanımızğa ne alğan olsaq, onı aşadıq. Tek eki kere şorba berildi. Vagonımızda emşire yoq edi, eşelonda barmı edi bilmeyim. Vagonımızda kimse ölmedi.
Mayısnıñ 19-nda aqşam trenimiz Sarabuz stantsiyasından areket etip, 18 künden soñ, iyünniñ 4-nde Taşkent şeerine keldi. Tren bütün kün turdı, aqşam ise vagonlarnıñ bütün qapuları qapatıldı ve tren ekige bölündi. Bizimki Çigirik stantsiyasına (Çigirik qasabasındaki Toytepa stantsiyası aqqında aytıla – *QA*) gece ketirildi, andan maşinalarnen Pskentke alıp ketkenler. Ekinci yarısı qayda yollanılğanını bilmeymiz.
Saba bizni amamğa alıp ketkenler. Başta qadınlarnı, soñra bizni. Urbanı çıqarmağa dediler, urbamıznı qaynatmağa ve yuvmağa alıp ketkenler, çünki bitlengen edik. Bizni yuvunmağa yollağanlar, anda ise urbaları berilmegen qadınlar, amamda çıplaq qalğanlar. Biz, erkekler, amamnıñ diger tarafına çaptıq. Amamdan soñ pirinç botqasınen aşatqanlar, suv bir çuqurdan alınğan edi. Suv yeşil edi, bu suvnı içken, aş pişirgen edik.
Aqşam üstü bizni arabalarğa mindirip, kolhozlarğa alıp ketkenler. Tahminen 1944 senesiniñ iyünniñ 5-6-sı edi. 1944 senesiniñ küzünden 1945 iyuline qadar pek qıyın edi, aç edik, olmaycaq şeyler aşadıq. 1945 senesi küzde bir insanğa 8 kilogramm boğday berip başladılar.
Zeminliklerde yaşadıq. Babam ve eki tatam kolhozda çalışıp, yılnıñ soñunda borclu qalğan ediler. Bostanda ne östürsek, ondan para qazana edik. 4-ünci sınıfqa küzde ve baarde bara edim, sıcaq olğanda, qışta barmay edim – urbam yoq edi. 6 sınıfnı bitirdim. 1950 senesi baarinde komendantnıñ ruhsetinen Almalıq qasabasına (o vaqıt daa qasaba edi) köçtim.
Emcemniñ ömür arqadaşı ve küçük oğlu vefat etkenler, büyük oğlu ise bala evine tüşip sağ qaldı. 1947 senesi emcem emek ordusından qaytıp, oğlunı taptı
10 yıl devamında er ay qayd olğan edim (mahsus komendaturada imza qaldıruv –* QA*). Rejim pek sert edi. Dülger hanesine dülger talebesi olaraq kirdim ve 3 yıldan soñ brigadir oldım.
Emcemnen qomşu edik. Qorantası 8 insandan ibaret edi. Küçük emcemniñ ailesi ise – apayı ve eki oğlu – başqa soqaqta otura edi, özü emek ordusına çağırılğan edi. Qorantası başqa vagonda edi, olar Parkent rayonına tüşti. Emcemniñ ömür arqadaşı ve küçük oğlu vefat etkenler, büyük oğlu ise bala evine tüşip sağ qaldı. 1947 senesi emcem emek ordusından qaytıp, oğlunı taptı, ve bir kolhozda yaşadıq. Qırımğa 1990 senesi mayısında köçtim, tuvğan köyüme.
Ev qurmaq içün topraq bersinler dep, sovet hocalığınıñ müdirine muracaat ettik. Müdir istegen yerimizde bermedi, anda bala şifahane kompleksi olacaq dedi, özü ise onı tümenlilerge sattı. Tuvğan evlerimiz olğan soqaqta yer berdi. Eki yıl çalaşta yaşadım ve evimni babamnıñ evi yanına bir soqaqta qurdım.
*(2009 senesi dekabrniñ 2-nde yazılğan hatırlavlar)*
**Elvedin Çubarov**, Qırım tarihçısı, Qurultaynıñ qırımtatar halqı genotsidini ögrenüv ve aqibetlerini yeñüv Mahsus komissiyasınıñ reis muavini azırladı
|
Elvedin Çubarov
|
2021-05-01
|
Enver Seitibraimov – 1944 senesi mayısnıñ 18 sürgünligi aqqında
|
[
"BUTÜN MALÜMAT, AKTUAL, Qırım.Aqiqatnıñ mahsus leyhası, Qırımtatarlarnıñ sürgünligi, Qırım, Qırımtatar, Sürgünlik, sürgün, esas, 1944, Elvedin Çubarov, Kırım, 18 mayıs, Kırım Tatarı, Enver Seitibraimov"
] |
crh_Latn
|
web_parsing
|
https://ktat.krymr.com/a/%c3%a7amur-ya%c4%9fmurda-da-%c3%a7al%c4%b1%c5%9falar-aqmescitte-yol-tamirlevi-s%c3%bcret-toplam%c4%b1/29630739.html
|
Çamur, yağmurda da çalışalar: Aqmescitte yol tamirlevi
|
Üç künlük yağmur ve qar Aqmescitte tolnıñ temelli tamirleviniñ iş cedveline biraz deñişmeler kirsetti. Ava sebebinden yol işlerini daa beş künge uzatacaq olalar. Şimdi temelli tamirlev 16 soqaqta yapıla. İcracılar, dekabrniñ basında yetiştirilmegen işni bitirmege niyetlene. Yağanaqlarğa baqmadan iş devam ete edi. Amma iş tarzı biraz deñişti - icracılar asfalt töşemey, ekseriyetle yol qatlamınıñ tegizletmesinen oğraşa. Qırım.Aqiqat muhbiri, Aqmescitniñ kimer soqaqlarnıñ tamirlevi ne şaraitte keçkenini kördi.
|
Viktor Vladimirov
|
2018-11-30
|
Üç künlük yağmur ve qar Aqmescitte tolnıñ temelli tamirleviniñ iş cedveline biraz deñişmeler kirsetti
|
[
"MULTİMEDİA, FOTORESİMLER, MÜİM, Qırım, Aqmescit, Kırım, qırımda yol tamiri"
] |
crh_Latn
|
web_parsing
|
https://ktat.krymr.com/a/%c3%a7aqmama-davas%c4%b1-q%c4%b1r%c4%b1mda-mahkeme-enver-top%c3%a7ige-%c3%bck%c3%bcm-%c3%a7%c4%b1qard%c4%b1-/31169983.html
|
«Çaqmama davası»: Qırımda mahkeme Enver Topçige üküm çıqardı
|
Rusiye nezaretinde olğan Qırımnıñ İçki rayon mahkemesi Rusiye Ceza qanunnamesiniñ 205.6 maddesine binaen (cinayet aqqında haber etmeme) qabaatlanğan qırımlı **Enver Topçige **üküm çıqardı. ** **Mahkemeci** **Topçini 40 biñ ruble para cezası berilmesine mahküm etti, dep haber ete** Qırım.Aqiqat **mühbiri.
Qabaatlav tarafı ise 50 biñ ruble para cezası berilmesini istegen edi.
«Bugün Enver Topçige üküm çıqarıldı. O, «cinayet aqqında haber etmeme» davası boyunca 40 biñ ruble para cezasına mahküm etildi. Biz onıñ aqqında çoq ayttıq, amma mahkeme Enver Topçini qabaatlı dep tanıdı. Enver Topçi FSB istegeni kibi ariza yazmadı, mına saña taqip ve qabaatlav ükmü. Bu bütün halqqa tazyıqtır», – dedi advokat** Emil Kürbedinov. **
Martnıñ başında olğan mahkemede dinşınas, bundan evel ise FSB şaatları ve gizli şaat sorğuğa çekildi.
Avgustnıñ 31-nde Rusiye quvetçileri Sudaq, İçki ve Seyitler rayonlarında **Enver Topçi**, **Ayder Ablâkimov**, **Ridvan Umerov **ve **Ayder Kadırovnıñ **evinde tintüv keçirdi.
Dört qırımlığa qarşı Rusiye Ceza kodeksiniñ 205.6 maddesine istinaden (cinayet aqqında haber etmeme) dava açıldı. Oña köre 100 biñ rublege qadar para cezası, 1 yılğa qadar mecburiy işler ya da aynı müddetke apis cezası berile bile.
Mabüsler uquq qoruyıcı organlarına **Umicon Dadajonov** ile içtimaiy ağlarda yazışqanını bildirmegeninde qabaatlana. O, FSB bildirgenine köre, «Rusiyede terror teşkilâtı tanılğan «IŞİD» teşkilâtınıñ faaliyetinde iştirak etken edi».
Qırım Muhtar Cumhuriyetiniñ prokuraturası ve politsiyası qırımtatar faalleriniñ evlerinde keçirilgen qanunsız tintüvlernen bağlı cinaiy tahqiqat başlattı. Ukraina prezidentiniñ Qırım Muhtar Cumhuriyetindeki daimiy temsilciligi qırımtatarlarnıñ evlerinde saba keçirilgen tintüvlerni takbih etti.
|
RFE; RL
|
2021-03-25
|
Rusiye nezaretinde olğan Qırımnıñ İçki rayon mahkemesi Rusiye Ceza qanunnamesiniñ 205.6 maddesine binaen (cinayet aqqında haber etmeme) qabaatlanğan qırımlı Enver Topçige üküm çıqardı. Mahkemeci Topçini 40 biñ ruble para cezası berilmesine mahküm etti, dep haber ete Qırım.Aqiqat mühbiri....
|
[
"HABERLER, Qırım, dava, işğal, üküm, Emil Kürbedinov, Enver Topçi, çaqmama davası"
] |
crh_Latn
|
web_parsing
|
https://ktat.krymr.com/a/%c3%a7aqmama-davas%c4%b1-q%c4%b1r%c4%b1mdaki-mahkemede-imaye-umumiy-ekspertiza-m%c3%bctehass%c4%b1slar%c4%b1n%c4%b1-sor%c4%9fu%c4%9fa-%c3%a7ekti/31017592.html
|
«Çaqmama davası»: Qırımdaki mahkemede imaye umumiy ekspertiza mütehassıslarını sorğuğa çekti
|
Rusiye kontrolindeki İçki rayon mahkemesinde imaye tarafı «çaqmağanında» qabaatlanğan **Enver Topçiniñ **davası boyunca delillerni kösterip başladı. Dekabrniñ 23-nde olıp keçken oturışuvda umumiy psihologik-tilşınaslıq-dinşınaslıq ekspertizasını keçirgen ekspertler sorğuğa çekildi, dep haber ete **Qırım.Aqiqat** mühbiri.
«Bugün imayeniñ muracaatınen Enver Topçige qarşı cinaiy davağa keçken Dadaconovnıñ davası çerçivesinde keçirilgen umumiy psihologik-tilşınaslıq-dinşınaslıq ekspertizasını keçirgen üç ekspertten ekisini sorğuğa çektik. Ekspertler, AbuBakr İbn Ahmad adında saifeden yazğan insannen bağlı ekspertiza keçirdi, dep bildirdi. Dadaconov ve Topçi aqqında bir şey bilmeymiz, dep aytalar. Biz AbuBakr İbn Ahmad ve onıñ diger saifelernen yazışqanını aytamız. Ekspertler AbuBakr ibn Ahmadnıñ Topçi saifesinen yazışqanını ayrı baqmadı», – dep tarif etti advokat **Emil Kurbedinov**.
Onıñ aytqanına köre, yazğan hulâsalarında ekspertler AbuBakr ibn Ahmad Topçige «IŞİD topraqlarında buluna ve cenkçi ola» dep bildirgenini qayd etti. Advokat, böyle hulâsalarnıñ sebepleri aqqında sorasa, ekspertler yazışmada tapqanını aytqan malümatnı aydınlattı.
«Ekspertler yazışmada AbuBakr ibn Ahmadnıñ mesacını taptı: «Men Halifeliktem, Şamdam, mında Şamğa bizge aşıq». Bu mesac esasında ekspertler Dadaconov IŞİDde edi, dep hulâsa çıqara. Halifelik ve Şam IŞİDni ifade etkenini bilmek içün ayrı bilgiler kerekmi degen sualime ekspertler bu tarihiy adlar, amma zemaneviy kerçeklikte Halifelik ve Şam ekstremist adlar ve ekstremist manalarını taşıy, dep ayttı», – dep tarif etti advokat.
Keçken afta Qırımnıñ İçki rayon mahkemesi bu dava boyunca qabaatlav şaatlarınıñ sorğusını yekünledi.
Avgustnıñ 31-nde Rusiye quvetçileri Sudaq, İçki ve Seyitler rayonlarında **Enver Topçi**, **Ayder Ablâkimov**, **Ridvan Umerov **ve **Ayder Kadırovnıñ **evinde tintüv keçirdi.
Dört qırımlığa qarşı Rusiye Ceza kodeksiniñ 205.6 maddesine istinaden (cinayet aqqında haber etmeme) dava açıldı. Oña köre 100 biñ rublege qadar para cezası, 1 yılğa qadar mecburiy işler ya da aynı müddetke apis cezası berile bile.
Mabüsler uquq qoruyıcı organlarına **Umicon Dadajonov** ile içtimaiy ağlarda yazışqanını bildirmegeninde qabaatlana. O, FSB bildirgenine köre, «Rusiyede terror teşkilâtı tanılğan «IŞİD» teşkilâtınıñ faaliyetinde iştirak etken edi».
Qırım Muhtar Cumhuriyetiniñ prokuraturası ve politsiyası qırımtatar faalleriniñ evlerinde keçirilgen qanunsız tintüvlernen bağlı cinaiy tahqiqat başlattı. Ukraina prezidentiniñ Qırım Muhtar Cumhuriyetindeki daimiy temsilciligi qırımtatarlarnıñ evlerinde saba keçirilgen tintüvlerni takbih etti.
|
RFE; RL
|
2020-12-23
|
Rusiye kontrolindeki İçki rayon mahkemesinde imaye tarafı «çaqmağanında» qabaatlanğan Enver Topçiniñ davası boyunca delillerni kösterip başladı. Dekabrniñ 23-nde olıp keçken oturışuvda umumiy psihologik-tilşınaslıq-dinşınaslıq ekspertizasını keçirgen ekspertler sorğuğa çekildi, dep haber ete...
|
[
"HABERLER, Qırım, mahkeme, Emil Kurbedinov, Kırım, Enver Topçi"
] |
crh_Latn
|
web_parsing
|
https://ktat.krymr.com/a/%c3%a7ar%c5%9fenbe-k%c3%bcn%c3%bc-avropa-i%cc%87nsan-aqlar%c4%b1-mahkemesinde-q%c4%b1r%c4%b1mda-insan-aq-uquqlar%c4%b1-bozulmas%c4%b1na-dair-dava-di%c3%b1levi-a%c3%a7%c4%b1la/30158507.html
|
Çarşenbe künü Avropa İnsan aqları mahkemesinde Qırımda insan aq-uquqları bozulmasına dair dava diñlevi açıla
|
Çarşenbe künü, sentâbr 11-inde, Avropa İnsan aqları mahkemesiniñ Büyük palatası, "Rusiyege qarşı Ukraina (Qırım)" davası boyunca diñlevlerni keçirecek, anda, hususan, ilhaq etilgen yarımadada insan aq-uquqları bozulması muzakere etilecek.
Bu, mahkemeniñ saytında bildirile.
"Bu, İnsan Aqları ve Esas Azatlıqları qorçalavı aqqında Şartnameniñ bir sıra maddeleriniñ, şu cümleden yaşamaq aqqı, söz ve areket azatlığı aqlarınıñ bozulmasıdır", – denile beyanatta.
Diñlevler Kyiv vaqtınen saat 10:15 başlanacaq.
Bu dava boyunca öz fikrini ifade etmek içün er tarafnıñ (Ukraina ve Rusiye - *QA*) 45 daqqası olacaq ve daa 20-şer daqqa – Avropa İnsan aqları mahkemesiniñ Büyük palatası mahkemecileriniñ suallerine cevaplanmaq içün.
2018 senesi avgust 10-unda Ukraina, Kremlniñ ukrain mabüslerine dair devletlerara şikâyetnen Avropa İnsan aqları mahkemesine muracaat etti.
| null |
2019-09-11
|
Çarşenbe künü, sentâbr 11-inde, Avropa İnsan aqları mahkemesiniñ Büyük palatası, "Rusiyege qarşı Ukraina (Qırım)" davası boyunca diñlevlerni keçirecek, anda, hususan, ilhaq etilgen yarımadada insan aq-uquqları bozulması muzakere etilecek. Bu, mahkemeniñ saytında bildirile. "Bu, İnsan Aqları...
|
[
"HABERLER, Qırım, insan aqları, Kırım, Avropa İnsan aqları mahkemesi"
] |
crh_Latn
|
web_parsing
|
https://ktat.krymr.com/a/%c3%a7aypav-ba%c5%9fland%c4%b1-hanlar-saray%c4%b1nda-kimligi-belli-olma%c4%9fan-qaz%c4%b1c%c4%b1lar-%c3%a7al%c4%b1%c5%9fa/29816390.html
|
Hanlar Sarayında kimligi belli olmağan qazıcılar çalışa
|
**Bu afta içtimaiy ağlarda Bağçasaraydaki Hanlar Sarayınıñ rekonstruktsiyağa qapatılğan qısmınıñ videosı ve fotoresimleri peyda oldı. Mütehassıslar ne kördi ve buña nasıl qıymet kese – bu maqalede tarif etile.**
# Leskernen qartop qazmaq
Tarihiy-medeniy qoruqta keçirilgen qazma işleriniñ resimlerini içtimaiy ağlarda Qırımnıñ Milletlerara meseleler komitetiniñ sabıq reisi **Edem Dudakov **derc etti. O, sahte «rekonstruktsiya» devamında mimarcılıq yadikârlığınıñ tam aynılığı yoq etilüv meselesine birinciler sırasında cemaatnıñ diqqatını celp etken edi. Faal mühbirnen laf etip, sarayda Hanlar mezarlığında, Han caminiñ şarqiy tarafında ve at ahırında qazma işleri keçirilgenini tasdıqladı.
Dudakovnıñ bildirgenine köre, arheologik tapuvlardan **Valeriy Naumenko **mesüliyetli ola. O, Bağçasaray tarihiy-medeniy qoruğınıñ müdiri edi ve ilmiy faaliyetke ve tarihiy faktlarnıñ tedqiq etilmesine maden qıdırıcılarınen zarar ketirgen «qara» atiqiyatçılar aqqında maqaleler bile derc etken edi.
İşçilerniñ qazuvlar keçirilüvinen bağlı bilgisi ve tecribesi yoq, bir çoq artefakt qayd etilmeyip obağa taşlana
Al-azırda, faalniñ aytqanlarına baqılsa, Naumenkonı karyerasınıñ bu basamağında arheologik qazmalarnıñ qaidelerine riayet etüv o qadar qasevetlendirmey. Dudakov video ve fotolarnı izaatlap, işçilerniñ qazuvlar keçirilüvinen bağlı bilgisi ve tecribesi yoq, işte mahsus aletler degil de, esasen lesker qullanıla, bir çoq artefakt qayd etilmeyip obağa taşlana, dep ayta. «Arheologiyanıñ normalarına riayet etüv aqqında bile aytmaymız», – dep netice çıqara videosı altında Edem Dudakov.
Arheologik qazma nasıl teşkil etilmeli sualine şunı añlata: «Leskernen sıñırlı qazalar, medeniy qatlamda mahsus fırçı ve toqalarnen çalışalar. Tapılğanlar kamerağa qayd etile ve ondan soñ çıqarıla». Videoda qazıcı leskernen bostanda qartop qaza kibi çalışqanı körüne, dep qoşa.
Han Sarayında keçirilgen arheologik qazma meselesinde bu ilk problem. Tecribesi olmağan qazıcılar leskerlernen artefaktlarğa zarar ketire bile ya da olarnı körmeyip, topraqnen beraber çöplükke atılacaq obağa qoşa bile. Bundan ğayrı, bu «arheologlar» tüşünilmegen areketlerinen hususiy tarihiy inşaatlarğa, misal olaraq, bir qısmı endi qazma toprağı altında qalğan baştaşlarğa zarar ketire bile.
# Tender oldımı asıl?
Qazuvlar obyektniñ «rekonstruktsiyası» boyunca faaliyet çeşitlerinden biri olaraq kirsetilgendir
Faalniñ qayd etkenine köre, arheologik qazma keçirilüvinen bağlı tenderni moskvalılar qazandı, şirketniñ adı aytılmay. Keçken sene Bağçasarayda arheologik alan tedqiqatlarınıñ keçirilmesine tender vesiqalarınıñ devlet satın aluvı portalında Han sarayında böyle bir faaliyet içün bir de bir tedbir tapılmadı.
Tender de olmadı, belki. Qazuvlar obyektniñ «rekonstruktsiyası» boyunca faaliyet çeşitlerinden biri olaraq kirsetilgendir. Nasıl olsa da, Qırımnıñ ükümeti kontrolindeki «Millet» telekanalınıñ levhasında böyle mantıq körüne, onıñ jurnalistleri qazma arheologik tapuv içün legil, rekonstruktsiyanen «beraber» keçirile, dep qayd ete.
«Mında qurucılıq ve ğayrıdan quruvnıñ bir qaç devri bar. Şimdi er şey açıla. Açılğanda qarar alına – bir yerde müzey olacaq, bir yerde ğayıplar toldurılacaq», – dep ayta «Milletniñ» levhasında «restavratsiya işleri taqımınıñ ilmiy reberi **Mihail Fernovskiy**» olaraq tanıtılğan kişi.
Qısqa bir izaattan añlaşıla ki, mezarlıqta, cami divarlarınıñ yanında ve at ahırında tapılğan arheologik şeylerniñ keleceginen qazma neticeleri içün devlet ögünde cevap bergen ilmiy hadim degil de, rekonstruktsiyanı keçirgen tış hızmetçisiniñ vekili oğraşa. Em de bu sefer Mihail Fernovskiyniñ ilmiy tecribesi, ğalebeleri ve adı aqqında açıq bir malümat tapıp olamadıq.
# Tapılmamı? Angi tapılma?
Arheologik artefaktlarnı kimler qayd ete ve olarnıñ kelecegi ne olacaq belli degil
Böylece, Han sarayında keçirilgen qazma işleriniñ ekinci problemi şekillene – arheologik artefaktlarnı kimler qayd ete ve olarnıñ kelecegi ne olacaq belli degil. Buña tarihiy-medeniy qoruqnıñ sabıq müdiri **Elmira Ablâlimova** da diqqat ayıra: «Şübesiz, bu işler ilmiy kontrol altında keçirilmeli… anda işlerni kontrol etken ilmiy hadimlerni körmeyim».
Aynı közetüvlerinen Edem Dudakov paylaşa. Onıñ fikirince, qazuvlar neticesinde tapılğan bütün şeyler videoğa qayd etilmeli, mezarlıqtaki qazmalar ise müftiylikniñ izninden soñ imam yanında keçirilmeli. Dudakov derc etken videolarda da, «Millet» telekanalınıñ ayrı levhalarında da qazuvlarnıñ nezaretsiz keçirilgeni körüne.
Arheologik işler «beraber» tış hızmetçisi tarafından keçirilse, emiyetli artefaktlarnıñ keleceginen bağlı hayal olamaz, çünki onıñ Büyük caminiñ damını «ğayrıdan tiklegende» qazançlarını hatırlaymız. Em de ilmiy ekspertiza ve tapılğan şeylerniñ kelecegini adı belli olmağan insan belgilese. Bugün «rekonstruktorlarğa» arheologik qazmalarnıñ yerini çaypamağa kimse ve bir şey keder etmey.
# Ne yapmalı?
Bu çaypavnı ve Han sarayınıñ «rekonstruktsiyasını» toqtatmağa aman-aman imkânsız ola. Eñ azından Rusiye uquq alanında öyle. «Bir şahıstan dava açtırılması red etilecek, çünki bu şahısnıñ aqları bozulmadı. Bu malümat Ukrainanıñ Rusiyege qarşı açtırğan büyük davasına berilmeli ve UNESCO közeticilerine yollanmalı», – dep tüşüne Elmira Ablâlimova.
Halqara qurulışnıñ vekilleri yuqarıdaki malümatqa emiyet berermi – bu sene oktâbr ayında belli olacaq. UNESCO Baş müdirine işğal altındaki yarımadada medeniy miras saasında vaziyetniñ doğru monitoring neticelerine dair esabat berilmeli.
Han sarayındaki arheologik şeylerniñ çaypavınen bağlı vaziyetke tesir ete bilecek diger alet ise bunıñ kütleviy şekilde aydınlatılması ola bile. Faqat şimdiki vaziyette bu mevzuğa ukrain kütleviy haber vastalarında bile az diqqat ayırıla. Qırımnıñ işğalci akimiyetiniñ cinaiy faaliyetine de asılında pek diqqat ayırılmay.
|
İgor Vorotnikov; İsmail Boysunmağan
|
2019-03-11
|
Han Sarayında tapılğan arheologik şeyler tamamen ğayıp ola bile
|
[
"QIRIM, CEMİYET, BUTÜN MALÜMAT, AKTUAL, Qırım, esas, Elmira Ablâlimova, Kırım, Edem Dudakov, Han sarayı, qazılma, qazıcı, Hanlar sarayı"
] |
crh_Latn
|
web_parsing
|
https://ktat.krymr.com/a/%c3%a7e%c3%a7eklengen-yar%c4%b1mada-q%c4%b1r%c4%b1m-tarlalar%c4%b1nda-kezinti-s%c3%bcret-toplam%c4%b1/30109576.html
|
Çeçeklengen yarımada: Qırım tarlalarında kezinti
|
Baarniñ başından başlap ve yaznıñ soñki aylarına qadar Qırımda çeşit-türlü ösümlikler çeçeklene. Turistler ve yarımada sakinleri bu çeçek tarlalarını fotosessiyalar içün qullana.
Qırım.Aqiqat mühbiri çeşit tarlalarnı aylanıp, güllengen yarımadanıñ süretlerini çekti.
Qırım.Aqiqat mühbiri çeşit tarlalarnı aylanıp, güllengen yarımadanıñ süretlerini çekti.
|
Aleksandra Surgan; Qırım Aqiqat
|
2019-08-14
|
Qırım.Aqiqat mühbiri çeşit tarlalarnı aylanıp, güllengen yarımadanıñ süretlerini çekti.
|
[
"MULTİMEDİA, FOTORESİMLER, MÜİM, Qırım, Kırım, qırım tarlaları"
] |
crh_Latn
|
web_parsing
|
https://ktat.krymr.com/a/%c3%a7e%c3%a7ekli-nikita-nebatat-ba%c4%9f%c3%a7sas%c4%b1nda-l%c3%a2le-numay%c4%b1%c5%9f%c4%b1-s%c3%bcret-toplam%c4%b1/29874386.html
|
Çeçekli Nikita: nebatat bağçsasında Lâle numayışı
|
Nikita nebatat bağçasında 12-nci ananeviy lâle numayışı açıldı. Anda 250-ge qadar lâle çeşiti kösterile. Olarnıñ arasında - çetel selektsiyasınıñ 96 lâle çeşiti ve daa 5-i Nikita nebatat bağçasınıñ işçileri saylap, aşılap, östürip çıqardı.
Paradnıñ tantanalı açılışında №11 Yalta mektebiniñ kadet sınıflarınıñ talebeleri çıqış yaptı. Amma nebatat bağçasınıñ müdiri **Yuriy Plugatar **tedbirde olmağan. Teşkilâtçılar añlatqanı kibi, onıñ Suruyede iş yolculığı bar.
Nikitada Lâle Paradınıñ nasıl keçkenini ve büyük çeçek sergisinde ne kibi çeçek çeşitlerini körmek mümkün olğanını, Qırım.Aqiqat süret toplamında seyir etiñiz.
|
Qırım Aqiqat
|
2019-04-11
|
Nikitada Lâle Paradında ne kibi çeçek çeşitlerini körmek mümkün olğanını, Qırım.Aqiqat süret toplamında seyir etiñiz
|
[
"MULTİMEDİA, FOTORESİMLER, MÜİM"
] |
crh_Latn
|
web_parsing
|
https://ktat.krymr.com/a/%c3%a7e%c3%a7enistan-prezidentini-q%c4%b1r%c4%b1m-azat-et%c3%bcvi-i%c3%a7%c3%bcn-ni%c5%9fan%c4%b1-ile-taqdirlediler/25413981.html
|
Çeçenistan prezidentini «Qırım azat etüvi içün» nişanı ile taqdirlediler
|
Çeçenistan prezidenti Ramzan Kadırovnı ve Krasnodar diyarınıñ gübernatorı Aleksandr Tkaçövni «Qırım azat etüvi içün» nişanı ile taqdirlediler.
Bunı Qırımnıñ öz başına tayin etilgen baş naziri Sergey Aksönov bildirdi, dep haber ete RİA Novosti.
Aksönov qayd etkeni kibi, kuban kazakları ve Çeçenistan diasporası regionlarnıñ ricası ile Qırımlılarğa bu ağır daqqalarda qol tuttı eken.
«Bu sebepten Qırım halq imayesi olarnı (Kadırov ve Tkaçövnı) «Qırım azat etüvi içün» nişanı ile taqdirlemege qarar aldı», – dedi o.
Rusiye regionlarınıñ başlarına nişanlarnı Çeçenistan parlament reisi Dukuvaha Abdurahmanov ve Krasnodar diyarınıñ qanun çıqarıcı toplaşuvınıñ reisi Vladimir Beketov teslim etecekler.
Bunı Qırımnıñ öz başına tayin etilgen baş naziri Sergey Aksönov bildirdi, dep haber ete RİA Novosti.
Aksönov qayd etkeni kibi, kuban kazakları ve Çeçenistan diasporası regionlarnıñ ricası ile Qırımlılarğa bu ağır daqqalarda qol tuttı eken.
«Bu sebepten Qırım halq imayesi olarnı (Kadırov ve Tkaçövnı) «Qırım azat etüvi içün» nişanı ile taqdirlemege qarar aldı», – dedi o.
Rusiye regionlarınıñ başlarına nişanlarnı Çeçenistan parlament reisi Dukuvaha Abdurahmanov ve Krasnodar diyarınıñ qanun çıqarıcı toplaşuvınıñ reisi Vladimir Beketov teslim etecekler.
|
RFE; RL
|
2014-06-07
|
Çeçenistan prezidenti Ramzan Kadırovnı ve Krasnodar diyarınıñ gübernatorı Aleksandr Tkaçövni «Qırım azat etüvi içün» nişanı ile taqdirlediler. Bunı Qırımnıñ öz başına tayin etilgen baş naziri Sergey Aksönov bildirdi, dep haber ete RİA Novosti. Aksönov qayd etkeni kibi, kuban kazakları...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7e%c3%a7n%c3%a2-aqmescitke-rusiyege-qo%c5%9fulma%c4%9fa-yad%c4%b1m-etecek-ola/25326896.html
|
Çeçnâ Aqmescitke Rusiyege qoşulmağa yadım etecek ola
|
Aqmescit ve Groznıy şeer başları Viktor Ageyev ve Zaur Hizriyev Qırımğa Çeçnâdan resmiy eyyetniñ ziyareti çerçivesinde şeerler arasında işbirlik boyunca eki taraflama añlaşmanı imzaladılar.
Bunı Aqmescit şeer şurasınıñ matbuat-hızmeti bildirdi.
Aqmescit şeer başı Viktor Ageyev aytqanı kibi, paytahtqa keçici müddet devamında usuliy uquq yardımı kerektir.
«Böyle yardımğa Qırımnıñ Rusiyege bütünley qoşuluv müddeti bağlıdır», – dedi şeer başı.
Aqmescit şeer ükümetinde şunı da qayd ettiler ki, bu «Qırımnıñ Rusiyege qoşuluvından» soñ ilk resmiy eyyet ekendir.
Bunı Aqmescit şeer şurasınıñ matbuat-hızmeti bildirdi.
Aqmescit şeer başı Viktor Ageyev aytqanı kibi, paytahtqa keçici müddet devamında usuliy uquq yardımı kerektir.
«Böyle yardımğa Qırımnıñ Rusiyege bütünley qoşuluv müddeti bağlıdır», – dedi şeer başı.
Aqmescit şeer ükümetinde şunı da qayd ettiler ki, bu «Qırımnıñ Rusiyege qoşuluvından» soñ ilk resmiy eyyet ekendir.
|
RFE; RL
|
2014-04-09
|
Aqmescit ve Groznıy şeer başları Viktor Ageyev ve Zaur Hizriyev Qırımğa Çeçnâdan resmiy eyyetniñ ziyareti çerçivesinde şeerler arasında işbirlik boyunca eki taraflama añlaşmanı imzaladılar. Bunı Aqmescit şeer şurasınıñ matbuat-hızmeti bildirdi. Aqmescit şeer başı Viktor Ageyev aytqanı...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7e%c3%a7n%c3%a2-prezidenti-aqyarda-cami-qurma%c4%9fa-vade-ete/25335040.html
|
Çeçenistan prezidenti Aqyarda cami qurmağa vade ete
|
Ahmat-Haci Kadırov adına regional cemaat fondu Aqyardaki eski camini tamir etmege ve yañı camini qurmağa yardım etecek.
Bunı Çeçenıstan yolbaşçısı Ramzan Kadırov Instagram saifesinde bildirdi.
Onıñ aytqanına köre, yerli musulman cemiyeti çeçnâ fonduna eski cami tamirinde yardım etmege rica etti.
«Ahmat-Haci Kadırov adına regional cemaat fondunıñ prezidenti – Aymani Nesiyevna bu muracaatqa seslenmege qarar aldı, ve Aqyar qaraman şeerinde bahşış olaraq güzel ve çoq adamnı sığdıracaq cami qurmağa vade etti», - dep yazdı Kadırov.
Bundan ğayrı, Çeçnistan prezidenti Qırımdaki vaziyetni nezaret etkenini bildirdi.
O, Qırım ve Çeçnistan paytahtları arasında emekdaşlıq aqqında añlaşma imzalanğanını qayd etti.
Qayd etmeli ki, Aqyarda yekâne olğan cami bu sene 100 yıllığını qayd ete.
Bunı Çeçenıstan yolbaşçısı Ramzan Kadırov Instagram saifesinde bildirdi.
Onıñ aytqanına köre, yerli musulman cemiyeti çeçnâ fonduna eski cami tamirinde yardım etmege rica etti.
«Ahmat-Haci Kadırov adına regional cemaat fondunıñ prezidenti – Aymani Nesiyevna bu muracaatqa seslenmege qarar aldı, ve Aqyar qaraman şeerinde bahşış olaraq güzel ve çoq adamnı sığdıracaq cami qurmağa vade etti», - dep yazdı Kadırov.
Bundan ğayrı, Çeçnistan prezidenti Qırımdaki vaziyetni nezaret etkenini bildirdi.
O, Qırım ve Çeçnistan paytahtları arasında emekdaşlıq aqqında añlaşma imzalanğanını qayd etti.
Qayd etmeli ki, Aqyarda yekâne olğan cami bu sene 100 yıllığını qayd ete.
|
RFE; RL
|
2014-04-16
|
Ahmat-Haci Kadırov adına regional cemaat fondu Aqyardaki eski camini tamir etmege ve yañı camini qurmağa yardım etecek. Bunı Çeçenıstan yolbaşçısı Ramzan Kadırov Instagram saifesinde bildirdi. Onıñ aytqanına köre, yerli musulman cemiyeti çeçnâ fonduna eski cami tamirinde yardım etmege...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7e%c3%a7n%c3%a2dan-balalarn%c4%b1-kezlevge-raatlanmaq-i%c3%a7%c3%bcn-ketirecekler/25402991.html
|
Çeçnâdan balalarnı Kezlevge raatlanmaq içün ketirecekler
|
2014 senesi Mayıs 30-dan başlap balalarnı kutleviy şekilde Qırım sanatoriyalar ve lagerlerine ketirmege başlaycaqlar.
Bu aqta «Yekâne transport müdirligi»niñ matbuat hızmeti bildire.
Balalarnı em de uçaqlarnen ketircekler em de «yekâne bilet» sistemesı vastasınen ketirecekler. Birinci 700 bala Kezlevge Çeçen Cumhuriyetinden kelecek.
«Bu gruppa demiryolnen Anapağa qadar kelecek. Ondan soñ balalarnı avtobuslarnen Keriç boğazından Kezlevge qadar ketirerler. Bir transporttan başqa transportqa keçmege vaqıt çoq almaması içün paromlarnıñ yürme cedveli poyezdler yürme cedvelinen uyğunlaştı», — dep aytıla matbuat hızmetiniñ beyannamesinde.
Tahminlerge köre, Qırımğa raatlanmaq içün Rusiyeniñ çeşit türlü regionlardan 35 biñ bala yollanılması közde tutula.
Ondan da ğayrı, mahsus balalarnı keçirmek içün üç paromdan ğayrı Yunanistandan kelgen «İonas» paromı çalışacaq.
Bu aqta «Yekâne transport müdirligi»niñ matbuat hızmeti bildire.
Balalarnı em de uçaqlarnen ketircekler em de «yekâne bilet» sistemesı vastasınen ketirecekler. Birinci 700 bala Kezlevge Çeçen Cumhuriyetinden kelecek.
«Bu gruppa demiryolnen Anapağa qadar kelecek. Ondan soñ balalarnı avtobuslarnen Keriç boğazından Kezlevge qadar ketirerler. Bir transporttan başqa transportqa keçmege vaqıt çoq almaması içün paromlarnıñ yürme cedveli poyezdler yürme cedvelinen uyğunlaştı», — dep aytıla matbuat hızmetiniñ beyannamesinde.
Tahminlerge köre, Qırımğa raatlanmaq içün Rusiyeniñ çeşit türlü regionlardan 35 biñ bala yollanılması közde tutula.
Ondan da ğayrı, mahsus balalarnı keçirmek içün üç paromdan ğayrı Yunanistandan kelgen «İonas» paromı çalışacaq.
|
RFE; RL
|
2014-05-29
|
2014 senesi Mayıs 30-dan başlap balalarnı kutleviy şekilde Qırım sanatoriyalar ve lagerlerine ketirmege başlaycaqlar. Bu aqta «Yekâne transport müdirligi»niñ matbuat hızmeti bildire. Balalarnı em de uçaqlarnen ketircekler em de «yekâne bilet» sistemesı vastasınen ketirecekler. Birinci...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7eh-cumhuriyetini%c3%b1-ne%c5%9friyat%c4%b1-oquv-atlas%c4%b1nda-q%c4%b1r%c4%b1m-hatas%c4%b1n%c4%b1-t%c3%bczetti-el%c3%a7i/29494585.html
|
Çeh Cumhuriyetiniñ neşriyatı oquv atlasındaki Qırım hatasını tüzetti – elçi
|
İlhaq etilgen Qırımnı «davalı topraq» olaraq qayd etip, oquv atlaslarını bastırğan çeh neşriyatı hatanı tüzetti. Yarımada Ukraina territoriyası olaraq qayd etildi. Bunı Ukrainanıñ Çeh Cumhuriyeti elçisi **Yevgen Perebıynis **sentâbrniñ 17-nde aydınlattı.
«Atlasnıñ oquvda qullanmasına qarşı kösterilgen elçihane narazılığı ve Çeh Cumhuriyeti Tasil nazirliginiñ tevsiyelerinden soñ Kartografie Praha çeh neşriyatı haritalarındaki hatalarnı tüzetti. Qırımnıñ kimge ait olmasınen bağlı şübe artıq yoq. Fotoresimde: eski ve yañı haritalar», – dep yazdı Ukraina elçisi Twitterde.
2018 senesi fevral ayınıñ başında Çehiya Tasil nazirligi Ukraina ve Gürcistannıñ şikâyetlerine emiyet berip, mekteplerde qullanılğan yañı dünya atlasınıñ ruhsetini keri aldı. Macaristannıñ paytahtı Budapeştteki tükânda da ilhaq etilgen Qırım yañlış kösterilgen coğrafik haritalar çekip alındı.
Bunıñ kibi vaziyetler diger memleketlerde de olğan edi. 2015 senesinden itibaren Ukraina Tış işler nazirligi «Dünya haritasında Qırım» leyhasını kerçekleştirip, haritalarda Qırımnıñ yañlış kösterilgenini körgenlerden bunı haber etmelerini rica ete. Bu leyha çerçivesinde Ukrainağa ait işğal etilgen Qırımnıñ Rusiye olaraq kösterilmesini toqtatmağa tırışalar. Birinci basamaqta basma ve elektron haritalar, 2017 senesi yazda başlağan ekinci basamaqta ise navigatsion sistemalar ve mal qayd etilmekte.
|
RFE; RL
|
2018-09-17
|
İlhaq etilgen Qırımnı «davalı topraq» olaraq qayd etip, oquv atlaslarını bastırğan çeh neşriyatı hatanı tüzetti. Yarımada Ukraina territoriyası olaraq qayd etildi. Bunı Ukrainanıñ Çeh Cumhuriyeti elçisi Yevgen Perebıynis sentâbrniñ 17-nde aydınlattı. «Atlasnıñ oquvda qullanmasına qarşı...
|
[
"HABERLER, Qırım, hata, harita, Çeh Cumhuriyeti, Kırım, atlas, Yevgen Perebıynis"
] |
crh_Latn
|
web_parsing
|
https://ktat.krymr.com/a/%c3%a7ehiya-poro%c5%9fenkon%c4%b1-%c4%9falebe-ile-hay%c4%b1rlay-ukrainan%c4%b1--demokratik-saylavlarnen/25399864.html
|
Çehiya Poroşenkonı ğalebe ile hayırlay, Ukrainanı – demokratik saylavlarnen
|
Çehiya Cumhuriyetiniñ prezidenti Miloş Zeman Petro Poroşenkoğa prezident saylavlarında ğalebe qazanğanı içün hayırlav mektübini yolladı. Bunı prezidentniñ matbuat kâtibi İrji Ovçaçek bildirdi, dep haber ete Azatlıq Radiosı.
Miloş Zeman Ukrainadaki buhran barışıq yollar vastasınen al etilmek kerek olğanını qayd etip, Poroşenkoğa «bu işte muvafaqiyetler» tiledi.
Çeh diplomatı Ukrainada prezident saylavlarınıñ keçirilmesine yüksek qıymet kesti. Çehiya tış işler naziriniñ beyanatında qayd etilgenine köre, «eki şarqiy vilâyette kergin vaziyet üküm sürgeni, saylav esnasını bozmaq ıntıluvları, zorbalıq provokatsiyalar ve Rusiye Federatsiyasınıñ Qırım işğaline baqmadan», Ukrainada saylavlar olıp keçti.
Çehiya tış işler Nazirliginiñ beyanatında şusı da qayd etile ki, Çehiya ileride de «Ukrainanıñ topraq bütünligine ve eki taraflı leyhalar çerçivesinde, em de Avropa Birliginde oña qol tutacaq».
Miloş Zeman Ukrainadaki buhran barışıq yollar vastasınen al etilmek kerek olğanını qayd etip, Poroşenkoğa «bu işte muvafaqiyetler» tiledi.
Çeh diplomatı Ukrainada prezident saylavlarınıñ keçirilmesine yüksek qıymet kesti. Çehiya tış işler naziriniñ beyanatında qayd etilgenine köre, «eki şarqiy vilâyette kergin vaziyet üküm sürgeni, saylav esnasını bozmaq ıntıluvları, zorbalıq provokatsiyalar ve Rusiye Federatsiyasınıñ Qırım işğaline baqmadan», Ukrainada saylavlar olıp keçti.
Çehiya tış işler Nazirliginiñ beyanatında şusı da qayd etile ki, Çehiya ileride de «Ukrainanıñ topraq bütünligine ve eki taraflı leyhalar çerçivesinde, em de Avropa Birliginde oña qol tutacaq».
|
RFE; RL
|
2014-05-27
|
Çehiya Cumhuriyetiniñ prezidenti Miloş Zeman Petro Poroşenkoğa prezident saylavlarında ğalebe qazanğanı içün hayırlav mektübini yolladı. Bunı prezidentniñ matbuat kâtibi İrji Ovçaçek bildirdi, dep haber ete Azatlıq Radiosı. Miloş Zeman Ukrainadaki buhran barışıq yollar vastasınen al etilmek...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7ehiya-prezidenti-q%c4%b1r%c4%b1mn%c4%b1%c3%b1-%c4%9fay%c4%b1p-olunuv%c4%b1nen-raz%c4%b1-olma%c4%9fa-tevsiye-ete-rusiyeni-ise-nato-ordular%c4%b1nen-qorquza/25323615.html
|
Çehiya prezidenti Qırımnıñ ğayıp olunuvınen razı olmağa tevsiye ete, Rusiyeni ise NATO ordularınen qorquza.
|
Çehiya prezidenti Miloş Zeman Rusiyege nisbeten eñ qattı sanktsiyalarnıñ kirsetilüvine qol tutmağa azır.
Bunı o bazar künü Çeh radiosına aytıp berdi.
«Eger de Rusiye öz territorial işğalini Ukraina şarqına da tarqatmağa istese, şu vaqıt şaqalar da bitecek. Böyle alda men tek Avropa Birliginiñ sanktsiyalarına degil de, NATOnıñ Ukrainağa kirmesine de qol tutar edim», – dedi Zeman. Onıñ fikrince, Ğarp Rusiyeniñ yaqın kelecekte Qırımnı qaytarmaycağna boyun egmek kerek. Lâkin Ukrainanıñ şarq topraqlarınıñ işğali «qızıl çizgidir», onı keçmege olmay.
«Men eñ qattı sanktsiyalarnı kirsetmege teklif eter edim. Çünki bu endi mustaqil devteltiniñ toprağına tiygen bir reaktsiya olıp sayılacaqtır», – dedi Miloş Zeman.
Bazar künü Lugansk ve Donetskte separatist mitingler devam ete. Olarnıñ neticesinde Donetsk VDM ve Lugansk Ukraina Havfsızlıq Hızmeti idaresini zapt ettiler.
Bunı o bazar künü Çeh radiosına aytıp berdi.
«Eger de Rusiye öz territorial işğalini Ukraina şarqına da tarqatmağa istese, şu vaqıt şaqalar da bitecek. Böyle alda men tek Avropa Birliginiñ sanktsiyalarına degil de, NATOnıñ Ukrainağa kirmesine de qol tutar edim», – dedi Zeman. Onıñ fikrince, Ğarp Rusiyeniñ yaqın kelecekte Qırımnı qaytarmaycağna boyun egmek kerek. Lâkin Ukrainanıñ şarq topraqlarınıñ işğali «qızıl çizgidir», onı keçmege olmay.
«Men eñ qattı sanktsiyalarnı kirsetmege teklif eter edim. Çünki bu endi mustaqil devteltiniñ toprağına tiygen bir reaktsiya olıp sayılacaqtır», – dedi Miloş Zeman.
Bazar künü Lugansk ve Donetskte separatist mitingler devam ete. Olarnıñ neticesinde Donetsk VDM ve Lugansk Ukraina Havfsızlıq Hızmeti idaresini zapt ettiler.
|
RFE; RL
|
2014-04-07
|
Çehiya prezidenti Miloş Zeman Rusiyege nisbeten eñ qattı sanktsiyalarnıñ kirsetilüvine qol tutmağa azır. Bunı o bazar künü Çeh radiosına aytıp berdi. «Eger de Rusiye öz territorial işğalini Ukraina şarqına da tarqatmağa istese, şu vaqıt şaqalar da bitecek. Böyle alda men tek Avropa...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7ehiya-ti%cc%87n-q%c4%b1r%c4%b1mtatarlarn%c4%b1n-aqlar%c4%b1n%c4%b1n-bozuluv%c4%b1n%c4%b1-toqtatmaga-talap-ete/31451479.html
|
Çehiya TİN qırımtatarlarnıñ aqlarınıñ bozuluvını toqtatmağa talap ete
|
Çehiya Cumhuriyetiniñ TİN Rusiye FSB-siniñ arektlerini keskin tenqit etti. Keçken raatlıq künleri olar faal Nariman Celâl ve diger qırımtatarlarnı yaqaladı.
«Rusiye işğalci organlarınıñ bu qavimge qarşı devam etken basqılarını keskin tenqit etemiz. Qırımtatarlarnıñ aqlarınıñ bozuluvını deral toqtatmağa ve tutulğanllarnı azat etmege talap etemiz», – dep yazıla TİN Twiter saifesinde.
Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olarnıñ arasında qırımtatar siyasetçisi ve faali Nariman Celâl bar. Eki doğmuş qardaşlar** Aziz **ve **Asan Ahtemovlar** eki ayğa apiske alındı, Azizniñ babası **Eskender Ahtemov** 10 künge apiske alındı. Asan Ahtemovnıñ qardaşı **Arsen **15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.
Advokat **Ayder Azamatovnıñ Qırım.Aqiqatqa **bildirgenine köre, Aqmescitteki mahkeme Qırımda raatlıq künleri Rusiye quvetçileriniñ tintüvleri vaqtında tutulğan **Şevket Useinov**ve**Eldar Odamanovnı **sentâbrniñ 6-nda Rusiye Memuriy uquq bozuluvları kodeksiniñ 19.3 maddesine istinaden (polis, arbiy, FSB organları hadiminiñ qanuniy emrine riayet etmeme) 14 ve 15 künge apiske aldı.
Sentâbrniñ 7-nde** TASS** Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.
FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.
Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.
Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.
Ukraina ombudsmanı **Lüdmila Denisova** Qırımda insanlarnıñ apiske alınması sebebinden BM İnsan aqları Yuqarı komissarı **Michelle Bacheletke **muracaat etti.
Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.
|
RFE; RL
|
2021-09-09
|
Çehiya Cumhuriyetiniñ TİN Rusiye FSB-siniñ arektlerini keskin tenqit etti. Keçken raatlıq künleri olar faal Nariman Celâl ve diger qırımtatarlarnı yaqaladı. «Rusiye işğalci organlarınıñ bu qavimge qarşı devam etken basqılarını keskin tenqit etemiz. Qırımtatarlarnıñ aqlarınıñ bozuluvını deral...
|
[
"HABERLER, Qırım, Nariman Celâl, işğal, yaqalavlar, Çehiya Cumhuriyeti, qırımtatarlarnıñ aqlarınıñ bozuluvı, r Aziz ve Asan Ahtemovlar"
] |
crh_Latn
|
web_parsing
|
https://ktat.krymr.com/a/%c3%a7ehiya-ukrainan%c4%b1%c3%b1-areketlerine-qol-tuta/25427292.html
|
Çehiya Ukrainanıñ areketlerine qol tuta
|
Çehiya çetel işler naziri Lübomir Zaoralek ukrain akimiyetiniñ Ukrainada tınçlıqnıñ pekitilmesine ve iqtisadiy inkişafına yönelgen areketlerine qol tutqanını bildirdi.
Bunı Zaoralek Kiyevde Ukrain çetjl işler naziriniñ vazifelerini eda etken Andriy Deşçitsa ile körüşüvde ayttı, dep haber eteler Ukraina Çetel işler nazirliginiñ informatsion siyasetiniñ Departamentinde.
Körüşüv devamında hususiy diqqat Ukraina vaziyetiniñ ilerilemesine ayırıldı. Deşçitsa subetdeşini Ukraina prezidentiniñ planları aqqında haberdar etti.
Tışqı siyasiy bölüklerniñ yolbaşçıları eki taraflama munasebetlerniñ aktual meselelerini de muzakere ettiler.
Bunı Zaoralek Kiyevde Ukrain çetjl işler naziriniñ vazifelerini eda etken Andriy Deşçitsa ile körüşüvde ayttı, dep haber eteler Ukraina Çetel işler nazirliginiñ informatsion siyasetiniñ Departamentinde.
Körüşüv devamında hususiy diqqat Ukraina vaziyetiniñ ilerilemesine ayırıldı. Deşçitsa subetdeşini Ukraina prezidentiniñ planları aqqında haberdar etti.
Tışqı siyasiy bölüklerniñ yolbaşçıları eki taraflama munasebetlerniñ aktual meselelerini de muzakere ettiler.
|
RFE; RL
|
2014-06-18
|
Çehiya çetel işler naziri Lübomir Zaoralek ukrain akimiyetiniñ Ukrainada tınçlıqnıñ pekitilmesine ve iqtisadiy inkişafına yönelgen areketlerine qol tutqanını bildirdi. Bunı Zaoralek Kiyevde Ukrain çetjl işler naziriniñ vazifelerini eda etken Andriy Deşçitsa ile körüşüvde ayttı, dep haber...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7ehiya-ukrainlilerge-q%c4%b1sqa-m%c3%bcddetli-viza-berilmesini-qolayla%c5%9ft%c4%b1ra/25353939.html
|
Çehiya ukrainlilerge qısqa müddetli viza berilmesini qolaylaştıra
|
Aprel 22-den başlap Çehiya Ukraina vatandaşları içün qısqa müddetli viza berilmesini qolaylaştıracaq, dep haber ete Azatlıq Radiosı.
Çehiya tış işler nazirliginiñ matbuat kâtibi İogana Grogovanıñ bildirgenine köre, çeh qanı olğan 26 yaşına qadar gençler ve 60 yaşından başlap nefaqacılar viza resmiyleştirüvi içün ödevlerden boşatılacaq.
Bir de bir şahıs çeh asılını isbatlap olsa, oña bir yıllıq çeh mültivizası berilecek, dep qayd etti Grogova.
Onıñ aytqanına köre, tış işler nazirliginiñ bu adımı Ukrainada yaşağan volın çehlerniñ muracaatlarınen bağlı.
Etnik çehler olğan aman-aman 40 qoranta Çehiyağa qaytmaq içün qol tutuv istedi, lâkin olarğa yardım etmediler.
Çehiya tış işler nazirliginiñ matbuat kâtibi İogana Grogovanıñ bildirgenine köre, çeh qanı olğan 26 yaşına qadar gençler ve 60 yaşından başlap nefaqacılar viza resmiyleştirüvi içün ödevlerden boşatılacaq.
Bir de bir şahıs çeh asılını isbatlap olsa, oña bir yıllıq çeh mültivizası berilecek, dep qayd etti Grogova.
Onıñ aytqanına köre, tış işler nazirliginiñ bu adımı Ukrainada yaşağan volın çehlerniñ muracaatlarınen bağlı.
Etnik çehler olğan aman-aman 40 qoranta Çehiyağa qaytmaq içün qol tutuv istedi, lâkin olarğa yardım etmediler.
|
RFE; RL
|
2014-04-18
|
Aprel 22-den başlap Çehiya Ukraina vatandaşları içün qısqa müddetli viza berilmesini qolaylaştıracaq, dep haber ete Azatlıq Radiosı. Çehiya tış işler nazirliginiñ matbuat kâtibi İogana Grogovanıñ bildirgenine köre, çeh qanı olğan 26 yaşına qadar gençler ve 60 yaşından başlap nefaqacılar viza...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7erni%c4%9fiv-vil%c3%a2yetinde-patlavlar-30-mesk%c3%bcn-yer-tel%c3%bckeli-alan%c4%9fa-kirmesi-m%c3%bcmk%c3%bcn/29533478.html
|
Çerniğiv vilâyetinde patlavlar: 30 meskün yer telükeli alanğa kirmesi mümkün
|
Çerniğiv vilâyetindeki silâ anbarlarında olğan patlavlar neticesinde telükeli alanda 30 meskün yer, yani aman-aman 20 biñ insan olması mümkün. Bu aqta Ukraina fevqulâde vaziyetler devlet hızmeti haber ete.
Saba saat 8:30-da anbarda yanğın ve patlavlar devam ete edi. Ukraina Silâlı quvetleriniñ Baş ştabı bildirdi ki, arbiyler ve adiy insanlar arasında zarar körgenler yoq. Maddiy zarar aqqında bir malümat şimdilik yoq.
Baş ştabnıñ malümatına köre, Çerniğiv vilâyetindeki silâ anbarlarında saba saat 7-de saniyede 2-3 patlav ola edi.
İçnâ ve civarındaki meskün yerlerden tahminen 10 biñ insan tahliye etildi.
«Ukravtodor» bildirdi ki, Çerniğiv vilâyetiniñ silâ anbarlarında olğan patlavlardan soñ bazı devlet yollarında areket qapatıldı. Ukraina fevqulâde vaziyetler devlet hızmetiniñ malümatına köre, 30 kilometr radiusında ava boşluğı qapatıldı, demiryol ve maşina naqliyatınıñ areketi vaqtınca toqtatıldı. Tahminen 10 biñ insan tahliye etildi.
Ukrainadaki silâ anbarlarında patlavlar ilk sefer olmay. Keçken sene mart ayında Harkiv vilâyetiniñ Balakleya civarlarındaki top silâ anbarlarında yanğın çıqtı ve silâ patlamağa başladı.
2017 senesi sentâbriniñ soñunda Vinnitsa vilâyetiniñ Kalınivka şeerindeki silâ anbarlarında yanğın ve patlavlar olğan edi.
|
RFE; RL
|
2018-10-09
|
Çerniğiv vilâyetindeki silâ anbarlarında olğan patlavlar neticesinde telükeli alanda 30 meskün yer, yani aman-aman 20 biñ insan olması mümkün. Bu aqta Ukraina fevqulâde vaziyetler devlet hızmeti haber ete. Saba saat 8:30-da anbarda yanğın ve patlavlar devam ete edi. Ukraina Silâlı quvetleriniñ...
|
[
"HABERLER, patlav, silâ, anbar, Çerniğiv"
] |
crh_Latn
|
web_parsing
|
https://ktat.krymr.com/a/%c3%a7erni%c4%9fiv-vil%c3%a2yetindeki-anbarlarda-patlavlar-old%c4%b1-ukravtodor-yollar-qapat%c4%b1l%c4%9fan%c4%b1n%c4%b1-haber-ete/29533376.html
|
Çerniğiv vilâyetindeki anbarlarda patlavlar oldı: «Ukravtodor» yollar qapatılğanını haber ete
|
Çerniğiv vilâyetiniñ İçnâ şeeri yaqınlarında silâ anbarlarında olğan patlavlardan soñ bazı devlet yollarında areket qapatıldı, dep bildire oktâbrniñ 9-nda saba «Ukravtodor».
Qazadan sebep fevqulâde vaziyet alanı – 16 km.
Çerniğiv vilâyeti İçnâ şeeriniñ civarındaki anbarlarda patlavlar saat 03.30-larda başladı. Fevqulâde vaziyetler devlet hızmetiniñ malümatına köre, 04:22-de 30 kilometr radiusında ava boşluğı qapatıldı, demiryol ve maşina naqliyatınıñ areketi vaqtınca toqtatıldı. Tahminen 10 biñ insan tahliye etildi.
Patlav sebepleri ya da zarar körgenler aqqında bir de bir malümat şimdilik yoq.
Ukrainadaki silâ anbarlarında patlavlar ilk sefer olmay. Keçken sene mart ayında Harkiv vilâyetiniñ Balakleya civarlarındaki top silâ anbarlarında yanğın çıqtı ve silâ patlamağa başladı.
2017 senesi sentâbriniñ soñunda Vinnitsa vilâyetiniñ Kalınivka şeerindeki silâ anbarlarında yanğın ve patlavlar olğan edi.
|
RFE; RL
|
2018-10-09
|
Çerniğiv vilâyetiniñ İçnâ şeeri yaqınlarında silâ anbarlarında olğan patlavlardan soñ bazı devlet yollarında areket qapatıldı, dep bildire oktâbrniñ 9-nda saba «Ukravtodor». Qazadan sebep fevqulâde vaziyet alanı – 16 km. Çerniğiv vilâyeti İçnâ şeeriniñ civarındaki anbarlarda patlavlar saat...
|
[
"HABERLER, Qırım, patlav, silâ, Kırım, Çerniğiv"
] |
crh_Latn
|
web_parsing
|
https://ktat.krymr.com/a/%c3%a7erni%c4%9fiv-vil%c3%a2yetine-gece-a%c3%a7%c4%b1l%c4%9fan-ate%c5%9f-neticesinde-can-bergen-ve-yaralan%c4%9fan-insanlar-bar/31846528.html
|
Çerniğiv vilâyetine gece açılğan ateş neticesinde can bergen ve yaralanğan insanlar bar – vilâyetniñ arbiy memuriyet yolbaşçısı
|
Rusiye ordusı mayısnıñ 12-ne keçer gecesi Çerniğiv vilâyetindeki Novğorod-Severskiy şeerine avadan darbe endirdi, elâk olğan ve yaralanğan insanlar bar. Bu aqta vilâyetniñ arbiy memuriyet yolbaşçısı **Vâçeslav Çaus** mayısnıñ 12-nde saba bildirdi.
Onıñ aytqanına köre, darbeler kritik infrastruktura obyektlerine – mekteplerge endirildi.
«Diger idariy bina ve şahsiy evler de zarar kördi. Yaralanğan ve can bergen insanlar bar. Adise yerinde qurtarıcılar ve tibbiyet hadimleri çalışa», – dep yazdı Çaus Telegramda.
Başqa tafsilâtlar berilmedi.
Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
*Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.*
|
RFE; RL
|
2022-05-12
|
Rusiye ordusı mayısnıñ 12-ne keçer gecesi Çerniğiv vilâyetindeki Novğorod-Severskiy şeerine avadan darbe endirdi, elâk olğan ve yaralanğan insanlar bar. Bu aqta vilâyetniñ arbiy memuriyet yolbaşçısı Vâçeslav Çaus mayısnıñ 12-nde saba bildirdi. Onıñ aytqanına köre, darbeler kritik...
|
[
"HABERLER, UKRAİNA"
] |
crh_Latn
|
web_parsing
|
https://ktat.krymr.com/a/%c3%a7ernivtsi-%c5%9feerinde-daa-bir-koronavirus-%c5%9f%c3%bcbesi-ol%c4%9fan%c4%b1n%c4%b1-bildirdiler/30478777.html
|
Çernivtsi şeerinde daa bir koronavirus şübesi olğanını bildirdiler
|
Çernivtsi vilâyetiniñ bir sakinini koronavirus hastalığı şübesinen hastahanege qoydılar. Bunı **Azatlıq Radiosı **bildire.
Çernivtsi şeerinde çetelden qaytqan aqaynı infektsiya hastalığı alâmetlerinen hastahanege qoydılar, denile beyanatta.
Şimdi Çevnivtside martnıñ 7-sinde hastahanege qoyulğan başqa adamnıñ analiz neticelerini bekleyler. O adamnıñ da infektsiya hastalığı alâmetleri bar edi ve o da çetelden qayttı.
Bundan evel oşağan şubelernen hastahanege qoyulğan altı adamnıñ teşkerüv neticeleri koronavirus olmağanını kösterdi, hatırlata vilâyet memuriyeti.
Ukrainada yekâne tasdıqlanğan **COVID-19 **adisesi matrnıñ 3-ünde Çernivtside qayd etildi. Bildirüvlerge köre, İtaliyada hastalanğan adam şimdi stabil alda.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
|
RFE; RL
|
2020-03-09
|
Çernivtsi vilâyetiniñ bir sakinini koronavirus hastalığı şübesinen hastahanege qoydılar. Bunı Azatlıq Radiosı bildire. Çernivtsi şeerinde çetelden qaytqan aqaynı infektsiya hastalığı alâmetlerinen hastahanege qoydılar, denile beyanatta. Şimdi Çevnivtside martnıñ 7-sinde hastahanege qoyulğan...
|
[
"HABERLER, Ukraina, koronavirus, çernivtsi"
] |
crh_Latn
|
web_parsing
|
https://ktat.krymr.com/a/%c3%a7ernomornaftogaz-ukrainan%c4%b1%c3%b1-q%c4%b1r%c4%b1mdaki-e%c3%b1-b%c3%bcy%c3%bck-ziyan%c4%b1-old%c4%b1-prezidentni%c3%b1-temsilcisi/31106171.html
|
“Çernomornaftogaz” Ukrainanıñ Qırımdaki eñ büyük ğaybı oldı – prezidentniñ temsilcisi
|
QMC-de Ukraina prezidentiniñ daimiy temsilcisi **Anton Körineviç **qayd etkeni kibi, işğal etilgen Qırımda “Çernomornaftogaz” aktivleri üzerinde nezaretniñ yoq oluvı Ukraina içün eñ büyük ğayıparıdan biri ola.
Bunı o "Ukraina 30 Bütünukraina forumı" vaqtında ayttı, dep bildire temsilcilikniñ matbuat hızmeti.
Körineviçniñ sözlerine köre, Qırımda bu müessiseniñ ğaybı "Ukrainanıñ energetik telükesizligine tesir etken".
"Muvaqqat ziyanlardan eñ büyügi "Çernomornaftogaz" devlet aktsiyalı şirket ola, onıñ quveti karbonlarnıñ işlep çıqarılmasınıñ müim segmenti edi, Qara ve Azaq deñizlerniñ şelfinde karbonlarnıñ keçiti Rusiye gazınıñ müim bir alternativası olğan edi", – dedi QMC-de prezident temsilcisi forum çerçivesindeki muzakereler vaqtında.
«Naftogaz Ukrainı» Milliy aktsioner şirketi Rusiyeni ilhaq etilgen Qırımdaki yataqlardan Ukraina gazınıñ hırsızlağanında qabaatladı.
2014 senesinde Rusiye tarafından Qırımnıñ ilhaqı esnasında Ukrainağa ait «Çernomorneftegaz» şirketiniñ burğu tertibatları, flot ve diger mal-mülkü zapt etilgen edi. Bundan soñ NAK «Naftogaz Ukrainı» bu Qırım şirketi üzerindeki kontrolini ğayıp etti. Daa soñra GAO «Çernomorneftegaz» Ukrainanıñ qıta qısmındaki ğayrıdan meydanğa ketirildi.
2016 senesi oktâbrniñ 17-sinde NAK «Naftogaz Ukrainı» ve onıñ altı şube şirketi, gruppağa ait Qırımdaki aktivlerniñ zapt etilmesi neticesinde körgen zararlarnıñ ödenmesini talap etip, Rusiyege qarşı arbitraj davasını başlattılar. «Naftagaz» davanı, Ukraina Nazirler kabineti ile Rusiye ükümeti arasındaki ytırımlarğa qol tutuv, yatırım yapuv ve yatırımlarnı qarşılıqlı qorçalav aqqında añlaşmağa muvafıq olaraq açtı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti** Vladimir Putin **martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
| null |
2021-02-16
|
QMC-de Ukraina prezidentiniñ daimiy temsilcisi Anton Körineviç qayd etkeni kibi, işğal etilgen Qırımda “Çernomornaftogaz” aktivleri üzerinde nezaretniñ yoq oluvı Ukraina içün eñ büyük ğayıparıdan biri ola. Bunı o "Ukraina 30 Bütünukraina forumı" vaqtında ayttı, dep bildire temsilcilikniñ...
|
[
"HABERLER, Qırım, işğal, ğayıp, Anton Körineviç, Çernomornaftogaz, QMC-de Ukraina prezidentiniñ daimiy temsilcisi, aktivler, energetik telükesizlik"
] |
crh_Latn
|
web_parsing
|
https://ktat.krymr.com/a/%c3%a7etel-ti%cc%87n-reberlerini-q%c4%b1r%c4%b1mdaki-din-serbestligini%c3%b1-bozuluvlar%c4%b1n%c4%b1-muzakere-etmege-davet-ettiler-ceppar/30954814.html
|
Çetel TİN reberlerini Qırımdaki din serbestliginiñ bozuluvlarını muzakere etmege davet ettiler – Ceppar
|
Noyabrniñ 16-nda Ukraina Tış işler naziriniñ birinci muavini **Emine Ceppar** din serbestligi halqara nazirler körüşüvinde Tış işler nazirlerininiñ ve çetel devletlerniñ temsilcileriniñ diqqatını Rusiye tarafından işğal etilgen Qırımdaki din azatlığı bozulmasına çekti ve “Qırım platforması” çerçivesinde bu mevzunıñ muzakeresinde iştirak etmege davet etti.
Bu aqta Ukraina TİN matbuat hızmeti haber ete.
“Yedi yıldan berli işğaciler türlü konfesiyalar temsilcilerini diskriminatsıyalarğa oğrata. Diniy toplulığını taqıp etüv ve zulumğa oğratuv Rusiye tarafından vaqtınca işğal etilgen Ukraina topraqlarında normağa çevilrldi”, – matbuat hızmeti Cepparnıñ aytqanından alıntı ketirdi.
Onıñ bildirgenine köre, din serbestligi meseleleri halqara koordinatsiya mehanizmi – “Qırım platforması”nıñ diqqat merkezinde olacaq.
Böyle nazirler körüşüvi endi üçünci kere olıp keçti. Onı ABD Devlet departamentiniñ destegi ile Poloniya Cumhuriyetiniñ TİN teşkil etti. Birinci körüşüv 2018 senesi Vaşingtonda keçirilgen edi.
Avropa Şurasında Ukrainanıñ daimiy temsilcisi **Boris Tarasük**, Rusiye qırımtatarlarnı basqılarğa oğratmağa ve Qırımdaki Ukraina Ortodok kilsesiniñ Qırım yeparhiyasını sıqıştırmağa devam ete, dep bildirdi.
Evel OSCE-de ABD elçisi **Cems Gilmor**, Rusiye işğal etilgen qırımda Rusiye ortodok kilsesinden ğayrı bütün diniy teşkilâtlarnı taqip ete, dep bildirdi.
Yarımadada "qanunsız missionerlik faaliyeti" sebebinden taqip etilgen imamlar Rusiye ile işbirligi yapqan Qırım musulmanları diniy idaresine boysunmay.
|
RFE; RL
|
2020-11-17
|
Noyabrniñ 16-nda Ukraina Tış işler naziriniñ birinci muavini Emine Ceppar din serbestligi halqara nazirler körüşüvinde Tış işler nazirlerininiñ ve çetel devletlerniñ temsilcileriniñ diqqatını Rusiye tarafından işğal etilgen Qırımdaki din azatlığı bozulmasına çekti ve “Qırım platforması”...
|
[
"HABERLER, Qırım, işğal, Emine Ceppar, Qırım platforması, Çetel TİN reberleri, din serbestligi"
] |
crh_Latn
|
web_parsing
|
https://ktat.krymr.com/a/%c3%a7etel-vatanda%c5%9flar%c4%b1n%c4%b1%c3%b1-ukraina%c4%9fa-kiri%c5%9fi-yasaqland%c4%b1-100-ge-yaq%c4%b1n-ke%c3%a7i%c5%9f-noqtas%c4%b1-qapat%c4%b1ld%c4%b1/30490994.html
|
Çetel vatandaşlarınıñ Ukrainağa kirişi yasaqlandı, 100-ge yaqın keçiş noqtası qapatıldı
|
Martnıñ 16-ndan itibaren ve kelecek eki afta devamında Ukraina çetel vatandaşlarını ve vatandaşlıqsız şahıslarnı memleketke kirsetmeycek, dep bildire Azatlıq Radiosı Ukraina Tış işler nazirligi matbuat hızmetiniñ malümatına esaslanıp.
«Tedbirler martnıñ 16-nda saat 00:00-da (bazar künü, martnıñ 15-nden, bazarertesi, martnıñ 16-na, keçer gecesi) işke tüşürile ve eki afta aprelniñ 3-ne qadar devam etecek. Bu müddet bitkeninen mezkür tedbirler ya devam ettirilecek, ya da lâğu etilecek, er şey COVID-19 tarqaluvınen bağlıdır. Ukrainada yaşamaq (vaqtınca ya da daimiy) aqqı olğan çetel vatandaşları ve Ukraina Tış işler nazirliginiñ ayrı qararınen çetel diplomatik ve konsullıq hadimleri, halqara teşkilâtlarnıñ temsilcileri içün istisna yapılacaq», – dep aytıla Tış işler nazirliginiñ haberinde.
Tış işler nazirliginiñ konsullıq hızmeti departamentiniñ gece bildirgenine köre, çetel konsullıq müessiseleri vatandaşlarnı vaqtınca qabul etmey ve viza bermey, bu qarar martnıñ 14-nden berli çalışa. Ukraina Devlet sıñır hızmetiniñ malümatına köre, martnıñ 16-ndan başlap yüzge yaqın keçiş noqtası vaqtınca qapatıla, daa aman-aman elli keçiş noqtasında yayalar vaqtınca keçirilmey.
Vaqtınca qapatılğan keçiş noqtalarını mında baqmañız mümkün.
Martnıñ 11-nde Dünya sağlıq teşkilâtı koronavirus yuqunçı sebebinden pandemiyanı ilân etti. Martnıñ 12-nde Ukrainada koronavirus yuqunçınıñ qırğınlıq telükesi ve onıñ tarqaluvına yol bermemek içün karantin başlandı. O, üç afta – aprelniñ 3-ne qadar devam etecek.
Ukrainada al-azırda üç koronavirus hastası qayd etildi, bir qadın vefat etti.
|
RFE; RL
|
2020-03-16
|
Martnıñ 16-ndan itibaren ve kelecek eki afta devamında Ukraina çetel vatandaşlarını ve vatandaşlıqsız şahıslarnı memleketke kirsetmeycek, dep bildire Azatlıq Radiosı Ukraina Tış işler nazirligi matbuat hızmetiniñ malümatına esaslanıp. «Tedbirler martnıñ 16-nda saat 00:00-da (bazar künü,...
|
[
"HABERLER, Ukraina, koronavirus, COVID-19"
] |
crh_Latn
|
web_parsing
|
https://ktat.krymr.com/a/%c3%a7etel-vatanda%c5%9flar%c4%b1na-q%c4%b1r%c4%b1mda-topraq-saibi-olma%c4%9fa-yasaqla%c4%9fan-putinni%c3%b1-buyru%c4%9f%c4%b1-i%c5%9fke-t%c3%bc%c5%9f%c3%bcrildi/31161361.html
|
«Çetel vatandaşlarına» Qırımda topraq saibi olmağa yasaqlağan Putinniñ buyruğı işke tüşürildi
|
2021 senesi martnıñ 20-nden itibaren Rusiye prezidenti **Vladimir Putinniñ **«çetel vatandaşlarına» Qırımnıñ çoqusı rayonında – yalı boyu ve esas Ukrainağa yaqın rayonlarda topraq saibi olmağa yasaqlağan buyruğı işke tüşürile.
Rusiye qanunlarına köre, işğal altındaki yarımadada yaşağan Ukraina vatandaşları bu kategoriyağa kirmey.
Ukraina insan aqları Helsinki birliginiñ advokatı, Ukraina halqara uquq milliy advokatlar birligi komitetiniñ azası **Maksim Timoçko Qırım.Aqiqat Radiosınıñ **yayınında Rusiye prezidenti** Vladimir Putinniñ **«topraq buyruğına» ait olğan Ukraina vatandaşları işğal etilgen Qırımda topraq damartılarını nasıl saqlaması mümkün olğanını tarif etti.
Rusiye prezidenti Vladimir Putin 2020 senesi martnıñ 20-nde topraq damartıları «çetel vatandaşları» ve «çetel şirketlerine» ait olamaycaq topraqlarnıñ cedvelini kenişletti. Cedvelge işğal etilgen Qırım ve Aqyarnıñ çoqusı rayonları, Keriç, Yalta, Kezlev ve diger yalı şeerleri kirdi. Yasaq Qırımnıñ üç regionına tesir etmey – Curçı, Qurman ve Qarasuvbazar rayonına, olarnıñ esas Ukraina ile sıñırı ve Qara deñizge çıqışı yoq. Cedvelge Aqyarnıñ Nahimov rayonındaki Duvanköy (Verhnesadovoye) köy şurası da kirmedi.
Daa evel belli olğanına köre, işğal etilgen Qırımda «Rusiyeniñ sıñır topraqlarındaki» 9747 topraq damartısı Ukraina vatandaşlarına ait.
Ukraina prezidentiniñ Qırım Muhtar Cumhuriyetindeki temsilciligi Putinniñ Qırımdaki topraq buyruğını «arbiy cinayet» dep adlandırdı. Qırım Muhtar Cumhuriyetiniñ prokuraturası Rusiye akimiyetiniñ bu areketlerini Ukraina Ceza kodeksiniñ 438-inci maddesine köre (cenk qanunları ve adetlerini bozuv) tasnif ete.
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti** Vladimir Putin **martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
|
RFE; RL
|
2021-03-20
|
2021 senesi martnıñ 20-nden itibaren Rusiye prezidenti Vladimir Putinniñ «çetel vatandaşlarına» Qırımnıñ çoqusı rayonında – yalı boyu ve esas Ukrainağa yaqın rayonlarda topraq saibi olmağa yasaqlağan buyruğı işke tüşürile. Rusiye qanunlarına köre, işğal altındaki yarımadada yaşağan Ukraina...
|
[
"HABERLER, Qırım, Ukraina, Vladimir Putin, buyruq, topraq, Kırım, topraq qanunı"
] |
crh_Latn
|
web_parsing
|
https://ktat.krymr.com/a/%c3%a7ezilmegen-i%c5%9flerni%c3%b1-yuma%c4%9f%c4%b1-%c4%9fay%c4%b1p-ol%c4%9fan-q%c4%b1r%c4%b1ml%c4%b1lar%c4%9fa-qoltutuv-aktsiyas%c4%b1/29508892.html
|
«Çezilmegen işlerniñ yumağı». Ğayıp olğan qırımlılarğa qoltutuv aktsiyası
|
Kyivdeki Rusiye elçihanesi ögünde «Çezilmegen işlerniñ yumağı» aktsiyası olıp keçti. Onıñ çerçivesinde faaller Rusiyeden işğal etilgen Qırımda insan qaçıruvlarını taqiq etmesini talap etti. Aktsiya 27-nci kere ötkerile.
Faaller «Ervin qayda?» bannerini asıp qoydı. Böylece, Bağçasaray regional Meclisiniñ azası Ervin İbragimovnıñ qaçırılmasını taqiq etmege talap ettiler.
2016 senesi mayısta Bağçasarayda kimligi belli olmağan insanlar Dünya qırımtatar kongressi icra komitetiniñ azası Ervin İbragimovnı qaçırğan edi. Video nezareti kamerası Rusiye yol hızmeti urbasında eki insan İbragimovnıñ maşinasını toqtatıp, onı öz mikroavtobuslarına mindirgenlerini çıqardı.
Qırım aq qorçalayıcı gruppası, Ervin İbragimovnı Rusiye akimiyeti ya da olarnıñ kontrolinde olğan taqımlar qaçırdı, dep tahmin ete.
Rusiye Taqiqat komitetiniñ Qırım idaresi qaçıruv aqqında cinaiy iş açqan edi. Faqat bugünge qadar Ervinniñ bulunğan yeri aqqında bir malümat yoq.
Faaller «Ervin qayda?» bannerini asıp qoydı. Böylece, Bağçasaray regional Meclisiniñ azası Ervin İbragimovnıñ qaçırılmasını taqiq etmege talap ettiler.
2016 senesi mayısta Bağçasarayda kimligi belli olmağan insanlar Dünya qırımtatar kongressi icra komitetiniñ azası Ervin İbragimovnı qaçırğan edi. Video nezareti kamerası Rusiye yol hızmeti urbasında eki insan İbragimovnıñ maşinasını toqtatıp, onı öz mikroavtobuslarına mindirgenlerini çıqardı.
Qırım aq qorçalayıcı gruppası, Ervin İbragimovnı Rusiye akimiyeti ya da olarnıñ kontrolinde olğan taqımlar qaçırdı, dep tahmin ete.
Rusiye Taqiqat komitetiniñ Qırım idaresi qaçıruv aqqında cinaiy iş açqan edi. Faqat bugünge qadar Ervinniñ bulunğan yeri aqqında bir malümat yoq.
|
RFE; RL
|
2018-09-25
|
Kyivdeki Rusiye elçihanesi ögünde «Çezilmegen işlerniñ yumağı» aktsiyası olıp keçti. Onıñ çerçivesinde faaller Rusiyeden işğal etilgen Qırımda insan qaçıruvlarını taqiq etmesini talap etti.
|
[
"MULTİMEDİA, FOTORESİMLER"
] |
crh_Latn
|
web_parsing
|
https://ktat.krymr.com/a/%c3%a7ikagoda-q%c4%b1r%c4%b1m-ilhaq%c4%b1na-qoltutqan-rusiye-jazzman%c4%b1n%c4%b1%c3%b1-kontsertini-l%c3%a2%c4%9fu-ettiler/30416607.html
|
Çikagoda Qırım ilhaqına qoltutqan Rusiye jazzmanınıñ kontsertini lâğu ettiler
|
Çikagoda 2014 senesinde Qırım ilhaqına qol tutqan Rusiye jazzmanı İgor Butmannıñ kontsertini lâğu ettiler. Bunı **Qırım.Aqiqat**qa jurnalist **Yuliya Gorodetskaya **haber etti.
Onıñ aytqanına köre. New Yorktaki kontsertni lâğu etmek muracaatınen kontsert teşkilâtçılarına mektüp yazğan faaller, Çikagodaki çıqış lâğu etildi, dep haber ettiler.
**Qırım.Aqiqat **muarririyetiniñ elinde mektüp metni bar. Onda, jazzmannıñ cedvelinde uyğunsızlıqlar bar olğanı içün kontsert lâğu etile, dep yazılğan.
Butmannıñ saytında kontsert aqqında haber daa bar, amma çıqışı olacaq **The Promontory **klubunıñ saytında ilân artıq yoq.
Rusiye jazzmanı İgor Butman ve onıñ vekilleri kontsetniñ lâğu etilmesini tefsir etmey.
New Yorkta yanvarniñ 30-ında faaller, 2014 senesi Qırımnıñ ilhaqına qol tutqan Rusiye jazzmanı **İgor Butman**nıñ kontsertine qarşı narazılıq kösterdi.
Daa evel Butmannıñ Bostonda bir qaç kontsertini lâğu ettiler. **Arts Against Aggression** teşkilâtınıñ faalleri, müessise reberligine çalğıcınıñ siyasiy noqta-i nazarı aqqında haber etkeni içün, onıñ soñki kontserti lâğu etildi.
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti** Vladimir Putin **martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
|
RFE; RL
|
2020-02-04
|
Çikagoda 2014 senesinde Qırım ilhaqına qol tutqan Rusiye jazzmanı İgor Butmannıñ kontsertini lâğu ettiler. Bunı Qırım.Aqiqatqa jurnalist Yuliya Gorodetskaya haber etti. Onıñ aytqanına köre. New Yorktaki kontsertni lâğu etmek muracaatınen kontsert teşkilâtçılarına mektüp yazğan faaller,...
|
[
"HABERLER, Çikago, Rusiye jazzmanı İgor Butman"
] |
crh_Latn
|
web_parsing
|
https://ktat.krymr.com/a/%c3%a7iyg%c3%b6z-q%c4%b1r%c4%b1mtatarlarn%c4%b1%c3%b1-bosatuv%c4%b1-aqq%c4%b1nda-zelensk%c4%b1ynen-dialog-al%c3%a2-daa-yoq-/30355973.html
|
Çiygöz: "Qırımtatarlarnıñ bosatuvı aqqında Zelenskıynen dialog alâ daa yoq"
|
Qırımtatar Milliy Meclisi reisiniñ müavini, Ukraina halq mebusı **Ahtem Çiygöz, **ne Ukraina prezidentiniñ ofisi, ne de prezidenti **Volodımır Zelenskıy**nıñ özü qırımtatarlarnıñ boşatıluvını Meclisnen muzakere etmegenini qayd etti.
Bunı o **Qırım.Aqiqat Radiosı**nıñ efirind aytıp berdi.
"Yazıq ki, diaologımız olmadı. Amma tünevin (dekabrniñ 29-ında - *QA*) biz baş nazir **Aleksey Gonçaruk**nen körüştik, qonuştıq, amma, yazıq ki, baş nazirniñ, bizim kibi, deñişüvge alâqası yoq. Biz sadece o oğraşqan meselelerni muzakere ettik. Körüşümiz bir saattan çoq oldı ve mence, onıñ birinci körüşüv olğanını közden tutsañ, yahşı keçti", - aytıp berdi Çiygöz.
Daa evel Ukraina prezidentiniñ Ofisi Qırım esirleriniñ Rusiye türmelerinden azat etilüvini muzakere etmek içün qırımtatarlarnıñ timsaliy organına muracaat etmegenini Qırımtatar Milliy Meclisiniñ reisi **Refat Çubarov **ayta edi.
Zelenskıy qırımtatar Meclisiniñ vekilleriniñ qaydlarına öyle de cevaplanmadı.
Dekabrniñ 29-ında soñki deñişimden soñ Ahtem Çiygöz, ilhaq etilgen Qırımda ve Rusiyede tutulğan qırımtatarlarnı azat etmek içün Rusiuye prezidenti **Vladimir Putin**ge basqı ziyadece olmaq kerek, dep qayd etti.
İşğal etilgen Ğorlivka yanındaki sıñırda «Mayorske» keçiş noqtasında dekabrniñ 29-nda tutulğan şahıslar deñiştirildi.
Dekabrde Parijde «normand formatı» sammiti keçirildi – Frenkistan, Almaniya, Ukraina ve Rusiye liderleri körüşti. Taraflar, Kyiv ve Moskva «er kesni er keske» formulası boyunca şahıslarnı dekabrniñ 31-ne qadar deñişecek, dep añlaşqan edi.
Ukraina prezidenti **Volodımır Zelenskıy** tutulğan şahıslarnı deñişim dekabrniñ 29-nda olacaq, dep tasdıqladı.
| null |
2020-01-02
|
Qırımtatar Milliy Meclisi reisiniñ müavini, Ukraina halq mebusı Ahtem Çiygöz, ne Ukraina prezidentiniñ ofisi, ne de prezidenti Volodımır Zelenskıynıñ özü qırımtatarlarnıñ boşatıluvını Meclisnen muzakere etmegenini qayd etti. Bunı o Qırım.Aqiqat Radiosınıñ efirind aytıp berdi. "Yazıq ki,...
|
[
"HABERLER, Qırım, Kırım, Volodımır Zelenskıy"
] |
crh_Latn
|
web_parsing
|
https://ktat.krymr.com/a/%c3%a7iygoz-advokat-k%c3%bcrbedinovn%c4%b1%c3%b1-tevqif-etilmesi-aqq%c4%b1nda-rusiye-akimiyetini%c3%b1-so%c3%b1ki-ihtar%c4%b1-/29643305.html
|
Çiygoz advokat Kürbedinovnıñ tevqif etilmesi aqqında: «Rusiye akimiyetiniñ soñki ihtarı»
|
Kreml kontrolindeki Aqmescit Kiyev rayon mahkemesiniñ advokat **Emil Kürbedinovnı** 5 künge apiske almaq qararı «onıñ cinaiy taqip etilmesi ögüne soñki ihtar» ola bile. Böyle bir fikirni dekabrniñ 7-nde **Qırım.Aqiqatqa **Qırımtatar Milliy Meclisiniñ reis muavini **Ahtem Çiygoz** bildirdi.
«Rusiye Devlet dumasında qabul etilgen tüzetmelerge köre, içtimaiy ağlarda paylaşqanlarıñ içün bir qaç kere ihtar etilseñ, ileride cinaiy madde boyunca mesüliyetke çekileceksiñ. Kürbedinovnıñ vaziyeti budır. Menim fikirimce – bu soñki ihtar. Profilaktika tedbirleri olsa edi, para cezası olur edi. 5 kün apis cezası berilgen soñ, soñki ihtar olğanını tüşünmek kerek», – dey Çiygoz.
Kreml kontrolindeki Aqmescitniñ Kiyev rayon mahkemesi qırımlı advokat Emil Kürbedinovnı 5 künge tevqif etti.
Qararnı qadı **Anton Tsıkurenko** seslendirdi. Kürbedinov 2013 senesi Facebookta paylaşqanları içün Rusiye Memuriy cinayetler kodeksiniñ 20.3 maddesi boyunca (natsist işaretleri ya da timsalleri, ekstremist teşkilâtlarnıñ işaretleri ya da timsalleri, ya da federal qanunlarnen yasaqlanğan işaret ve timsalleriniñ teşviqatı ve açıq numayış etilmesi) apiske alındı. Kürbedinovnıñ zenaatdaşları dey ki, onı Dimaşqqa köçken Qırım sakini şikâyet etti.
Kürbedinovnıñ fikirince, onıñ dekabrniñ 6-nda Rusiye uquq qoruyıcıları tarafından tutulması «olmaycaq sebeplerden» yapıldı, o, ekstremizm qabaatlarını tanımay.
Emil Kürbedinov qayd etkenine köre, tutulmasınıñ kerçek sebebi onıñ aq qorçalayıcı faaliyeti, siyasiy mabüslerge köstergen yardımı ve Ukraina askeri Bogdan Nebılitsanı qorçalağanı ola.
Emil Kürbedinovnıñ advokatı **Aleksey Ladin **Aqmescitniñ Kiyev rayon mahkemesinde çıqışta bulunıp, cinayet olmağanı içün dava qapatılmalı, dedi. Ladin 2013 senesi Qırımda «Ukraina uquqı bar edi, oña köre bu timsaller yasaq altında degil. Cinayet işlemek kibi bir niyet de yoq edi», dep hatırlattı. Mahkeme adise eski olğanına baqmadan, memuriy davanı qapatmaq muracaatını red etti.
Emil Kürbedinovnıñ davasında şaatlardan biri Rusiye FSB hadimi Andrey Suşko ola. O, qırımtatar faali Renat Paralamovnıñ hırsızlanması ve azaplanmasında iştirak etken edi.
Keçenleri Suşko Paralamovnı hırsızlağanında şeklenip, ABD sanktsiyalar cedveline kirsetilgen edi.
İşğalden soñ Qırımdaki faktik Rusiye akimiyeti mustaqil jurnalistler, vatandaş faalleri, Qırımtatar Milliy areketiniñ faalleri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.
|
RFE; RL
|
2018-12-07
|
Kreml kontrolindeki Aqmescit Kiyev rayon mahkemesiniñ advokat Emil Kürbedinovnı 5 künge apiske almaq qararı «onıñ cinaiy taqip etilmesi ögüne soñki ihtar» ola bile. Böyle bir fikirni dekabrniñ 7-nde Qırım.Aqiqatqa Qırımtatar Milliy Meclisiniñ reis muavini Ahtem Çiygoz bildirdi. «Rusiye Devlet...
|
[
"HABERLER, Qırım, Qırımtatar, Ahtem Çiygoz, ihtar, advokat, Kırım, Emil Kürbedinov"
] |
crh_Latn
|
web_parsing
|
https://ktat.krymr.com/a/%c3%a7iygoz-baluh-ayr%c4%b1-bir-zal%c4%b1ml%c4%b1qnen-k%c3%b6teklendi-/30827530.html
|
Çiygoz: «Baluh ayrı bir zalımlıqnen köteklendi»
|
Kyivde yaşağan Kremlniñ eski siyasiy mabüsi, qırımlı **Volodımır Baluh** «ayrı zalımlıqnen köteklendi», dep tüşüne Ukraina Yuqarı Radasınıñ deputatı, Qırımtatar Milliy Meclisiniñ reis muavini **Ahtem Çiygoz**.
«Gidropark» civarlarında oldı, gece. Bilgeniñiz kibi, tünevin siyasiy mabüslerimizniñ azat oluv yıllığı edi. Körüşip oturğanlar, laf etkenler, yarı gecege yaqın dağılıp başladılar. Onı Ukrainağa qol tutqanı içün köteklegenlerinden başqa bir fikrim yoq, çünki urbası da pek renkli edi, kazak resimi bar. Amma tahqiqat bunı çezecek. Qolu ve köpürçik kemigi sındırıldı. Saba tapılğanda essiz edi, yani onı ayrı bir zalımlıqnen köteklediler. O da zayıf biri degil. Bir qaç adam olğanı añlaşıla», – dedi Çiygoz** Qırım.Aqiqatqa**.
Kyivniñ Milliy politsiyası, Baluh nasıl köteklendi ögrene, dep qayd etti. Ukraina prezidentiniñ ofisi qırımlığa yapılğan ücüm sebebinden qasevetlengenini bildirdi. Baluh köteklengenini **Oleg Sentsov** haber etti. Onıñ malümatına köre, faal sentâbrniñ 7-nden 8-ne keçer gecesi köteklendi. Ağır alda hastahanege alındı – qolu ve köpürçik kemigi sındırıldı. **Qırım.Aqiqat**, Baluhnıñ nomerasına telefon etti, amma qadın cevap berdi. O, Sentsovnıñ malümatını tasdıqladı, amma özüni tanıtmadı.
İyünniñ 12-nde Kyivde faal **Serğiy Sternenkonıñ** sıñırlav tedbiri belgilengen mahkeme vaqtında politsiya hadimleri Volodımır Baluhqa qarşı küç qullandı.
**Volodımır Baluh **– qırımlı çiftçi, ukrainalı cemaat faali, Ukrain milletçileri kongressiniñ azası. Rusiye Qırımnı ilhaq etken soñ Rusiye vatandaşlığından vazgeçti. 2013 senesi qışta evinde Ukraina bayrağını astı, daa soñra «Sema Yüzü qaramanları soqağı» levhasını tikledi.
2016 senesiniñ soñunda Volodımır Baluhnı** **Rusiye FSBsiniñ hadimleri tutıp aldı. Olar Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Rusiye kontrolindeki Qırım mahkemesi onı 5 yılğa azatlıqtan marum etti – eki cinaiy dava boyunca: silâ saqlaması ve «Aqşeyh vaqtınca tutuv izolâtorınıñ yolbaşçısını köteklev» dep adlandırılğan adise.
Baluh qabaatını tanımayıp, açlıqqa başlağan edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. «Memorial» aq qorçalayıcı merkezi Volodımır Baluhnı siyasiy mabüs olaraq tanıdı.
|
RFE; RL
|
2020-09-08
|
Kyivde yaşağan Kremlniñ eski siyasiy mabüsi, qırımlı Volodımır Baluh «ayrı zalımlıqnen köteklendi», dep tüşüne Ukraina Yuqarı Radasınıñ deputatı, Qırımtatar Milliy Meclisiniñ reis muavini Ahtem Çiygoz. «Gidropark» civarlarında oldı, gece. Bilgeniñiz kibi, tünevin siyasiy mabüslerimizniñ azat...
|
[
"HABERLER, Ahtem Çiygoz, Kyiv, Volodımır Baluh, kötek"
] |
crh_Latn
|
web_parsing
|
https://ktat.krymr.com/a/%c3%a7iygoz-bm-havfs%c4%b1zl%c4%b1q-%c5%9furas%c4%b1nda-rusiye-vekillerine-afu-etmeycekmiz-q%c4%b1r%c4%b1m-i%c3%a7%c3%bcn-cevap-bereceksi%c3%b1iz-video/29824017.html
|
Çiygoz – BM Havfsızlıq şurasında Rusiye vekillerine: «Afu etmeycekmiz, Qırım içün cevap bereceksiñiz» (+video)
|
Qırımtatar Milliy Meclisiniñ reis muavini **Ahtem Çiygoz **martnıñ 15-nde BM Havfsızlıq şurasında Rusiyeniñ Qırım işğaliniñ beşinci yılına bağışlanğan mahsus toplaşuvında çıqışta bulundı. O, Rusiye Qırımğa ordu kirsetken 2014 senesiniñ adise-vaqiaları, Rusiye uquq qoruyıcılarınıñ yarımadada Ukraina vatandaşlarını taqip etilüvi aqqında tarif etti. Çiygoz toplaşuvda olğan Rusiye vekillerine hitap etti.
«Bugünde-bugün Ukraina ve Qırımda yapqan cinayetleriñiz içün cevap bereceksiñiz. Yüz biñlernen ananıñ közyaşını sizge iç bir vaqıt afu etmeycekmiz. Balalarımıznıñ yetim qalğanını ve bugünde-bugün vatanımda barışıqsever sakinlerge qarşı yapqan terror intiqamını iç bir vaqıt afu etmeycekmiz. Sizni iç bir vaqıt afu etmeycekmiz. Ne qadar vaqıt keçse keçsin, cevap bereceksiñiz», – dedi Çiygoz.
O, yarımadada repressiyalar devam etkenini ve insan aqları bozulğanını hatırlatıp, al-azırda işğal altındaki Qırım «bütün Qara deñiz havzasında, Avropa Birliginde vaziyetni kerginleştirüv yeri» ola, dep qayd etti.
Rusiyeniñ Qırım işğaliniñ beşinci yılına bağışlanğan BM Havfsızlıq şurasınıñ mahsus toplaşuvında çıqışta bulunğan Ukraina Tış işler naziriniñ muavini **Serğiy Kıslıtsâ** Rusiyege qarşı tirenüv ne qadar az olsa, o qadar çoq o, halqara qaide ve normalardan çetleşe, dep ayttı.
Martnıñ 15-nde BM Havfsızlıq şurasında «Timsaliy san: Rusiyeniñ Qırım işğaliniñ başlanğıç yıllığı: halqara uquqnıñ bozuluvı» mahsus toplaşuvı keçirildi.
Halqara toplulıq Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey.
Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
|
RFE; RL
|
2019-03-15
|
Qırımtatar Milliy Meclisiniñ reis muavini Ahtem Çiygoz martnıñ 15-nde BM Havfsızlıq şurasında Rusiyeniñ Qırım işğaliniñ beşinci yılına bağışlanğan mahsus toplaşuvında çıqışta bulundı. O, Rusiye Qırımğa ordu kirsetken 2014 senesiniñ adise-vaqiaları, Rusiye uquq qoruyıcılarınıñ yarımadada Ukraina...
|
[
"HABERLER, Qırım, Ahtem Çiygoz, BM, Kırım, Serğiy Kıslıtsâ"
] |
crh_Latn
|
web_parsing
|
https://ktat.krymr.com/a/%c3%a7iygoz-cenk-vaziyeti-vaqt%c4%b1nda-il%c3%a2n-etilgenini-t%c3%bc%c5%9f%c3%bcnem-/29628089.html
|
Çiygoz: Cenk vaziyeti vaqtında ilân etildi dep belleyim
|
Qırımtatar Milliy Meclisiniñ reis muavini **Ahtem Çiygoz **Ukrainanıñ bazı vilâyetlerinde cenk vaziyeti vaqtında ilân etildi dep tüşüne.
Bunı o, **Qırım.Aqiqat **mühbirine bildirdi.
«Qırım ve oña bağlı er şey daa sıcaq ve facialı olacaq. Buña em memleket (Ukraina –* QA*) içinde, em onıñ tışında er kes azır degil. Soñki vaqıtları prezidentniñ Ukraina cenübinde yapqan areketleri mantıqlıdır. Cenk vaziyeti vaqtında ilân etildi dep tüşünem», – dep qayd etti Çiygoz.
Onıñ aytqanına köre, bazı Ukraina siyasetçileriniñ konstruktiv baqışları vaqtınca işğal etilgen Qırım ve Donbasnıñ ayrı topraqları işğalden qurtulacağına ümüt bere.
«Yuqarı Radada bazı fraktsiyalarnıñ (BÜT, Lâşko fraktsiyası ve digerleri – QA) (cenk vaziyeti ile bağlı – QA) yayğarası, menim fikirimce, Rusiye tesirinden kele. Meselâ, **Andriy Sadovıynıñ **(Lviv şeer yolbaşçısı – QA) konstruktiv baqışları Qırım, qırımtatarlar ve işğal etilgen topraqlarda diger Ukraina vatandaşları içün – işğalden qurtulma ümütidir», – dep qayd etti Çiygoz.
Cenk vaziyeti on vilâyette ilân etile – Odesa, Mıkolayıv, Herson, Zaporijjâ, Lugansk, Donetsk, Sumı, Harkiv, Çernigiv, Vinnıtsâ vilâyetlerinde.
«Urâdovıy Kuryerniñ» noyabrniñ 28-nde çıqqan sanında Ukrainanıñ bir sıra vilâyetinde cenk vaziyeti ilân etilicegi aqqında prezident fermanı derc etildi.
Ukraina Arbiy deñiz quvetleri bildirgenine köre, noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Daa soñra belli oldı ki, FSB Qara deñizde Ukraina gemilerine qarşı silâ qullandı. Kyivniñ malümatına köre, FSB açqan ateş neticesinde altı Ukraina askeri yaralandı. Rusiye FSBsi Ukraina gemilerine qarşı silâ qullanılğanını tasdıqlap, yaralanğan üç Ukraina deñizcisi aqqında haber etti.
Noyabrniñ 26-nda Ukraina Yuqarı Radası Keriç boğazında Rusiye arbiyleri tarafından Ukraina gemilerine açılğan ateş sebebinden bir qaç vilâyette cenk vaziyetini ilân etti.
Noyabrniñ 27-nde Rusiye kontrolindeki Aqmescitniñ Kiyev rayon mahkemesi tutılğan 24 Ukraina askerinden 12-sini apiske aldı.
Soñki vaqıtları Azaq deñizi Rusiye uquq qoruyıcıları, birinciden Ukraina limanlarına ketken ve andan kelgen gemilerni tutqan sıñırcıları, tarafından yapılğan provokatsiyalarnıñ yeri oldı.
|
RFE; RL
|
2018-11-29
|
Qırımtatar Milliy Meclisiniñ reis muavini Ahtem Çiygoz Ukrainanıñ bazı vilâyetlerinde cenk vaziyeti vaqtında ilân etildi dep tüşüne. Bunı o, Qırım.Aqiqat mühbirine bildirdi. «Qırım ve oña bağlı er şey daa sıcaq ve facialı olacaq. Buña em memleket (Ukraina – QA) içinde, em onıñ tışında er kes...
|
[
"HABERLER, Ukraina, Ahtem Çiygoz, Petro Poroşenko, cenk vaziyeti, Andriy Sadovıy"
] |
crh_Latn
|
web_parsing
|
https://ktat.krymr.com/a/%c3%a7iygoz-de%c3%b1i%c5%9f%c3%bcv-cuma-k%c3%bcn%c3%bc-ola-bile/30135350.html
|
Çiygoz: Deñişüv cuma künü ola bile
|
Ukraina ve Rusiye arasında tutulğan insanlarnıñ deñişüvi cuma künü ola bile. Bu aqta Qırımtatar Milliy Meclisiniñ reis muavini, Ukraina halq deputatı** Ahtem Çiygoz Qırım.Aqiqatqa** avgustnıñ 29-nda bildirdi.
«Menim malümatıma köre, deñişüv cuma kününe planlaştırılğanına dair tahminler bar. Amma tam olaraq aytıp olamayıq, bu Rusiye aqqında degil. Er şey «relste» tura, amma incelikler peyda ola bile», – dedi Çiygoz.
Cumaaqşamı künü, avgustnıñ 29-nda, yañı saylanğan halq deputatı** Viktor Medvedçuk **Yuqarı Radada olıp, Ukraina ve Rusiye arasında tutulğan şahıslarnı deñişüv muzakereleri devam ete, dep bildirdi.
Kütleviy haber vastaları Rusiye ve Ukraina «33-ke 33» deñişüv aqqında añlaştılar, dep bildirgen ediler. Ukraina prezidenti **Volodımır Zelenskıy **Ukraina ve Rusiye arasında tutulğan şahıslarnı deñişüvniñ «birinci neticeleri» eñ yaqın vaqıtta olacağına ümüt etkenini bildirgen edi.
Avgustnıñ 29-nda saba rejissörniñ anası **Lüdmila Sentsova** oğlu uzun müddet içinde ilk sefer oña koloniyadan telefon etmegenini bildirdi. O, er aynıñ soñunda bağğa çıqa eken.
Rusiye kütleviy haber vastalarınıñ malümatına köre, Rusiyede mahküm etilgen ukrainalı rejissör Oleg Sentsov Labıtnangi koloniyasından Moskvağa alıp ketirildi. Advokatı **Dmitriy Dinze **bu malümatnı ne inkâr ete, ne de tasdıqlay.
|
RFE; RL
|
2019-08-29
|
Ukraina ve Rusiye arasında tutulğan insanlarnıñ deñişüvi cuma künü ola bile. Bu aqta Qırımtatar Milliy Meclisiniñ reis muavini, Ukraina halq deputatı Ahtem Çiygoz Qırım.Aqiqatqa avgustnıñ 29-nda bildirdi. «Menim malümatıma köre, deñişüv cuma kününe planlaştırılğanına dair tahminler bar. Amma...
|
[
"HABERLER, Ahtem Çiygoz, Oleg Sentsov, deñişüv"
] |
crh_Latn
|
web_parsing
|
https://ktat.krymr.com/a/%c3%a7iygoz-koronavirus-tel%c3%bckesi-aqq%c4%b1nda-rusiye-propagandas%c4%b1-q%c4%b1r%c4%b1ml%c4%b1lar%c4%9fa-mal%c3%bcmat-bermege-keder-ete/30506933.html
|
Çiygoz koronavirus telükesi aqqında: Rusiye propagandası qırımlılarğa malümat bermege keder ete
|
Ukraina halq deputatı, Qırımtatar Milliy Meclisiniñ reis muavini **Ahtem Çiygoznıñ **fikirince, işğal etilgen Qırım sakinleri yarımadada koronavirus yuqunçınıñ tarqaluv telükesi ne qadar ciddiy olğanını añlamay. O, bunı Rusiye akimiyetiniñ aytqanları ve bu vaziyetke olğan munasebetinen bağlay.
«Qırımlılarğa malümat bermege tırışamız. Ğaliba, belli telüke alanında daimiy bulunuv ve Rusiye propagandası olarnıñ lâqaytlığını doğurdı. Qıtada ciddiy problemler olğanını, sert tedbir alınğanını, cemaat özüni tertiplegenini bile, amma qırımlılar bu yarımadağa kelmeycek, dep tüşüneler. Lâqaytlıq ölümnen bir olğanına işandırmağa ve areketke çağırmağa qala, bu vaziyette biz olarğa mında yardım etip olamamız», – dedi Çiygoz** Qırım.Aqiqat Radiosınıñ **yayınında.
Onıñ aytqanına köre, Ukraina tarafı qırımlılarğa belli sıñırlav tedbirleri kerek olğanını añlatmağa tırışa.
«Ukraina devleti, keç olsa da, tedbirlerni tezleştirmeli ve yardım yollarını qıdırmalı. Qırımlılarğa toy, doğğan künleri, aqşamları qave ve restoranlarda bulunmaqtan vazgeçmek kerek olğanını añlatmağa tırışamız, amma yetip olamaymız. Bu yaramay bir şey», – dep qayd etti Çiygoz.
Daa evel Çiygoz qırımlılarnı özüni tecrit etip, qorçalanmağanlarğa qoltutmalarına çağırğan edi. Onıñ qayd etkenine köre, Ukrainada qırımlılarğa yardım etüv imkânları qıdırılacaq ve pandemiya tarqaluvına qarşı nasıl tedbir ve usullar qullanıla bile bildirilecek.
Martnıñ 24-nde Rospotrebnadzornıñ Qırım idaresi bildirgenine köre, işğal etilgen Qırımda ve Aqyarda yañı koronavirus hastaları qayd etilmedi.
Qırımnıñ Rusiye akimiyeti ilk COVID-19 hastası bar dep tasdıqladı. Yarımada akimiyeti birinci hastanen alâqada olğan 37 insannı taptı. Olar tibbiy müessiselerde ya da evlerinde tecrit etildi.
Rospotrebnadzor malümatına köre, koronavirusnen hastalanğan qırımlı Qırım ve Herson vilâyetiniñ memuriy sıñırındaki Rusiye keçiş noqtasından keçkende Frenkistanğa barğanını gizledi.
Qırım Muhtar Cumhuriyetiniñ Prokuraturası, Qırımnı işğal etken Rusiye yarımadada koronavirus yuqunçınıñ tarqaluvından mesüliyetli ola, dep bildire.
Daa evel **2019-nCoV **olaraq belli **SARS-CoV-2 **koronavirusı Qıtayda keçken yılnıñ soñunda qayd etildi.
O,** COVID-19** hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
|
RFE; RL
|
2020-03-24
|
Ukraina halq deputatı, Qırımtatar Milliy Meclisiniñ reis muavini Ahtem Çiygoznıñ fikirince, işğal etilgen Qırım sakinleri yarımadada koronavirus yuqunçınıñ tarqaluv telükesi ne qadar ciddiy olğanını añlamay. O, bunı Rusiye akimiyetiniñ aytqanları ve bu vaziyetke olğan munasebetinen bağlay....
|
[
"HABERLER, Qırım, Ahtem Çiygoz, Kırım, koronavirus"
] |
crh_Latn
|
web_parsing
|
https://ktat.krymr.com/a/%c3%a7iygoz-maydanda-q%c4%b1r%c4%b1m-bizge-i%c5%9fana-ve-qurtar%c4%b1luv%c4%b1n%c4%b1-bekley-/30314444.html
|
Çiygoz: Qırım bizge işana ve qurtarıluvını bekley
|
Qırımtatar Milliy Meclisiniñ reis muavini, Ukraina halq deputatı** Ahtem Çiygoz **dekabrniñ 8-nde Kyivniñ merkezindeki Mustaqillik Meydanında «normand körüşüvi» arfesinde çıqışta bulunıp, işğal etilgen Qırımnıñ bir çoq sakini yarımada işğalden qurtarılacağına işana ve bunı bekley, dep ayttı.
«Qırım bizge işana, Qırım bizni bekley ve onı qurtaracağımıznı bekley. Yañı akimiyeti bunı añlamaq kerek. Beş yıl devam etken küreşte topraqlarımızda qora qoyulmasına ve topraqlarımıznıñ buzlatılmasına izin bermeycekmiz», – dedi Çiygoz.
Bazar künü Kyivde **«Ze içün qırmızı çizgizler»** şiarı altında aktsiya keçirildi.
Parijde olacaq «normand sammiti» arfesinde üç parlament fraktsiyasınıñ lideri bu afta ihtar aktsiyasına davet etti. Dekabrniñ 3-nde olar Ukraina prezidentine beyanatlarınen muracaat etti. Siyasetçiler, «Ukrainağa zarar ketirecek» beş «qırmızı çizgini» aydınlattı.
«Normand formatındaki» körüşüv dekabrniñ 9-nda Parijde ötkerilmeli. Böyle muzakereler soñki sefer 2016 senesi oktâbr ayında keçirilgen edi.
Volodımır Zelenskıy ve **Vladimir Putin** ilk sefer şahsen körüşecekler, daa evel tek telefonda laf etken ediler.
Ukraina prezidentiniñ bildirgenine köre, «norman dördü» memleketleriniñ liderleri esirlerniñ qaytuvı, ateş toqtatıluvı, Ukraina-Rusiye sıñırınıñ kontroli ve Donbastaki saylavlarnı muzakere etecekler.
Qırımtatar Milliy Meclisiniñ reisi **Refat Çubarov **Zelenskıynı Qırım mevzusını «normand formatındaki» körüşüvde kötermesine çağırdı.
Dekabrniñ 2-nde Rusiye prezidenti** Vladimir Putinniñ **matbuat kâtibi** Dmitriy Peskov**, Putin Qırımnıñ aitlik meselesini Ukraina prezidenti Volodımır Zelenskıy ile muzakere etmeycek, dep bildirdi.
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti** Vladimir Putin **martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
|
RFE; RL
|
2019-12-08
|
Qırımtatar Milliy Meclisiniñ reis muavini, Ukraina halq deputatı Ahtem Çiygoz dekabrniñ 8-nde Kyivniñ merkezindeki Mustaqillik Meydanında «normand körüşüvi» arfesinde çıqışta bulunıp, işğal etilgen Qırımnıñ bir çoq sakini yarımada işğalden qurtarılacağına işana ve bunı bekley, dep ayttı....
|
[
"HABERLER, Meclis, Ahtem Çiygoz"
] |
crh_Latn
|
web_parsing
|
https://ktat.krymr.com/a/%c3%a7iygoz-milliy-meclis-azalar%c4%b1n%c4%b1%c3%b1-q%c4%b1r%c4%b1mdan-nefret-etkenler-cedveline-kirsetilmesi-aqq%c4%b1nda-du%c5%9fmanlarn%c4%b1-tan%c4%b1maq-kerek-/29513517.html
|
Çiygoz Milliy Meclis azalarınıñ «Qırımdan nefret etkenler» cedveline kirsetilmesi aqqında: «duşmanlarnı» tanımaq kerek»
|
Qırımtatar Milliy Meclisiniñ reis muavini Ahtem Çiygoznıñ fikirince, Rusiyeniñ «Qırım cemaat palatası» «tanılacaq duşmanlarnı» meydanğa ketire. O, Milliy Meclis azalarınıñ «Qırımdan nefret etkenler» cedveline kirsetilmesini izaatladı.
«İoffe (Grigoriy İoffe, «Qırım cemaat palatasınıñ» yolbaşçısı – *QA*) yerli ealige duşmanlar bar olğanını añlatmaq kerekligini yahşı añlay. Qırımda duşmanlar tanılmalı, Amerika, Avropa degil. Buña endi alışqanlar, eali bezip, Aksenov, Konstantinov, İoffe kibi soylarına iddiada buluna. Şimdi ise şunı kösterecek olalar – mına baqıñız, ayttıq da, normal yaşayışımızğa Meclis keder ete», – dedi Çiygoz **Qırım.Aqiqat Radiosınıñ **yayınında.
Daa evel «Qırımnıñ cemaat palatası» Qırımtatar Milliy Meclisiniñ reberleri ve «Qırımnıñ vatandaş qamaçavı» aktsiyasınıñ teşebbüsçileriniñ adlarını Rusiyeniñ yarımada işğalini tanımağan ve Rusiyege qoltutqanlar tarafından «qırımlılarnıñ aqlarını bozğanında» qabaatlağan Ukraina ve Rusiye erbaplarınıñ cedveline kirsetti.
Kreml nezaretindeki «Qırım cemaat palatası», Rusiyeniñ Qırım işğalini tanımağan Rusiye ve Ukraina erbaplarınıñ adlarını toplay, dep bildirgen edi.
Vesiqada Ukraina Yuqarı Radasınıñ sabıq deputatı **Andrey Sençenko**, Qırım Muhtar Cumhuriyeti ükümetiniñ sabıq reisi, Ukraina Yuqarı Radasınıñ deputatı **Sergey Kunitsın**, Ukraina insan aqları vekâletlisi** Lüdmila Denisova**, jurnalist **Pavel Kazarin**, Vernadskiy Tavriya Milliy universitetiniñ rektorı **Vladimir Kazarin**, Ukraina Arbiy-deñiz quvetleriniñ sabıq komandanı **Sergey Gayduk**, Qırımnıñ sabıq iqtisadiyatçısı **Andrey Klimenko**, jurnalist **Aleksandr Yankovskiy**, jurnalist tedqiqatları merkeziniñ muarriri **Valentina Samar **qayd etile. Cedvelge QMC prokuraturasınıñ yolbaşçısı **Günduz Mamedov**, Qırım ve Aqyardaki Ukraina telükesizlik hızmeti baş idaresiniñ yolbaşçısı **Aleksandr Şmitko**, QMC ve Aqyardaki Milliy politsiya baş idaresiniñ yolbaşçısı **Anatoliy Bahçivanji** ve Ukraina prezidentiniñ Qırımdaki daimiy vekili **Boris Babin**, em de bir sıra Rusiye erbabı, şu cümleden yırcı **Andrey Makareviç **ve oyuncı **Liya Ahecakova **da kirsetildi.
|
RFE; RL
|
2018-09-26
|
Qırımtatar Milliy Meclisiniñ reis muavini Ahtem Çiygoznıñ fikirince, Rusiyeniñ «Qırım cemaat palatası» «tanılacaq duşmanlarnı» meydanğa ketire. O, Milliy Meclis azalarınıñ «Qırımdan nefret etkenler» cedveline kirsetilmesini izaatladı. «İoffe (Grigoriy İoffe, «Qırım cemaat palatasınıñ»...
|
[
"HABERLER, Qırım, Ahtem Çiygoz, cedvel, Kırım"
] |
crh_Latn
|
web_parsing
|
https://ktat.krymr.com/a/%c3%a7iygoz-putinnen-uzla%c5%9fsalar-q%c4%b1r%c4%b1mtatarlar-de%c3%b1i%c5%9fim-cedvelinde-olamaz-/30350117.html
|
Çiygoz: «Putinnen uzlaşsalar, qırımtatarlar deñişim cedvelinde olamaz»
|
İşğal etilgen Qırımda ve qomşu Rusiyede apiske alınğan qırımtatarlarnıñ azat etilecegini beklemek içün Rusiye prezidenti **Vladimir Putinge** büyük basqı yapılmalı, bu ise bugün yoq.
Bu aqta Qırımtatar Milliy Meclisiniñ reis muavini, Ukraina halq deputatı **Ahtem Çiygoz **«Prâmıy» ukrain telekanalına bildirdi.
«Şübhesiz, bu doğru malümat, qırımtatarlar yoq (dekabrniñ 29-nda deñiştirilecek şahıslar cedvelinde – *QA*). Putinnen printsipsiz uzlaşsalar, Putinni Qırımda o qadar raatsızlağan qırımtatarlar bu cedvellerde olamaz, Qırımnı zapt etip olamay. Şunıñ içün mında qırımtatarlarnıñ azat etilmesini beklemek içün farqlı yanaşmalı… Ukraina akimiyetini aytam. Putinge büyük basqı yapılmalı, bugün bunı körmeymiz», – dedi Çiygoz.
Onıñ qayd etkenine köre, Ukraina akimiyeti esirlerni deñişim esnasında bir netice olsun dep, «aşalayıcı usullarnı» qullana. Bugünde-bugün Ukraina ittifaqdaşlarınıñ Putinge yapqan basqısınıñ «o qadar küçü yoq, şunıñ içün, ne yazıq ki, insanlar daa apiste qalacaq», dep yaza kütleviy haber vastası.
«Amma olar ne içün apiste olğanlarını bileler. Olar küreşeler. Olarnıñ maqsadı – Qırımnı işğalden azat etmek, Qırımnıñ kene Ukrainanen beraber olması», – dep qoştı siyasetçi.
Dekabrniñ 29-nda işğal altındaki Ğorlivka yanındaki sıñırda tutulğan şahıslarnı deñişim kerçekleşe.
Dekabrde Parijde «normand formatı» sammiti keçirildi – Frenkistan, Almaniya, Ukraina ve Rusiye liderleri körüşti. Taraflar, Kyiv ve Moskva «er kesni er keske» formulası boyunca şahıslarnı dekabrniñ 31-ne qadar deñişecek, dep añlaşqan edi.
Ukraina prezidenti **Volodımır Zelenskıy** tutulğan şahıslarnı deñişim dekabrniñ 29-nda olacaq, dep tasdıqladı.
Üç taraflı bağ gruppasınıñ gumanitar alt gruppasındaki Ukraina vekili **Valeriya Lutkovskaya**, «İlovaysk, Debaltsevodan soñ dört yıl devamında esirlikte olğan balalarnı niayet alıp olurmız», dep bildirgen edi. Al-azırda resmiy deñişim cedvelleri yoq.
Dekabrniñ 23-nde Donbastaki zıddiyetni al etüv üç taraflı bağ gruppası «er kesni er keske» şeklinde deñişimni belgiledi.
Rusiye qoltutqan «DNR» temsilcisi** Darya Morozovanıñ** dekabrniñ 25-nde bildirgenine köre, olar Ukrainağa 53 insannı berecekler. Onıñ aytqanına köre, Ukraina tarafı «DNR» aydutlarına 87 insannı bermege razı oldı. Bu malümat şimdilik tasdıqlanmadı.
Dekabrniñ 18-nde Ukraina telükesizlik hızmeti Azatlıq Radiosınıñ muracaatına cevap berip, umumen Donbasta Rusiye qoltutqan aydutlarnıñ esaretinde 250 insan buluna, dep bildirdi.
|
RFE; RL
|
2019-12-29
|
İşğal etilgen Qırımda ve qomşu Rusiyede apiske alınğan qırımtatarlarnıñ azat etilecegini beklemek içün Rusiye prezidenti Vladimir Putinge büyük basqı yapılmalı, bu ise bugün yoq. Bu aqta Qırımtatar Milliy Meclisiniñ reis muavini, Ukraina halq deputatı Ahtem Çiygoz «Prâmıy» ukrain telekanalına...
|
[
"HABERLER, Qırımtatar, Vladimir Putin, Ahtem Çiygoz, cedvel, deñişim, uzlaşuv"
] |
crh_Latn
|
web_parsing
|
https://ktat.krymr.com/a/%c3%a7iygoz-q%c4%b1r%c4%b1m%c4%9fa-suv-satmaq-imk%c3%a2n%c4%b1-aqq%c4%b1nda-ayta-bu-bir-provokatsiya-/30421966.html
|
Çiygoz Qırımğa suv satuv ihtimali aqqında ayta: «Bu bir provokatsiya»
|
Ukraina halq deputatı, Qırımtatar Milliy Meclisiniñ reis muavini **Ahtem Çiygoz **esas Ukrainadan işğal etilgen Qırımğa suv satuv ihtimaliniñ muzakeresi aqqında malümatnı provokatsiya dep adlandırdı.
«Bu bir provokatsiya. Qırımğa suv satmaq nedir? Qırımğamı – kimniñ Qırımına? Ukrainamı? Rusiye «kökten taş» dep ayttı, amma Qırım Ukrainanıñ bir qısmı olaraq qayd etilgen añlaşmanı imzalamaycaq», – dedi Çiygoz **Qırım.Aqiqatqa**.
O, suv meselesi Rusiye prezidenti Vladimir Putinnen siyasiy mabüslerni deñişim muzakerelerinde «insaniyetlik aqqında demagogiya» olacağından qorqa.
Hatırlatamız, Ukraina prezidentiniñ Qırım Muhtar Cumhuriyetindeki daimiy vekili **Anton Korınevıç**, yarımada işğalden qurtarılğanına qadar Şimaliy-Qırım kanalından Qırımnıñ suv teminlevi imkânsız ola, dep işandıra.
Daa evel Ukraina Yuqarı Radasınıñ bücet komitetiniñ yolbaşçısı **Yuriy Aristov **Rusiye işğal etilgen Qırımğa suv satmaq ğayesi aqqında Azatlıq Radiosınıñ leyhası olğan «Shemı» mühbirine (video 2019 senesi oktâbrniñ 17-nde çıqarıldı – *QA*) izaat berip ayttı.
Qırımtatar Milliy Meclisiniñ reisi** Refat Çubarov **bücet komiteti yolbaşçısınıñ ğayesini izaatlap, Rusiye prezidenti **Vladimir Putin** Dnipro suvını esas Ukrainadan işğal altındaki Qırımğa satuv meselesini «sert bir şekilde kötere bile», dep qayd etti.
Rusiye Devlet Dumasınıñ Qırım deputatı **Mihail Şeremet**, Rusiye tarafı Dnipro suvınıñ esas Ukrainadan işğal etilgen Qırımğa satuv ğayesine «tek qoltutacaq», dep ayttı.
Bu afta Rusiye kontrolindeki Qırım ükümetiniñ yolbaşçısı **Yuriy Gotsanükniñ **bildirgenine köre, **«Voda Krıma» **müessisesinde toplaşuv ötkerildi, anda qırımlılarnı içme suvınen teminlev ve suv teminlev hatlarında onı coymamaq içün qullanılacaq usulları muzakere etildi.
Ukraina akimiyeti işğal etilgen Qırımnıñ suvnen teminlevi tek yarımada işğalden qurtarılğan soñ yañıdan başlatılacaq, dep çoq bildirgen edi.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.
|
RFE; RL
|
2020-02-07
|
Ukraina halq deputatı, Qırımtatar Milliy Meclisiniñ reis muavini Ahtem Çiygoz esas Ukrainadan işğal etilgen Qırımğa suv satuv ihtimaliniñ muzakeresi aqqında malümatnı provokatsiya dep adlandırdı. «Bu bir provokatsiya. Qırımğa suv satmaq nedir? Qırımğamı – kimniñ Qırımına? Ukrainamı? Rusiye...
|
[
"HABERLER, Qırım, Refat Çubarov, Vladimir Putin, Ahtem Çiygoz, suv, Kırım, Mihail Şeremet, Yuriy Gotsanük"
] |
crh_Latn
|
web_parsing
|
https://ktat.krymr.com/a/%c3%a7iygoz-rada-saylavlar%c4%b1-aqq%c4%b1nda-firqalarn%c4%b1%c3%b1-%c3%b6z-s%c4%b1ralar%c4%b1nda-q%c4%b1r%c4%b1mtatarlarn%c4%b1%c3%b1-bar-olmas%c4%b1na-ihtiyac%c4%b1-bar/29991291.html
|
Çiygoz Rada saylavları aqqında: firqalarnıñ öz sıralarında qırımtatarlarnıñ bar olmasına ihtiyacı bar
|
Ukrainanıñ sabıq prezidenti **Petro Poroşenkonıñ **«Avropa birdemligi» firqasınıñ cedvellerine kirsetilgen Qırımtatar Milliy Meclisiniñ reis muavini** Ahtem Çiygoz Qırım.Aqiqatqa** bergen intervyüsında siyasiy firqalarnıñ öz sıralarında qırımtatar vekilleriniñ bar olmasına büyük ihtiyacı bar edi, dep tarif etti.
«Qırım saylav esnaslarında eñ azından ismen iştirak etsin ve vekillerini saylasın, dep teklif etken edik. Elbette, qırımlılar rey bermek içün esas Ukrainağa çıqmağa mecbur olacaq edi ve, belki, böyle rey berüvde eskisi kibi yüz biñlernen insan degil de, tek on biñlernen insan iştirak eter edi. Faqat bu teşebbüs qanun seviyesinde öyle de pekitilmedi. Neticede Ukraina parlamentinde Qırım vekillerini temin etmek içün başqa yol sayladıq», – dep ayttı Meclis reisiniñ muavini.
Bundan ğayrı, Ahtem Çiygoz evelki memuriyet vaqtında başlatılğan ordu pekitilüvi ve Avropaatlantik integratsiyası leyhalarınıñ inkişaf ettirilmesi müim olğanını qayd etti.
«Ukraina devletçiligi ve mudafaasınıñ pekitilüvi yoluna devam etmek kerekmiz. Dekommunizatsiya, ordu pekitilüvi, Avropa Birligi ve NATOğa ıntıluv – bütün bular Qırımnıñ işğalden qurtarıluvına yardım ete. Ordu küçüniñ pekitilüvi – istilâcını Ukrainağa emiyet bermege mecbur etecek eñ müim faktorlardan biri olması mümkün. Bu ğalebeler içün insanlar canlarını feda etti, bunı unutmamaq kerek. Elbette, Qırımnıñ milliy-territorial muhtariyet statusını aluvı da büyük rol oynay», – dep qoşa Meclis reisiniñ muavini.
Malüm olğanı kibi, qırımtatar halqınıñ lideri **Mustafa Cemilev** ve Meclis reisiniñ muavini **Ahtem Çiygoz** Ukrainanıñ beşinci prezidenti **Petro Poroşenkonıñ **«Avropa birdemligi» firqasınıñ cedveline kirsetildi.
Meclis reisi **Refat Çubarov İğor Smeşkonıñ **«Küç ve namus» firqasınıñ cedvelinde, qayd etkeni kibi, «Qırımnen bağlı belli fikri» olğanı içün üçünci yerde buluna.
Ukraina baş naziri **Volodımır Ğroysman** «Ğroysmannıñ ukrain strategiyası» firqası cedveliniñ başında onıñnen beraber kelgen doquz azasını taqdim etti. Olarnıñ arasında Ukraina informatsion siyaseti naziriniñ muavini **Emine Ceppar **bar.
**Svâtoslav Vakarçuknıñ **«Ğolos» firqası cedveline ASTEM şirketiniñ icra müdiri, Qırımtatar Milliy Qurultayınıñ delegatı **Rustem Umerov** ve «KrımSOS» teşebbüsiniñ koordinatorı** Tamila Taşeva** kirdi.
Ukrainada nevbetten tış parlament saylavlarınıñ keçirilüvi 2019 senesi iyülniñ 21-ne belgilendi.
|
RFE; RL
|
2019-06-10
|
Ukrainanıñ sabıq prezidenti Petro Poroşenkonıñ «Avropa birdemligi» firqasınıñ cedvellerine kirsetilgen Qırımtatar Milliy Meclisiniñ reis muavini Ahtem Çiygoz Qırım.Aqiqatqa bergen intervyüsında siyasiy firqalarnıñ öz sıralarında qırımtatar vekilleriniñ bar olmasına büyük ihtiyacı bar edi, dep...
|
[
"HABERLER, Ukraina, Qırımtatar, Ahtem Çiygoz, parlament, saylavlar, firqa, Kırım Tatar, Ahtem Çiygöz, parlamento seçimleri, parlament saylavları, parti"
] |
crh_Latn
|
web_parsing
|
https://ktat.krymr.com/a/%c3%a7iygoz-rusiye-memuriy-s%c4%b1%c3%b1%c4%b1rda-q%c4%b1r%c4%b1ml%c4%b1larn%c4%b1%c3%b1-ke%c3%a7i%c5%9fini-s%c4%b1%c3%b1%c4%b1rlap-basq%c4%b1n%c4%b1-quvetle%c5%9ftire/30742009.html
|
Çiygoz: Rusiye memuriy sıñırda qırımlılarnıñ keçişini sıñırlap, basqını quvetleştire
|
Rusiye Qırım ve Herson vilâyetiniñ memuriy sıñırında qırımlılarnıñ Ukraina pasportları boyunca keçmesini sıñırlap, basqını quvetleştire.
Bu aqta iyülniñ 22-nde Hersondaki matbuat konferentsiyasında Ukraina halq deputatı, Qırımtatar Milliy Meclisiniñ reis muavini **Ahtem Çiygoz **ayttı, dep bildire **Qırım.Aqiqat** mühbiri.
«Birisi koronavirusnen bağlı, kiriş sıñırlandı, dep ayta. Asılında daa telâşlı bir şey, çünki rusiyelileriniñ vatandaşlarımıznıñ memleketniñ esas qısmına Ukraina pasportlarınen kelmesini imkânsız yapmaq niyetlerini bilemiz. Şimdi Qırımğa qaytqan balalarımızğa berilgen qarar bar. Anda qayd etilgenine köre, soñki memuriy sıñırımıznı keçmek imkânından faydalandılar. Vatandaşlarımıznıñ Ukraina ile canlı bağlarını sıñırlamaq, sıfırğa ketirmek – Rusiyeniñ esas vazifesidir, çünki bu canlı bağımız, iç problemlerimizge baqmadan, insanlarımıznıñ Ukraina Qırımnı azat etecegine işançını quvetleştire», – dedi Çiygoz.
Ukraina Tış işler naziriniñ birinci muavini **Emine Ceppar **Rusiye FSBsiniñ sıñır idaresi memuriy sıñırda bergen vesiqanı derc etti.
«Qırım aq qorçalayıcı gruppasınıñ» bildirgenine köre, işğal etilgen Qırım ve Herson vilâyetiniñ memuriy sıñırında yarımada kirişinde FSB sıñır hızmetiniñ hadimleri qırımlılardan Rusiye pasportını köstermelerini talap ete. Pasportı olmağanlarğa memuriy ceza qararı yazıla.
İyül ayınıñ başında işğal altındaki Qırımnıñ Rusiye FSBsiniñ sıñır idaresi bildirdi ki, yarımadada qayd etilgen qırımlılar memuriy sıñırnı Ukraina pasportınen keçmege tırışsa, para cezasını alacaq. Ukraina işğal etilgen Qırımda berilgen Rusiye pasportlarını tanımay ve esas Ukrainağa olarnen kirmege mümkün degil.
Ukraina Tış işler nazirligi, Rusiye qırımlılarnıñ areket serbestligini sıñırlap, halqara uquqnı boza.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
|
RFE; RL
|
2020-07-22
|
Rusiye Qırım ve Herson vilâyetiniñ memuriy sıñırında qırımlılarnıñ Ukraina pasportları boyunca keçmesini sıñırlap, basqını quvetleştire. Bu aqta iyülniñ 22-nde Hersondaki matbuat konferentsiyasında Ukraina halq deputatı, Qırımtatar Milliy Meclisiniñ reis muavini Ahtem Çiygoz ayttı, dep...
|
[
"HABERLER, Qırım, Ukraina, Ahtem Çiygoz, Kırım"
] |
crh_Latn
|
web_parsing
|
https://ktat.krymr.com/a/%c3%a7iygoz-tomos-q%c4%b1r%c4%b1mn%c4%b1%c3%b1-i%c5%9f%c4%9falden-qurtar%c4%b1lmas%c4%b1na-daa-bir-ad%c4%b1m/29691077.html
|
Çiygoz: Tomos – Qırımnıñ işğalden qurtarılmasına daa bir adım
|
Ukrainağa Ukraina mustaqil ortodoks kilsesiniñ qurulmasına dair tomos «Qırımnıñ işğalden qurtarılmasına daa bir adım» ola, dep ayttı Qırımtatar Milliy Meclisiniñ reis muavini **Ahtem Çiygoz **«5 kanal» yayınında.
«Devletimiz içün kerçekten müim bir vaqia, mustaqillikniñ daa bir şeklini elde etmek – qırımtatarlar içün de pek müim. Sovetler Birligi dağılğan soñ yıllar devamında memleketimizniñ ğalebelerinde faal sürette iştirak etken edik. Ukrain halqı bizge tarih ceetinden pek yaqın, o, medeniyetke köre yaqın, umumiy çoq şey bar ve mında din farqı meselesi yoq. Mında bir küreş, bir kelecek bar. Bilem ki, Qırımda memleketimizniñ daa bir muvafaqiyetini ümüt ve quvançnen qarşıladılar. Qırımnıñ işğalden qurtarılmasına daa bir adım», – dedi Çiygoz.
Bundan evel qırımtatar halqınıñ lideri **Mustafa Cemilev**, Ukraina ortodoks kilsesiniñ qurulması al-azırda «Rusiyege qarşı küçlü bir darbe» ola.
Ukraina ortodoks kilseleriniñ birleştirgen şurası 2018 senesi dekabrniñ 15-nde Ukraina mustaqil Ortodoks kilsesiniñ reberi olaraq Kyiv patriarhlığı Ukraina pravoslav kilsesiniñ mitropoliti Yepifaniyni sayladı. Patriarh Varfolomey mitropolit Yepifaniyni tomosnı alması içün İstanbulğa davet etti.
Keçken sene oktâbrniñ 15-nde Rus ortodoks kilsesiniñ yüksek idaresi Konstantinopol ile yevharistik bağlarınıñ imkânsız olğanını tanıdı. ROK müminlerge İstanbul, Antalya ve yunan adalarında ibadet etmelerini yasaq etti.
Patriarh **Varfolomey **avtokefaliyanıñ berilmesine dair buyruqnı – tomosnı – Ukraina mustaqil Ortodoks kilsesiniñ başpiskoposına yanvarniñ 6-nda berecek.
|
RFE; RL
|
2019-01-04
|
Ukrainağa Ukraina mustaqil ortodoks kilsesiniñ qurulmasına dair tomos «Qırımnıñ işğalden qurtarılmasına daa bir adım» ola, dep ayttı Qırımtatar Milliy Meclisiniñ reis muavini Ahtem Çiygoz «5 kanal» yayınında. «Devletimiz içün kerçekten müim bir vaqia, mustaqillikniñ daa bir şeklini elde etmek...
|
[
"HABERLER, Qırım, Ukraina, Qırımtatar, Ahtem Çiygoz, işğal, kilse, Kırım, tomos"
] |
crh_Latn
|
web_parsing
|
https://ktat.krymr.com/a/%c3%a7iygoz-ukrain-faali-baluh-keri%c3%a7-koloniyas%c4%b1nda-buluna/29552123.html
|
Çiygoz: ukrain faali Baluh Keriç koloniyasında buluna
|
Ukrain faali **Vladimir Baluh** Keriç koloniyasında buluna. Bunı oktâbrniñ 18-nde **Qırım.Aqiqatqa **Qırımtatar Milliy Meclisiniñ reis muavini **Ahtem Çiygoz **haber etti.
Ukrain faali Vladimir Baluhnıñ ömür arqadaşı **Natalya **bildirgenine köre, aqayı Keriç koloniyasına avuştırılmaq kerek edi.
Rusiye akimiyeti ve Baluhnıñ advokatlarından resmiy bir izaat daa yoq.
Daa evel belli olğanı kibi, Baluh açlıqnı vaqtınca toqtatmağa qarar aldı.
Advokat **Dmitriy Dinzeniñ **malümatına köre, Baluh 200 künden berli açlıq tutqan soñ ülser ya da pankreatit şübesi bar.
Bundan evel Kreml nezaretindeki Qırım Yuqarı mahkemesi 5 yılğa mahküm etilgen Vladimir Baluhnıñ ükmüni qısmen yımşatıp, onı 4 yıl ve 11 ay umumiy rejim koloniyasında qalmasına ve 10 biñ ruble (tahminen 4 biñ ğrıvnâ) para cezasını ödemesine üküm etti. Faal eki cinaiy iş boyunca tevqif etildi.
Qırımda apiste tutulğan ukrain faali Vladimir Baluh 2018 senesi martnıñ 19-nda başlağan müddetsiz açlıqnı devam ete. Bir aydan berli bir şey aşamağan Baluh Arhiyepiskop Klimentni diñlep, kisel içmege, peksimet aşamağa razı olğan edi.
FSB Vladimir Baluhnı 2016 senesi dekabrniñ 8-nde tuttı. FSB hadimleri Vladimir Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.
«KrımSOS» cemaat teşkilâtınıñ koordinatorı **Tamila Taşeva **bildirgenine köre, Keriçniñ №2 koloniyasında mabüsler azaplarğa oğratıla.
Keriçniñ №2 koloniyasında cezasını çekken 70-ke yaqın mahküm memuriyet ve oña boysunğan mabüsler tarafından köteklengenlerini bildirgen edi.
Halqara uquq eksperti **Yevgeniya Andreyükniñ** aytqanına köre, ukrain aq qorçalayıcılarınıñ esabatı içün toplanğan malümat, Keriçteki №2 koloniyasında tutulğan mabüslerni Omsktan kelgen Rusiyeniñ cezalarnı yerine ketirüv federal hızmetiniñ hadimleri köteklegen edi.
|
RFE; RL
|
2018-10-19
|
Ukrain faali Vladimir Baluh Keriç koloniyasında buluna. Bunı oktâbrniñ 18-nde Qırım.Aqiqatqa Qırımtatar Milliy Meclisiniñ reis muavini Ahtem Çiygoz haber etti. Ukrain faali Vladimir Baluhnıñ ömür arqadaşı Natalya bildirgenine köre, aqayı Keriç koloniyasına avuştırılmaq kerek edi. Rusiye...
|
[
"HABERLER, Qırım, Ahtem Çiygoz, Kırım, Vladimir Baluh"
] |
crh_Latn
|
web_parsing
|
https://ktat.krymr.com/a/%c3%a7iygoz-ukrainal%c4%b1-siyasiy-mab%c3%bcs-baluhqa-qoltutma%c4%9fa-%c3%a7a%c4%9f%c4%b1rd%c4%b1/29643877.html
|
Çiygoz ukrainalı siyasiy mabüs Baluhqa qoltutmağa çağırdı
|
Qırımtatar Milliy Meclisiniñ reis muavini **Ahtem Çiygoz **Keriç koloniyasında tutulğan ukrain faali **Volodımır Baluhqa **«qoltutmağa ve onı unutmamağa» çağırdı. Bu aqta o, dekabrniñ 7-nde **Qırım.Aqiqatqa **ayttı.
«Baluh er kesni yaqın vaqıtta körmege istey. İşğalci akimiyetke qarşı küreşni toqtatmay. Putin (Rusiye prezidenti Vladimir Putin – *QA*) er vaqıt yañı-yañı qurbanlar tapa, Baluh etrafındaki vaziyet körünmey qala. Oña qoltutmaq kerek, o, bizimdir, kerçek ukrain», – dedi Çiygoz.
Dekabrniñ 4-nde «Qırım aq qorçalayıcı gruppası» Keriç koloniyasında tutulğan ukrain faali Volodımır Baluhqa destek mektüplerini yazmağa çağırdı.
Kreml nezaretindeki Qırım Yuqarı mahkemesi 5 yılğa mahküm etilgen Vladimir Baluhnıñ ükmüni qısmen yımşatıp, onı 4 yıl ve 11 ay umumiy rejim koloniyasında qalmasına ve 10 biñ ruble (tahminen 4 biñ ğrıvnâ) para cezasını ödemesine üküm etti. Faal eki cinaiy iş boyunca tevqif etildi.
2018 senesi martnıñ 19-nda Volodımır Baluh açlıqqa başlağan edi. Bir aydan ziyade bir şey aşamağan Baluh Arhiyepiskop Klimentni diñlep, kisel içmege, peksimet aşamağa razı olğan edi.
Daa soñra mahküm etilgen ukrain faali açlıqnı vaqtınca toqtatmağa qarar aldı. Advokatlarnıñ malümatına köre, 200 künden çoq açlıq tutqan Baluhnıñ ülser ve pankreatit şübesi peyda oldı.
FSB, Volodımır Baluhnı 2016 senesi dekabrniñ 8-nde tuttı. FSB hadimleri Volodımır Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.
|
RFE; RL
|
2018-12-07
|
Qırımtatar Milliy Meclisiniñ reis muavini Ahtem Çiygoz Keriç koloniyasında tutulğan ukrain faali Volodımır Baluhqa «qoltutmağa ve onı unutmamağa» çağırdı. Bu aqta o, dekabrniñ 7-nde Qırım.Aqiqatqa ayttı. «Baluh er kesni yaqın vaqıtta körmege istey. İşğalci akimiyetke qarşı küreşni toqtatmay....
|
[
"HABERLER, Qırım, Ahtem Çiygoz, faal, destek, Kırım, Volodımır Baluh"
] |
crh_Latn
|
web_parsing
|
https://ktat.krymr.com/a/%c3%a7iygoz-urul%c4%9fan-baluhn%c4%b1%c3%b1-ba%c5%9f%c4%b1-ve-cigeri-a%c4%9f%c4%b1ra-/29490629.html
|
Çiygoz: köteklengen Baluhnıñ başı ve cigeri ağıra
|
Aqmescit SİZOsında köteklengen ukrain faali **Vladimir Baluhnıñ** başı ve cigeri ağıra. Bunı Qırımtatar Milliy Meclisiniñ reis muavini **Ahtem Çiygoz** sentâbrniñ 14-nde **Qırım.Aqiqatqa **bildirdi.
«Kamerasına SİZO yolbaşçısı Berejnoy keldi, onen qaba laf etti, soñra kameradan çıqarıp, tiz çökmege talap etkenler. O, istemedi, onı köteklep yatqızğanlar, ayaq, ciger ve başına urğanlar», – dedi Çiygoz.
Onıñ aytqanına köre, cumaertesi künü, sentâbrniñ 15-nde, arhiyepiskop Kliment Vladimir Baluhnen körüşmege tırışacaq.
Bundan evel Qırım aq qorçalayıcı gruppası bildirdi ki, ukrain faali **Vladimir Baluhnıñ** advokatı onı cumaertesi künü, sentâbrniñ 15-nde, ziyaret etecek ola.
Milliy Meclis reisiniñ muavini **Ahtem Çiygoz Qırım.Aqiqatqa **bildirgenine köre, ukrain faali **Vladimir Baluhnı **Aqmescit SİZOsında «kameradan çıqarıp, pek urğanlar ve öldürmege vade eteler».
Vladimir Baluhnıñ alı aqqında bir haber yoq.
Qırımda apiste tutulğan ukrain faali Vladimir Baluh 2018 senesi martnıñ 19-nda başlağan müddetsiz açlıqnı devam ete. İyülniñ 5-nde Rusiye kontrol etken Aqşeyh rayon mahkemesi ukrain faali Vladimir Baluhqa 5 yıl apis cezası ve 10 biñ ruble (4 biñ grivna) para cezasını tayin etti.
Faal eki cinaiy iş boyunca böyle ceza aldı.
FSB Vladimir Baluhnı 2016 senesi dekabrniñ 8-nde tuttı. FSB hadimleri Vladimir Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. Onıñ evinde Ukraina bayrağı bar edi.
|
RFE; RL
|
2018-09-14
|
Aqmescit SİZOsında köteklengen ukrain faali Vladimir Baluhnıñ başı ve cigeri ağıra. Bunı Qırımtatar Milliy Meclisiniñ reis muavini Ahtem Çiygoz sentâbrniñ 14-nde Qırım.Aqiqatqa bildirdi. «Kamerasına SİZO yolbaşçısı Berejnoy keldi, onen qaba laf etti, soñra kameradan çıqarıp, tiz çökmege talap...
|
[
"HABERLER, Qırım, Kırım, Vladimir Baluh, ciger, baş"
] |
crh_Latn
|
web_parsing
|
https://ktat.krymr.com/a/%c3%a7iygoz-ve-panov-berlinge-kremlni%c3%b1-ukrainal%c4%b1-mab%c3%bcsleri-aqq%c4%b1nda-tarif-etmege-keldi/30256058.html
|
Çiygoz ve Panov Berlinge Kremlniñ ukrainalı mabüsleri aqqında tarif etmege keldi
|
Qırımtatar Milliy Meclisiniñ reis muavini, Ukraina halq deputatı** Ahtem Çiygoz** ve eski siyasiy mabüs **Yevğen Panov **Berlinge kelip, alman siyasetçileri, ekspert, jurnalistlernen körüşmege ve Kremlniñ ukrainalı mabüsleri aqqında tarif etmege planlaştıra.
«Ukrinform» malümatına köre, noyabrniñ 5-nde olar Ukrainanıñ Almaniya elçihanesinde faallernen körüşti.
«Vaziyetimiz zor ve ortaqlarımızğa işanamız, olarnıñ arasında Almaniya bar – eñ müim soylarından biridir. Almaniya siyasetçilerine irişmek içün siziñ yardımıñız kerek, olar siyasiy mabüsler, esirlerniñ azat etilüvi müim olğanını añlasın, amma bu da küreşimizniñ esası degil. Esası topraqlarımıznıñ keri berilmesi ola», – dedi Ahtem Çiygoz.
Elçihanedeki körüşüvde eski siyasiy mabüsler Aqmescitte SİZOda nasıl körüşkenlerini, nasıl avuştırılğanlarını, apishanedeki şaraitler aqqında aytıp, apiste qalğanlarğa şimdi nasıl yardım etkenlerini tarif etti.
2017 senesi oktâbrniñ 25-nde Rusiye akimiyeti Qırımda mahküm etilgen Ahtem Çiygoz ve** İlmi Umerovnı **Türkiyege teslim etti, daa soñra Umerov ve Çiygoz Kyivge keldi. Azat etilgenlerinden berli Rusiye olarnı ne şartnen yibergeni belli degil.
Yevğen Panov sentâbrniñ 7-nde Ukraina ve Rusiye arasında mabüslerni almaştıruv çerçivesinde azat etildi. Qırımda onı «diversiya azırlağanında» qabaatlap, 8 yıl sert rejimli koloniyada qalmasına üküm etken ediler.
|
RFE; RL
|
2019-11-06
|
Qırımtatar Milliy Meclisiniñ reis muavini, Ukraina halq deputatı Ahtem Çiygoz ve eski siyasiy mabüs Yevğen Panov Berlinge kelip, alman siyasetçileri, ekspert, jurnalistlernen körüşmege ve Kremlniñ ukrainalı mabüsleri aqqında tarif etmege planlaştıra. «Ukrinform» malümatına köre, noyabrniñ...
|
[
"HABERLER, Ahtem Çiygoz, Yevğen Panov"
] |
crh_Latn
|
web_parsing
|
https://ktat.krymr.com/a/%c3%a7on%c4%9far-dan-q%c4%b1r%c4%b1m%c4%9fa-25-metrlik-ukraina-bayra%c4%9f%c4%b1n%c4%b1-u%c3%a7urtt%c4%b1lar-suret/30785374.html
|
"Çonğar"dan Qırımğa 25 metrlik Ukraina bayrağını uçurttılar (+suret)
|
Slavânsktan olğan volontörlar avgust 15-inde ilhaq etilgen Qırımğa doğru üfüriklerde 25 metrlik Ukraina bayrağını uçurttı, bildire **Qırım.Aqiqat **mühbiri.
Volontörlar cumaertesi künü saba "Çonğar" kiriş-çıqış noqtasına keldi. Mında olar, Ukraina bayrağını Slavânsk sakini **Tatyana Manik **tikkenini ayttı. Aktsiya iştirakçileri qayd etkeni kibi, olar "Qırım sakinleri aqıllarında olğanını, küreş devam etkenini" köstermege isteyler.
"Qırımda mahsus hızmetler muhaliflerni taqip ete. Amma qıtağa çıqıp ketkenler, taqip olunğanlar içün küreş ete", - dedi göñülliler.
Bayraqnen berarber yarımadağa 2000 "Qırım - bu Ukraina" yazısını yolladılar.
2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.
2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti** Vladimir Putin **martnıñ 18-nde Qırımnıñ Rusiyege «qoşulğanını» ilân etti.
Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.
| null |
2020-08-15
|
Slavânsktan olğan volontörlar avgust 15-inde ilhaq etilgen Qırımğa doğru üfüriklerde 25 metrlik Ukraina bayrağını uçurttı, bildire Qırım.Aqiqat mühbiri. Volontörlar cumaertesi künü saba "Çonğar" kiriş-çıqış noqtasına keldi. Mında olar, Ukraina bayrağını Slavânsk sakini Tatyana Manik tikkenini...
|
[
"HABERLER, Qırım, Çonğar, Kırım"
] |
crh_Latn
|
web_parsing
|
https://ktat.krymr.com/a/%c3%a7on%c4%9far-ke%c3%a7i%c5%9f-noqtas%c4%b1nda-tibbiyet-odas%c4%b1-ve-aphane-a%c3%a7%c4%b1ld%c4%b1-herson-vil%c3%a2yetini%c3%b1-yolba%c5%9f%c3%a7%c4%b1s%c4%b1/30067181.html
|
«Çonğar» keçiş noqtasında tibbiyet odası ve aphane açıldı – Herson vilâyetiniñ yolbaşçısı
|
Herson vilâyeti Devlet memuriyetiniñ yolbaşçısı** Yuriy Gusev** Qırımnıñ memuriy sıñırındaki «Kalançak» keçiş noqtasını ziyaret etip, yañı kiriş-çıqış kontrol noqtasınıñ qurucılıq azırlığını muzakere etti.
Onıñ bildirgenine köre, «Çonğar» keçiş noqtasında bugünden başlap tibbiyet odası ve aphane çalışa. Bu aqta Gusevniñ Facebook saifesinde aytıla.
«Ukraina prezidenti Volodımır Zelenskıynıñ avalesini yerine ketirmek içün yañı kiriş-çıqış kontrol noqtasınıñ qurucılığına yapılacaq azırlıqnı sıñırcılarnen muzakere ettik. Yaqın vaqıtta tibbiyet odasını ve aphane açmağa qarar aldıq. «Çonğar» keçiş noqtasında bugünden başlap aphane ve tibbiy yardım çalışa», – dep aytıla haberde.
İyülniñ 13-nde Herson vilâyeti devlet memuriyetiniñ yañı yolbaşçısı** Yuriy Güsev** Ukraina prezidenti** Volodımır Zelenskıyge** «Çonğar» ve «Kalançak» keçiş noqtalarında eki keyfiyetli rejim alanını» noyabrniñ 15-ne qadar donatmağa vade etti. Onıñ aytqanına köre, dekabrniñ 31-ne qadar leyha tolusınen – avtovokzallar ve servis merkezleri ile beraber – yerine ketirilecek.
«Ğromadske», Ukraina Maliye nazirliginiñ malümatına esaslanıp, Qırımnıñ memuriy sıñırındaki «Çonğar» ve «Kalançak» keçiş noqtalarınıñ donatıluvı içün Ukraina ükümetiniñ devlet bücetiniñ yedek fondundan ayırğan aman-aman 106 million ğrıvnâ 2018 senesi qullanılmadı, dep bildirdi. 2019 bücet yılında ise olarnı qullanmaq imkânsız ola.
2018 senesi iyülniñ 4-nde Ukraina ükümeti №584 qararını qabul etti. Oña binaen, devlet bücetiniñ yedek fondundan Qırımnıñ memuriy sıñırındaki «Kalançak» ve «Çonğar» keçiş noqtalarınıñ donatıluvına 105 mln 983 biñ 571 ğrıvnâ ayırıldı.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
|
RFE; RL
|
2019-07-20
|
Herson vilâyeti Devlet memuriyetiniñ yolbaşçısı Yuriy Gusev Qırımnıñ memuriy sıñırındaki «Kalançak» keçiş noqtasını ziyaret etip, yañı kiriş-çıqış kontrol noqtasınıñ qurucılıq azırlığını muzakere etti. Onıñ bildirgenine köre, «Çonğar» keçiş noqtasında bugünden başlap tibbiyet odası ve aphane...
|
[
"HABERLER, Qırım, Çonğar, Herson, Kırım, keçiş noqtası, Yuriy Gusev"
] |
crh_Latn
|
web_parsing
|
https://ktat.krymr.com/a/%c3%a7on%c4%9far-kiri%c5%9f-%c3%a7%c4%b1q%c4%b1%c5%9f-noqtas%c4%b1-yar%c4%b1q-s%c3%b6nd%c3%bcr%c3%bcvinden-so%c3%b1-%c3%a7al%c4%b1%c5%9f%c4%b1p-ba%c5%9flad%c4%b1-/30292773.html
|
"Çonğar" kiriş-çıqış noqtası yarıq söndürüvinden soñ çalışıp başladı
|
Noyabr 26-sında saba Qırımnen Herson vilâyeti arasındaki memuriy sıñırda "Çonğar" kiriş-çıqış noqtası, elektrik teminat olmağanından sebep piyadeler ve maşnalarnıñ keçirmesini toqtatqan edi. Bunı QMC-nde Ukraina prezidentiniñ daimiy vekiliniñ matbuat hızmeti bildire.
Yarım saat evel müessisede bildirdiler ki, elektrik teminat kene berile ve "piyadeler ile maşnalarnı keçirilmesi sade rejimde yapıla".
Ukraina Devlet sıñır hızmetiniñ saytında, memuriy sıñırdaki kiriş-çıqış noqtasınıñ elektrika problemaları aqqında malümat yoq.
Noyabr 26-sında Rusiye gümrükhanesiniñ hadimleri, Qırımnen Herson vilâyeti arasındaki memuriy sıñırda "Perekop" ("Çaplınka") kiriş-çıqış noqtasında eki künge teçhizat qoyacaqlarını bildirdi.
| null |
2019-11-26
|
Noyabr 26-sında saba Qırımnen Herson vilâyeti arasındaki memuriy sıñırda "Çonğar" kiriş-çıqış noqtası, elektrik teminat olmağanından sebep piyadeler ve maşnalarnıñ keçirmesini toqtatqan edi. Bunı QMC-nde Ukraina prezidentiniñ daimiy vekiliniñ matbuat hızmeti bildire. Yarım saat evel müessisede...
|
[
"HABERLER, Qırım, Kırım, Çonğar kiriş-çıqış noqtası"
] |
crh_Latn
|
web_parsing
|
https://ktat.krymr.com/a/%c3%a7on%c4%9farda-fsb-daa-eki-q%c4%b1r%c4%b1mtatar%c4%b1n%c4%b1-tutt%c4%b1-smedl%c3%a2yev/29602335.html
|
«Çonğarda» FSB daa eki qırımtatarını tuttı – Smedlâyev
|
Qırım ve esas Ukraina arasındaki memuriy sıñırda Rusiye uquq qoruyıcıları daa eki qırımtatarı –** Lemmar Yunusov** ve **Mustafa Asabanı** tutıp aldı. Bu aqta Qırımtatar Milliy Qurultayı Merkeziy saylay komissiyasınıñ reisi **Zair Smedlâyev Qırım.Aqiqatqa** bildirdi.
«Ananeviy qorquzuv aktsiyası. İnsanlar Rusiyeden çıqmasın dep yapalar. Sıñırda böyle olacağını tahmin etken edik. Lemmar Yunusov – Qurultay delegatı. Mustafa Asaba – faal, sabıq Qurultay delegatı», – dedi Smedlâyev.
Onıñ aytqanına köre, olar ve qırımtatar milliy areketiniñ faali **Nariman Celâlnı **bir saattan ziyade (Qırım saatine köre saat 13.40-ta) tutalar.
Bundan evel Smedlâyev, Qırım ve esas Ukraina arasındaki memuriy sıñırda Rusiye uquq qoruyıcıları Lenora Dülberni ve qırımtatar milliy areketiniñ faali Nariman Celâlnı tutıp aldı, dep bildirgen edi. Lenora Dülber çıqarılıp yiberilgen edi.
Rusiye küç hızmetleri bunı izaatlamay.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
|
RFE; RL
|
2018-11-15
|
Qırım ve esas Ukraina arasındaki memuriy sıñırda Rusiye uquq qoruyıcıları daa eki qırımtatarı – Lemmar Yunusov ve Mustafa Asabanı tutıp aldı. Bu aqta Qırımtatar Milliy Qurultayı Merkeziy saylay komissiyasınıñ reisi Zair Smedlâyev Qırım.Aqiqatqa bildirdi. «Ananeviy qorquzuv aktsiyası. İnsanlar...
|
[
"HABERLER, Qırım, Nariman Celâl, FSB, Zair Smedlâyev, Lenora Dülber, Kırım, Lemmar Yunusov, Mustafa Asaba"
] |
crh_Latn
|
web_parsing
|
https://ktat.krymr.com/a/%c3%a7on%c4%9farda-fsb-q%c4%b1r%c4%b1mtatar-faali-lenora-d%c3%bclberni-tut%c4%b1p-ald%c4%b1-smedl%c3%a2yev/29601995.html
|
«Çonğarda» FSB qırımtatar faali Lenora Dülberni tutıp aldı – Smedlâyev
|
Qırım ve esas Ukraina arasındaki memuriy sıñırda Rusiye sıñırcıları qırımtatar faali ve siyasetşınas **Lenora Dülberni **tuttı. Bunı Qırımtatar Milliy Qurultayı Merkeziy saylav komissiyasınıñ reisi **Zair Smedlâyev **Facebook saifesinde bildirdi.
«FSB hadimleri tutıp aldı. «Subetler olğan» odağa alıp ketkenler. Şimdilik tek bu belli», – dedi Smedlâyev.
**Qırım.Aqiqat **tafsilâtlı malümat almağa tırışa.
Rusiye küç qurulışları vaziyetni izaatlamay.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
|
RFE; RL
|
2018-11-15
|
Qırım ve esas Ukraina arasındaki memuriy sıñırda Rusiye sıñırcıları qırımtatar faali ve siyasetşınas Lenora Dülberni tuttı. Bunı Qırımtatar Milliy Qurultayı Merkeziy saylav komissiyasınıñ reisi Zair Smedlâyev Facebook saifesinde bildirdi. «FSB hadimleri tutıp aldı. «Subetler olğan» odağa alıp...
|
[
"HABERLER, Qırım, Çonğar, FSB, Kırım, Leora Dülber"
] |
crh_Latn
|
web_parsing
|
https://ktat.krymr.com/a/%c3%a7on%c4%9farda-q%c4%b1r%c4%b1ml%c4%b1lar-i%c3%a7%c3%bcn-memuriy-h%c4%b1zmet-merkezi-a%c3%a7%c4%b1ld%c4%b1-foto/30430961.html
|
«Çonğarda» qırımlılar içün memuriy hızmet merkezi açıldı (+foto)
|
Çarşenbe künü, fevralniñ 12-nde, «Çonğar» keçiş noqtasındaki hızmet alanında Memuriy hızmet merkezi (MHM) açıldı, dep haber ete **Qırım.Aqiqat **mühbiri.
Novotroitskoye köy şurasınıñ MHM yolbaşçısı** İrina Sobçişenanıñ **qayd etkenine köre, memuriy hızmet merkezi fevralniñ 11-nden başlap çalışa. Onıñ aytqanına köre, mında 168 çeşit hızmet kösterile bile.
«MHM tünevinden berli test rejiminde çalışa. Tolusınen çalışamız. Bütün devlet sicillerine kire bilemiz. Tünevin eki Ukraina vatandaşınıñ çetel pasportı resmiyleştirildi», – dedi Sobçişena.
Onıñ aytqanına köre, qırımlılar eñ çoq pasport hızmetlerine muhtac. «Bugün Qırım sakinleri keldi, mesleat aldı. Ümüt etem ki, Çonğar keçiş noqtasında işlerini yapmaq olar içün qolay olur», – dep qayd etti Sobçişeva.
«Çonğar» keçiş noqtasında MHM açılğan soñ Ukraina Yuqarı Radasınıñ insan aqları, işğalden qurtaruv ve vaqtınca işğal etilgen topraqlarnıñ reintegratsiyası boyunca komitetniñ çıqış toplaşuvı başlandı. Anda Veteranlar ve vaqtınca işğal etilgen topraqlar meseleleri naziri** Oksana Kolâda**, Ukraina Yuqarı Radasınıñ insan aqları vekâletlisi Lüdmila Denisova iştirak etti.
Daa evel Herson vilâyeti devlet memuriyeti, «Çonğar» keçiş noqtasınıñ hızmet alanında «memuriy hızmet kösterilüvine bam-başqa yanaşuvnı kerçekleştirmege» planlaştıralar, dep bildirdi.
Noyabrniñ 15-nde yañartılğan «Çonğar» keçiş noqtasında areket açıldı.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
|
RFE; RL
|
2020-02-12
|
Çarşenbe künü, fevralniñ 12-nde, «Çonğar» keçiş noqtasındaki hızmet alanında Memuriy hızmet merkezi (MHM) açıldı, dep haber ete Qırım.Aqiqat mühbiri. Novotroitskoye köy şurasınıñ MHM yolbaşçısı İrina Sobçişenanıñ qayd etkenine köre, memuriy hızmet merkezi fevralniñ 11-nden başlap çalışa. Onıñ...
|
[
"HABERLER, Çonğar, İrina Sobçişena, Oksana Kolâda"
] |
crh_Latn
|
web_parsing
|
https://ktat.krymr.com/a/%c3%a7on%c4%9fardaki-memuriy-h%c4%b1zmet-merkezi-i%c5%9fini-vaqt%c4%b1nca-toqtata-akimiyet/30499343.html
|
«Çonğardaki» memuriy hızmet merkezi işini vaqtınca toqtata – akimiyet
|
Qırım ve Herson vilâyetiniñ memuriy sıñırında «Çonğar» kontrol keçiş noqtasındaki memuriy hızmet merkezi koronavirus sebebinden martnıñ 23-nden aprelniñ 3-ne qadar işini toqtata.
Bu aqta Herson vilâyetiniñ devlet memuriyet yolbaşçısı **Yuriy Gusev **bildirdi.
«Kalançak» keçiş noqtasındaki memuriy hızmet merkezi ise yañı cedvel boyunca çalışacaq.
«Bazarertesi ve çarşenbe künleri saat 9-dan saat 16-ğa qadar (üyle teneffüsi olmaycaq) – Çaplınka qasaba şurasınıñ qararına köre», – dep aytıla haberde.
Hatırlatamız, Nazirler şurası Qırım ve Herson vilâyetiniñ memuriy sıñırından keçüv qaidelerini deñiştirdi.
Ukraina aq qorçalayıcıları, Qırımda qayd olğan Ukraina vatandaşları Herson vilâyeti ve işğal etilgen yarımadanıñ memuriy sıñırını keçkende rastkelgen problemleri aqqında tarif etti. Amma Ukraina Devlet sıñır hızmeti **Qırım.Aqiqatqa** bildirgenine köre, martnıñ 18-nde memuriy sıñırda vaziyet kerginleşmedi.
Vaqtınca işğal etilgen topraqlarnıñ reintegratsiya meseleleri nazirliginiñ martnıñ 17-nde bildirgenine köre, Qırım ve Herson vilâyetiniñ memuriy sıñırındaki keçiş noqtalarından keçüv aprelniñ 3-ne qadar sıñırlandı.
Ukraina Devlet sıñır hızmetiniñ bildirgenine köre, esas Ukrainada qaydı olmağan vatandaşlar keçirilmeycek.
Rusiye FSBsiniñ sıñır idaresi martnıñ 18-nde saat 00-dan başlap «çetel vatandaşlarını» esas Ukrainadan Qırımğa kirsetmey.
2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplınka».
|
RFE; RL
|
2020-03-20
|
Qırım ve Herson vilâyetiniñ memuriy sıñırında «Çonğar» kontrol keçiş noqtasındaki memuriy hızmet merkezi koronavirus sebebinden martnıñ 23-nden aprelniñ 3-ne qadar işini toqtata. Bu aqta Herson vilâyetiniñ devlet memuriyet yolbaşçısı Yuriy Gusev bildirdi. «Kalançak» keçiş noqtasındaki...
|
[
"HABERLER, Çonğar, Yuriy Gusev, memuriyeti hızmet"
] |
crh_Latn
|
web_parsing
|
https://ktat.krymr.com/a/%c3%a7oqraq-g%c3%b6l%c3%bc-yan%c4%b1nda-%c3%a7amur-vannalar%c4%b1-ve-yuvunma/30089630.html
|
Çoqraq gölü yanında çamur vannaları ve yuvunma
|
Keriç köyündeki Mama (Kurortnoye) köyüniñ yanında tuzlu Çoqraq gölü bar. Onıñ şifalı suvları aqqında daa qadimiy yunanlar bile edi. Olar oña Metak dey edi ve yerli çamurnı daa milâttan evel birinci asırda tedaviylev içün qullana ediler.
Gölniñ çamurları faydalı maddeler ve minerallarnen zengin. Suvnıñ yüksek tuzluluğı olğanından, gölde özgün bir ekologik sistema şekillendi. Mında ösken beş ösümlik, Ukrainanıñ Qızıl kitabına kirsetilgen.
Raatlanıyıcılarnıñ çoqusı çamur vannalarını ala, soñ ise mında yaqın olğan Azaq deñizinde barıp yuvuna.
Gölniñ çamurları faydalı maddeler ve minerallarnen zengin. Suvnıñ yüksek tuzluluğı olğanından, gölde özgün bir ekologik sistema şekillendi. Mında ösken beş ösümlik, Ukrainanıñ Qızıl kitabına kirsetilgen.
Raatlanıyıcılarnıñ çoqusı çamur vannalarını ala, soñ ise mında yaqın olğan Azaq deñizinde barıp yuvuna.
|
RFE; RL
|
2019-08-02
|
Keriç yanındaki Çoqraq gölünden süret toplamı
|
[
"MULTİMEDİA, FOTORESİMLER, Qırım, Kırım, çoqraq gölü, mama köyü"
] |
crh_Latn
|
web_parsing
|
https://ktat.krymr.com/a/%c3%a7oqus%c4%b1-q%c4%b1r%c4%b1mda-oz-noqta-i-nazar%c4%b1n%c4%b1-bildirmege-cesar-etalmay-q%c4%b1r%c4%b1mtatar-siyasetchisi-nariman-celaln%c4%b1%c3%b1-esirlikten-mektupleri/31764784.html
|
Nariman Celâl: "Çoqusı Qırımda öz noqta-i nazarını bildirmege cesaret etalmay"
|
**Qırım.Aqiqat** Qırımda apiske alınğan ve aq qorçalayıcı teşkilâtlar tarafından Kremlniñ siyasiy mabüsi olaraq tanılğan qırımtatar faali, siyasetçi ve jurnalist **Nariman Celâlnıñ **tezkerelerini yayınlay.** **
Martnıñ 1-nde kamerada yarım yıl beraber olğanım qomşum Sergey ev apsine yiberildi. Ve men eki afta bir özüm edim.
Martnıñ 14-nde "Qırım baariniñ qaramanı", "rus opolçen", Keriç şeer şurasınıñ sabıq mebusı **Konstantin Yermanov **qomşum oldı. Onıñ sözlerine köre, Qırımda Keriç memuriyeti üzerine Rusiye bayrağını asqan birinci adam o olğan eken.
Şimdi ise Sergey Aksönovnı aqaretlegeni içün 128 maddege ve kendir tarqatqanı içün 228 maddege binaen tevqif etildi. O özüne muhalefetçi dey.
Bizni, eki mefküreviy raqipni - tesadüfiy ya da aselet beraber oturtılarmı, bilmeyim.
Farqlı şeyler aqqında laf ettik. Bir kimse bunı beklegen olsa, qavğa etmedik. Men onı bir şeyge inandırmaqnıñ manasını körmedim. Yalıñız Robespyerniñ, inqilâp öz balalarını aşağanı aqqında sözlerini hatırlattım.
Martnıñ 17-nde onı başqa yerge avuştırdılar, men oturğanım kamerağa ise **Maksim Lisükni **oturttılar. O Kahovkadan "zenaatdaşım".
Maksim çoqtan berli Aqyarda yaşay. Ticaret ile oğraşa ve namuslı adam olaraq qalmağa tırışa. Eki ay evel qızı doğdı. O menim yaşdaşım.
Yaqınlarınıñ yaşağan Ukrayinada Rusiye akimiyetiniñ areketlerini körgen o, dayanıp olamadı ve "VKontakte" içtimaiy ağındaki yazınıñ altında arbiy areketlerge qarşı fikrini ve Rusiye prezidenti aqqında keskin sözler yazdı.
Bir qaç künden soñ tintüv vaqtında evinde trotil şaşkasını taptılar, Rusiye haber vastaları ise keskin tarzda yañı ukrainalı "diversant" aqqında yazıp başladılar.
Maksim pek aqıl-fikirnen iş körgen ve tınç, memleketini - Ukrayinanı sevgen adam. Ve vatandaşlığına baqmadan insanlarnıñ öldürilmesine qarşı fikirlerini bildire.
O, Qırımda böyle bir adam degil. Amma çoqusı öz noqta-i nazarını bildirmege cesaret etalmay.
*Qırımtatar faali, siyasetçi ve jurnalist Nariman Celâlnıñ beyanatını Advokat Nikolay Polozov Facebook saifesinde yayınladı.*
*Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.*
### Anğara köyündeki «gaz borusında diversiya» davası
Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Olar arasında qırımtatar siyasetçisi ve faali** Nariman Celâl** bar. Eki doğmuş qardaşlar** Aziz **ve **Asan Ahtemovlar** eki ayğa apiske alındı, Azizniñ babası **Eskender Ahtemov** 10 künge apiske alındı. Asan Ahtemovnıñ qardaşı **Arsen **15 künge apiske alındı. Kreml kontrolindeki Kiyev rayon mahkemesi qırımtatar siyasetçisi ve faali Nariman Celâlnı eki ayğa – noyabrniñ 4-ne qadar apiske aldı. Nariman Celâl bütün qabaatlavlarnı inkâr ete.
Sentâbrniñ 7-nde** TASS** Rusiye malümat agentilgi Rusiye FSB-sine atfı etip, Aqmescit civarındaki Anğara (Perevalnoye) köyü yaqınlarında gaz borusında diversiya yapqanından şübheli sayılğanlar qabaatını itiraf etkenler, dep bildirdi. FSB yayınlağan videoda eki ekrek kimden talimat alğanlarını ve Anğara köyünde gaz borusınıñ patlatılmasını nasıl teşkil etkenlerini tafsilâtlı aytıp berdi.
FSB, diversiyanı Ukraina Mudafaa nazirliginiñ Baş istihbarat idaresi teşkil etti, dep israr ete.
Ukraina Mudafaa nazirliginiñ baş istihbarat idaresi Rusiye FSBsiniñ qabaatlavını «bir maqsadı olğan provokatsiya» olaraq köre.
Ukraina akimiyeti qırımtatar faalleriniñ tutuluvı ve apiske alınuvını avgustnıñ 23-nde Kyivde keçirilgen «Qırım platformasınıñ» sammitinen bağlay.
Ukraina ombudsmanı **Lüdmila Denisova** Qırımda insanlarnıñ apiske alınması sebebinden BM İnsan aqları Yuqarı komissarı **Michelle Bacheletke **muracaat etti.
Sentâbrniñ 3-4-nde Qırımdaki faallerniñ evlerinde keçirilgen tintüvler ve tutuvlardan soñ Qırım Muhtar Cumhuriyeti ve Aqyar prokuraturası cinaiy tahqiqat başlattı.
| null |
2022-03-22
|
Qırım.Aqiqat Qırımda apiske alınğan ve aq qorçalayıcı teşkilâtlar tarafından Kremlniñ siyasiy mabüsi olaraq tanılğan qırımtatar faali, siyasetçi ve jurnalist Nariman Celâlnıñ tezkerelerini yayınlay. Martnıñ 1-nde kamerada yarım yıl beraber olğanım qomşum Sergey ev apsine yiberildi. Ve men eki...
|
[
"BLOGLAR, AKTUAL, MÜİM, Qırım, Nariman Celâl, işğal, esas, siyasiy mabüs"
] |
crh_Latn
|
web_parsing
|
https://ktat.krymr.com/a/%c3%a7oqus%c4%b1-q%c4%b1r%c4%b1ml%c4%b1lar-ukraina-prezidenti-saylavlar%c4%b1nda-kiyevde-rey-berecekler/25397426.html
|
Çoqusı qırımlılar Ukraina prezidenti saylavlarında Kiyevde rey berecekler
|
**Nevbetten tış prezident saylavlarında iştirak etmege niyetlengen işğal etilgen Qırım sakinleriniñ çoqusı Kiyevde rey berecek.**
Bunı Merkeziy saylav komissiyasınıñ reisi Mihaylo Ohendovskiy brifing devamında jurnalistlerge bildirdi, dep haber ete Ukrinform.
O, şunı hatırlattı ki, qırımlılar rey berüv yerini vaqtınca deñiştirip, Ukrainanıñ er angi saylav bölüginde rey bere bileler.
TSİK reisi Merkeziy saylav komissiyası Herson vilâyetinde Qırım sakinleri içün mahsus saylav bölüklerini açtı degen haber yañlış olğanını bildirdi.
|
RFE; RL
|
2014-05-25
|
Nevbetten tış prezident saylavlarında iştirak etmege niyetlengen işğal etilgen Qırım sakinleriniñ çoqusı Kiyevde rey berecek. Bunı Merkeziy saylav komissiyasınıñ reisi Mihaylo Ohendovskiy brifing devamında jurnalistlerge bildirdi, dep haber ete Ukrinform. O, şunı hatırlattı ki,...
|
[
"HABERLER"
] |
crh_Latn
|
web_parsing
|
https://ktat.krymr.com/a/%c3%a7ornob%c4%b1l-amerikan-serial%c4%b1-reytingde-taht-oyunlar%c4%b1-n%c4%b1%c3%b1-%c3%b6g%c3%bcne-%c3%a7%c4%b1qt%c4%b1-/29971601.html
|
“Çornobıl” amerikan seriallar reytingde “Taht oyunları”nıñ ögüne çıqtı
|
Ukrainada Çornobıl atom elektrostantsiyasınıñ felâketi aqqında “**Çornobıl**” serialı, üç çıqarılğan seriyasından soñ, *IMDB *reytinginde TV-seriallar arasında eñ yüksek basamaqnı qazandı.
**“Taht oyunları”** bitkeninden soñ, çoqusı dey: “Çornobıl”nı baqmağance, *HBO*-ğa abuneñizni lâğu etmeñiz”, - dep yaza * Forbes *matbuatınıñ közeticisi
**Paul Tassi**, dep bildire
**“Amerika sesi”**niñ ukrain hızmeti.
Öz maqalesinde Forbes, seyircilerniñ tefsirlerine esaslanıp, bugüngece çıqarılğan bütün seriallarnıñ reytingini köstere:
1. «Çornobıl» (9,7 – 52000 rey).
2. «Zemin seyyaresi II» (9,5 – 71000 rey).
3. «Silâ arqadaşları» (9,5 – 317000 rey).
4. «Zemin seyyaresi» (9,4 – 147000 rey).
5. «Breaking bad» (9,4 – 1200000 rey).
6. «Taht oyunları» (9,4 – 1500000 rey).
“Bilmeyim, üç epizodğa köre, “Çornobıl” evel çıqarılğanlardan eñ güzel şou, dep aytmaq mümkünmi, - dey Tassi, - amma bu kino yapıcılıqnıñ şaşıracaq yönelişi olğanı şübesizdir”.
Bu film aqiqiy vesiqalı vaqialarğa esaslanğan ve olarnı pek yahşı çektiler, dep közetici.
Yazıq ki, bu serial qısqa - tek beş seriyası çıqarılacaq. Ve o tarihiy vaqialarğa esaslanğan olğanından sebep, seyirciler ne qadar istese de, ekinci mevsimi olmaycaq.
1986 senesi aprelniñ 26-nda Çornobıl atom elektrik stantsiyasınıñ dördünci energoblokunda küçlü himik patlav oldı. Neticede reaktor blokunıñ bir qısmı ve maşina odası yoq etildi.
Patlav neticesinde yanğın çıqtı, alev üçünci energoblokunıñ damına keçti. Aman-aman birden qaza yerine yanğıncılar keldi. Alevni saba saat 5-ke qadar söndüre ediler. Lâkin dördünci bloknıñ içinde onı ancaq mayısnıñ 10-nda söndürip oldılar, o vaqıt grafitniñ büyük qısmı endi yanğan edi.
Patlav ve yanğından soñ radioaktiv duman peyda oldı. O, tek zemaneviy Ukraina, Beyazrusiye ve Rusiye topraqlarını degil, bir çoq Avropa memleketi – İsveçiya, Avstriya, Norvegiya, Almaniya, Finlândiya, Yunanistan, Romaniya, Sloveniya, Litvaniya, Latviya topraqlarını qavrap aldı. Nükleer adiseleriniñ halqara şkalasına (INES) köre bu qaza yedinci derece telüke olaraq tasnif etildi.
|
RFE; RL
|
2019-05-30
|
Ukrainada Çornobıl atom elektrostantsiyasınıñ felâketi aqqında “Çornobıl” serialı, üç çıqarılğan seriyasından soñ, IMDB reytinginde TV-seriallar arasında eñ yüksek basamaqnı qazandı. “Taht oyunları” bitkeninden soñ, çoqusı dey: “Çornobıl”nı baqmağance, HBO-ğa abuneñizni lâğu etmeñiz”, - dep...
|
[
"HABERLER, Amerika sesi, Çornobıl, Paul Tassi, Forbes matbuatı, taht oyunları"
] |
crh_Latn
|
web_parsing
|
https://ktat.krymr.com/a/%c3%a7ornob%c4%b1l-serial%c4%b1-%c3%bc%c3%a7-emmi-muk%c3%a2fat%c4%b1n%c4%b1-ald%c4%b1/30179439.html
|
"Çornobıl" serialı üç "Emmi" mukâfatını aldı
|
**HBO **amerikan telekanalınıñ "Çornobıl" serialı, üç "Emmi" mukâfatını aldı, bildire Radio Svoboda.
Serial, "En yahşı mini serial", "Mini serial, film ve drammatik programmanıñ rejissörlığı" ve "Mini serial, film ve drammatik programmanıñ stsenatiyi" namzetliginde mukâfat qazandı.
"Emmi" - şerefli amerikan mükâfat, o, "Oscar"nıñ televizion variantı sayıla.
“Çornobıl” – beş bölümden ibaret olğan dramatik qısqa serial. Onı, amerikan *HBO *telekanalı ve britaniyalı *Sky *teleağınen çekti. Serial 1986 senesi Çornobılde olğan atom qazasına, onıñ aqibetlerine ve qazanıñ taqiqat etilmesine bağışlanğan.
| null |
2019-09-23
|
HBO amerikan telekanalınıñ "Çornobıl" serialı, üç "Emmi" mukâfatını aldı, bildire Radio Svoboda. Serial, "En yahşı mini serial", "Mini serial, film ve drammatik programmanıñ rejissörlığı" ve "Mini serial, film ve drammatik programmanıñ stsenatiyi" namzetliginde mukâfat qazandı. "Emmi" -...
|
[
"HABERLER, Radio Svoboda, çornobıl serialı"
] |
crh_Latn
|
web_parsing
|
https://ktat.krymr.com/a/%c3%a7ornob%c4%b1lde-yan%c4%9f%c4%b1n-s%c3%b6nd%c3%bcrildi-ya%c4%9fmur-yard%c4%b1m-etti/30553165.html
|
Çornobılde yanğın söndürildi, yağmur yardım etti
|
Devlet ekologik inspektsiyasınıñ reisi vazifelerini eda etken **Yegor Firsovnıñ** bildirgenine köre, Çornobıl bölgesinde yanğın söndürildi, dep haber ete Azatlıq Radiosı.
«Qısqadan aytsaq – yanğınnı söndürip oldıq, yağmur pek yardım etti. Radiatsion fon seviyesi deñişe, amma elimizde olğan malümat normağa uya. 10 kün devamında yanğınnen küreşkenlerge minnetdarlıq bildirmek kerek», – dep yazdı Firsov aprelniñ 14-nde Facebookta.
Çornobılde yanğınlar aprelniñ 4-nden berli devam etti. Quru ve yelli ava yanğınnı söndürmege bermey edi.
Ukraina Milliy politsiyası yanğın çıqarğan eki şübheli yaqalandı, dep bildirdi.
|
RFE; RL
|
2020-04-14
|
Devlet ekologik inspektsiyasınıñ reisi vazifelerini eda etken Yegor Firsovnıñ bildirgenine köre, Çornobıl bölgesinde yanğın söndürildi, dep haber ete Azatlıq Radiosı. «Qısqadan aytsaq – yanğınnı söndürip oldıq, yağmur pek yardım etti. Radiatsion fon seviyesi deñişe, amma elimizde olğan malümat...
|
[
"HABERLER, yanğın, Çornobıl"
] |
crh_Latn
|
web_parsing
|
https://ktat.krymr.com/a/%c3%a7ubarov%c4%9fa-qar%c5%9f%c4%b1-%c3%bck%c3%bcm-advokat-polozov-istinaf-%c5%9fik%c3%a2yetini-berdi-dep-bildirdi/31284859.html
|
Çubarovğa qarşı üküm: advokat Polozov istinaf şikâyetini berdi, dep bildirdi
|
Advokat **Nikolay Polozov **Rusiye akimiyeti kontrolindeki Qırım Yuqarı mahkemesiniñ Qırımtatar Milliy Meclisiniñ reisi **Refat Çubarovğa **çıqarğan ğıyabiy ükmüne qarşı istinaf şikâyetini berdi, dep bildirdi. İyünniñ 1-nde Aqmescitteki mahkeme onı 2014 senesi fevralniñ 26-nda Qırım parlamenti ögündeki «qalabalıqlarnı teşkil etkeninde» qabaatlap, altı yıl apis cezasına ve para cezasına üküm etti.
«Refat Çubarovğa çıqarılğan ükümge ve uydurılğan sebeplerden meni Refat Çubarovnıñ imayecisi olaraq davağa almağan Qırım Yuqarı mahkemesiniñ qadısı **Viktor Vasilyevniñ** qararına qarşı istinaf şikâyetini berdim. Üküm bar, qanunsız qararnı şikâyet etmege imkân da peyda oldı. Ebet, istinaf baqıluvınıñ keyfiyeti ve neticelerinen bağlı hayallarım yoq, amma bu Avropa insan aqları mahkemesine muracaat etmek içün şart ola», – dep qayd etti Polozov.
Üküm çıqarılğan soñ Qırımtatar Milliy Meclisiniñ tayinlengen advokatı Aleksandr Osokin da ğıyabiy ükümni şikâyet etecek, dep bildirdi. Ukraina Tış işler naziriniñ birinci muavini **Emine Ceppar **işğal etilgen Qırımda Qırımtatar Milliy Meclisiniñ reisi Refat Çubarovğa qarşı esnasnı ve çıqarılğan ğıyabiy ükümni «ayıp mahkeme» dep adlandırdı.
Qırım Muhtar Cumhuriyeti ve Aqyar prokuraturası Çubarovğa qarşı mahkeme ükmüni «qanun ve cenk adetleriniñ bozuluvı» olaraq tasnif etti.
Çubarov **Qırım.Aqiqat Radiosınıñ **yayınında Aqmescitte çıqarılğan mahkeme ükmüni «uquq ceetinden boş» dep adlandırdı. O, Avropa insan aqları mahkemesine muracaat etmege niyetlene, dep bildirdi.
Mayısnıñ 24-nde olıp keçken oturışuvda qabaatlav Çubarov içün 9 yıl apis cezası berilmesini istedi. Meclis reisi qabaatlav tarafınıñ talabını izaatlap, Qırımdaki «mahkeme» onıñ ayatına tesir etmeycek, dep ayttı.
2020 senesi martnıñ soñunda Qırımdaki Rusiye Tahqiqat komitetiniñ idaresi Çubarovnı ğıyabiy şekilde qabaatladı. Cinaiy davalar Rusiye Ceza kodeksiniñ 212-nci maddesiniñ 1-inci maddesine (qalabalıqlarnı teşkil etüv), 280.1-inci maddesiniñ 2-nci qısmı, 280.1 maddesiniñ 1-inci qısmına istinaden (Rusiye topraq bütünligini bozacaq areketlerge çağıruv) açıldı.
Bıltır iyül ayında Aqmescitteki mahkeme Çubarovğa qarşı cinaiy davanı temelden baqıp başladı. Tayin etilgen advokat **Aleksandr Osokin** Qırımtatar Milliy Meclisiniñ reisine qarşı mahkemeni şikâyet etti.
Çubarovnıñ qayd etkenine köre, Rusiye akimiyeti «qırımtatar halqına qarşı yañı repressiya dalğasını başlattı».
Ukraina Yuqarı Radasınıñ İnsan aqları vekâletlisi **Lüdmila Denisova** bu davanı qanunsız dep adlandırdı.
Qırım Muhtar Cumhuriyeti ve Aqyar prokuraturası Rusiye tahqiqatçılarınıñ Çubarovğa qarşı açqan cinaiy dava sebebinden tahqiqat başlatqan edi.
|
RFE; RL
|
2021-06-01
|
Advokat Nikolay Polozov Rusiye akimiyeti kontrolindeki Qırım Yuqarı mahkemesiniñ Qırımtatar Milliy Meclisiniñ reisi Refat Çubarovğa çıqarğan ğıyabiy ükmüne qarşı istinaf şikâyetini berdi, dep bildirdi. İyünniñ 1-nde Aqmescitteki mahkeme onı 2014 senesi fevralniñ 26-nda Qırım parlamenti ögündeki...
|
[
"HABERLER, Refat Çubarov, Nikolay Polozov"
] |
crh_Latn
|
web_parsing
|
https://ktat.krymr.com/a/%c3%a7ubarov-1944-senesi-q%c4%b1r%c4%b1mtatarlar-i%c3%a7%c3%bcn-rusiyeni%c3%b1-q%c4%b1r%c4%b1m-ilhaq%c4%b1ndan-so%c3%b1-kene-tekrarland%c4%b1/29949626.html
|
Çubarov: 1944 senesi qırımtatarlar içün Rusiyeniñ Qırım ilhaqından soñ kene tekrarlandı
|
Qırımtatar Milliy Meclisiniñ reisi **Refat Çubarov **1944 senesi qırımtatar sürgünligini Rusiyeniñ Qırım ilhaqınen qıyasladı. Böyle bir fikirni o, mayısnıñ 17-nde Kyivde qırımtatar sürgünligi aqqında ikâye etken «1944» vesiqalı filminiñ premyerasında bildirdi, dep haber ete **Qırım.Aqiqat **mühbiri.
«75 yıl… Bu aqşam, mayısnıñ 17-nde, bir çoq insan yuqlamağa ketkende saba olarnıñ qapuları tek qaqılmaycaq, çızmalarnen çıqarılacağını ve mayısnıñ 18-i başlaycağını bilmey edi. O insanlarnıñ ne is etkenlerini tasavvur etmege rica etem. Az evel (mayısnıñ 17-nde aqşam – *QA*) **Nariman Celâlnıñ** mesacını kördim, yarın bir şey yapmasınlar dep, oña da bir çoq qırımtatarına kibi ihtar berildi… Böylece 1944 senesi qırımtatarlar içün, ne yazıq ki, 2014 senesi tekrarlandı ve 2019 senesi devam ete», – dedi Çubarov.
Kyivdeki «D12» galereyasında mayısnıñ 17-nde qırımtatar sürgünligi aqqında ikâye etken «1944» vesiqalı filminiñ premyerası olıp keçti. Onıñ rejissörları **Yunus Paşa **ve **Qırım.Aqiqat **müellifi **Fatima Osman **oldılar.
Mayısnıñ 18-de Ukraina ve dünyada 1944 senesinde qırımtatar halqınıñ Qırımdan sürgün etilmesi qurbanlarını hatırlaylar. Bu künde qırımtatarlar ile tolu birinci eşelon Orta Asiyağa yollanılğan edi. Umumen 180 biñden ziyade kişi sürgün etildi.
Şu künü qırımtatarlar halqınıñ Qırımdan sürgün etilüviniñ qurbanları hatırasına çeşit añma tedbirleri keçirile.
Ukraina Yuqarı Radasınıñ qararına binaen, mayıs 18 künü Qırımtatar halqınıñ genotsidi qurbanlarınıñ hatıra künü dep ilân etildi.
|
RFE; RL
|
2019-05-18
|
Qırımtatar Milliy Meclisiniñ reisi Refat Çubarov 1944 senesi qırımtatar sürgünligini Rusiyeniñ Qırım ilhaqınen qıyasladı. Böyle bir fikirni o, mayısnıñ 17-nde Kyivde qırımtatar sürgünligi aqqında ikâye etken «1944» vesiqalı filminiñ premyerasında bildirdi, dep haber ete Qırım.Aqiqat mühbiri....
|
[
"HABERLER, Qırım, Refat Çubarov, 1944, Kırım, ilhaq"
] |
crh_Latn
|
web_parsing
|
https://ktat.krymr.com/a/%c3%a7ubarov-2018-senesi-q%c4%b1r%c4%b1mn%c4%b1%c3%b1-i%c5%9f%c4%9falden-qurtar%c4%b1lmas%c4%b1na-bir-ad%c4%b1m-old%c4%b1/29691167.html
|
Çubarov: 2018 senesi «Qırımnıñ işğalden qurtarılmasına doğru bir adım» oldı
|
Keçken 2018 senesi «Qırımnıñ işğalden qurtarılmasına atılğan adımlardan biri» oldı, dep ayttı Ukraina halq deputatı, Qırımtatar Milliy Meclisiniñ reisi **Refat Çubarov Qırım.Aqiqat Radiosınıñ** yayınında.
Onıñ bildirgenine köre, bu yıl Ukrainanıñ diger ükümetler, devletler ile ortaqlığı pekitildi, halqara toplulıq ise Rusiyege olğan munasebetini belgiledi.
Refat Çubarov dekabrde qabul etilgen BM Baş assambleyasınıñ Qırım qararlarını hatırlattı, anda Azaq deñiziniñ askeriyleştirilüvi ve Qırımdaki insan aqları vaziyeti meselesi köterilgen edi.
«BM aza devletleri öz reylerinen Ukrainağa qoltutıp, Rusiyeni istilâcı olaraq tanıdı. 2018 senesi eki qararnen belgilendi. Diger halqara meydançıqlarda sert qarşılıqlar bar edi. Avropa Şurası Parlament assambleyasını hatırlayıq: Rusiyege faal sürette iştirak etmege bermediler, azalığını toqattılar, üç yıldan berli Rusiye onı yañıdan tiklemege tırışa. 2018 senesi bunı yapmağa imkânı olur degen qorqu bar edi. Artıq açıq olğan küreşke Avropa Şurasındaki eñ yüksek seviyeniñ memurları kirsetilgen edi», – dedi Çubarov.
2018 senesi dekabrniñ 18-nde BM Baş Assambleyası Qırım, Qara ve Azaq deñizleriniñ askeriyleştirilüvinen bağlı qararnı qabul etti. 66 memleket oña qoltuttı, 19-ı qarşı çıqtı, 72 devlet bitaraf qaldı.
BM Baş Assambleyası 2018 senesi dekabrniñ 22-nde aqşam işğal etilgen Qırımda insan aqları vaziyetine dair qararnı qabul etti, vesiqada ukrainalı siyasiy mabüsler **Oleg Sentsov, Volodımır Baluh **ve **Emir-Üsein Kukunıñ **adı bar edi.
BM Baş assambleyasınıñ Rusiye işğal etken Qırım ve Donetsk ve Lugansk vilâyetleriniñ işğal altındaki rayonlarına dair qararı fevralniñ soñunda baqılacaq, dep tarif etti BM Ukraina vekili **Volodımır Yelçenko**.
|
RFE; RL
|
2019-01-04
|
Keçken 2018 senesi «Qırımnıñ işğalden qurtarılmasına atılğan adımlardan biri» oldı, dep ayttı Ukraina halq deputatı, Qırımtatar Milliy Meclisiniñ reisi Refat Çubarov Qırım.Aqiqat Radiosınıñ yayınında. Onıñ bildirgenine köre, bu yıl Ukrainanıñ diger ükümetler, devletler ile ortaqlığı pekitildi,...
|
[
"HABERLER, Qırım, Refat Çubarov, işğal, adım, Kırım, qurtuluv"
] |
crh_Latn
|
web_parsing
|
https://ktat.krymr.com/a/%c3%a7ubarov-2019-senesi-q%c4%b1r%c4%b1ml%c4%b1lar%c4%9fa-g%c3%bczel-bir-%c5%9fey-bermedi/30362042.html
|
Çubarov: 2019 senesi qırımlılarğa güzel bir şey bermedi
|
**2019 senesi Ukraina Yuqarı Radasınıñ saylavlarından soñ qırımlılarnıñ Ukraina parlamentindeki temsilciligi deñişti. Yuqarı Radada ve Ukraina ükümetinde Qırım meselelerinen kim oğraşa? Qırımtatar Milliy Meclisiniñ ükümet ve Ukraina prezidentiniñ Ofisinen daimiy bağı barmı? Bu ve diger aktual suallerge Qırımtatar Milliy Meclisiniñ reisi Refat Çubarov Qırım.Aqiqat Radiosınıñ studiyasında cevap berdi.**
**– Qırımlılar içün 2019 senesi muvafaqiyetli oldımı?**
– Bilesiñizmi, qırımlılar farqlı ola ve beklevleri de farqlıdır. Al-azırda çeşit sebeplerden Qırımda yaşamağanlarğa ve Rusiye işğali şaraitlerinde yaşağanlarğa bu yıl güzel bir şey bermedi. Ayatları daa güzel olacağından emin olmaları içün bir şey bermedi.
**– 2019 senesi esas Ukrainada Ukraina Yuqarı Radasınıñ saylavları olıp keçti. Qırımlılar, qırımtatarlarnıñ temsilciligi müim oldımı, siziñ fikiriñizce?**
– Qırımtatar temsilciligi sayığa köre daa büyük oldı. Eki edi, şimdi üç halq deputatımız bar. Amma tek qırımtatar degil, Qırım temsilciligi ceetinden vaziyet bam-başqa. Monofraktsiya bar. O, tek Ukraina Yuqarı Radasınıñ bütün faaliyetini inhisarlaştırmay, Qırım yönelişini qapata. Monofraktsiya içün bu yöneliş esas degil.
**– Bu fraktsiyanıñ temsilcilerinen subetleştiñizmi ya da onıñ areketleri ve areketsizligine köre hulâsa çıqarasıñız? **
– Ekisi de. Monofraktsiyanıñ Qırımğa nisbeten siyaset mündericesini taqip etmek içün bir çoq sebep bar edi. Qırımda ya da Qırım civarında olğan esnaslarğa büyük qarşılıq körmeyim. Meselâ, «normand körüşüvindeki» halqara muzakereler vaqtında.
**– «Ukraina prezidentiniñ qırımtatar halqı işlerinden vekâletlisi» institutı ne oldı? Küzde Mustafa Cemilev bu vazifege sizni tayin etmege tevsiye etti, dep aytqan edi. Buña cevap oldımı?**
Prezident ofisinen Qırımtatar Milliy Meclisi ile işbirligi mevzusında çalışamızRefat Çubarov
– Men onıñ tekliflerini taqip etsem, doğru olmaz, belki, çünki namzetim aqqında laf kete. Añlağanıma köre, Prezident ofisiniñ böyle bir qurulışnı ğayrıdan tiklemek planları yoq. Aynı vaqıtta Prezident ofisinen Qırımtatar Milliy Meclisi ile işbirligi mevzusında çalışamız. Yaqın vaqıtta bu işbirliginiñ tam olaraq belgilenmesinen bağlı qarar alacaqmız, dep aytam.
**– 2020 senesi olğan bilgiñiznen 2014 senesi olsa ediñiz, aynısını yapar ediñizmi ya da deñiştirmek istegen bir şeyiñiz bar?**
Devletimizniñ mahsus institutları qanunğa uyğun bir şekilde areket etse edi, diger areket şekillerini de baqar edikRefat Çubarov
– 2014 senesi fevral-mart aylarında zorbalıqsız tirenüv şekillerini qullanmağa tırışqan cemiyet, büyük insan gruppaları kibi areket ettik. Bu vaziyette biz, qırımtatarlar, birinci künlerden başlap böyle bir istilânı ve Rusiyeniñ Qırımğa yapqanlarını qabul etmeymiz, dep açıq bildirgen edik. Farqlı yanaşuv diger tirenüv şeklini qullanuv ve başqaca areket etmem demektir. Areket eter edim, belki. Devletimizniñ mahsus institutları qanunğa uyğun bir şekilde areket etse edi, diger areket şekillerini de baqar edik. Yani ordu vazifelerini yapsa ve Ukraina silâlı bölükleri Rusiye işğalcilerine qarşı tursa edi, bir çoq insannıñ ve hususan qırımtatarlarnıñ areketleri başqa olacaq edi.
**– İşğal etilgen Qırımğa kirişiñiz yasaq etildi. 5 yıl devam etken yasaq edi ve 2019 senesi bitti. Qırımğa kirmege tırışacaqsıñızmı?**
Şimdi Rusiyede ve işğal altındaki Qırımda Aqmescit mahkemesiniñ ğıyabiy tutuvım qararı barRefat Çubarov
– Tek menim kirişim yasaqlanmadı. Mustafa Cemilevniñ ve diger insanlarnıñ kirişi yasaq etildi. Yasaqtan soñ bizge qarşı davalar açıldı ve apiske alınmamız içün mahkeme qararları bar. Halqara uquq qoruyıcı teşkilâtlar, hususan İnterpol çerçivesinde tedbir aldılar. Bilesiñiz ki, keçenleri Romaniyada üç buçuq saat belli bir qıyınlıqlarım oldı. Olar Rusiyeniñ areketlerime keder etmek ıntıluvlarınen bağlı edi. Qısqadan aytsaq, şimdi Rusiyede ve işğal altındaki Qırımda Aqmescit mahkemesiniñ ğıyabiy tutuvım qararı bar.
**– Bu qararğa itiraz bildirmege tırıştıñızmı?**
– Bu qararğa itiraz bildirmedim. Men olmağanda oldı. Bir kün Kyivdeki evimde meni mahkemege davet etken vesiqalarnı aldım. Bergen advokatlarınıñ areketlerine dair vesiqalar bar. Bu advokat apiske alınmam aqqında qarar olmadı, dep aytqan eli. Amma, malüm ki, istegenleri kibi azırlanğan edi.
**– Esas Ukrainada Qırım aqqında az aytmağa başladılar, dep tüşünesiñizmi?**
– E. Em Ukraina içinde, em Ukraina iştiraki ile halqara arenada olğan esnaslarnen bağlı bir şey. Donbas evelligi, Ukraina akimiyetiniñ cemiyette daa ağır sayılğan meselelerge prioritet bermesi ve Qırımğa az ayırılğan diqqat. Ukraina kütleviy haber vastaları böyle yanaşa. Bugün «ATR», «Qırım.Aqiqat», «Çernomorskiy telekanal» ve Qırım içün çalışqan radiolar haber alanından çıqarılsa, Ukraina kütleviy haber vastalarında Qırım yerine Panama ya da Boliviya olacaq.
**– Sanktsiyalar Rusiyege ve yapqanlarına tesir etemi? **
– Bir söznen aytsaq, elbette, tesir ete. Cevap tapacaq olsaq: «Rusiyeni areketlerini deñiştirmege ve işğal etilgen Ukraina topraqlarından ketmege mecbur etecek qadar tesir etemi?», – ne yazıq ki, yoq. Rusiyeni halqara uquqqa riayet etmege mecbur etecek qadar tesir etmey. Sualniñ ekinci qısmı olsa edi: «Sanktsiyalarnı ne yapayıq?», – olarnı lâğu etmege olmay. Rusiye halqara seviyede vazifelerini yapmağa devam etkenine qadar olarnı quvetleştirmek kerek.
**– Siziñ fikiriñizce, Qırımnı işğalden qurtaruv qırımlılarnıñ keyfine bağlımı? **
– Er angi istilâ cezalandırılmalı. Cinayetçiler apiske alınmalı. Bu cezanıñ qaçınılmaz olması cinayet iştirakçileriniñ keyfi ya da, bizde olğanı kibi, bu cinayetçilerge keder etip olamağan alğa tüşürilgen insanlarğa bağlı olamaz. Bu vaziyette, cinayetçiler Qırımnı kontrol etkende, bizge er angi keyf hayalını köstere bile. Rusiye bunı nasıl yapqanını bilemiz.
**– Qırımlılarnıñ Ukraina çetel pasportını almaq içün esas Ukrainağa kelmesi müsbet bir şeymi?**
– Mence, müsbet bir şey. Bazı açıq duşmanlarımıznı oquyım. Bu insanlarnı olar qolaylıq içün ketkeninde, iç beşinci kolonna olğanında qabaatlamağa tırışalar. Esas Ukrainada ve işğal etilgen Qırımda yaşağan vatandaşlarımız içün çetel pasportlarınıñ berilüvinde ayırmağanımız bizim içün büyük plüs ola. Qırımda yaşağanlar içün bir ümüt bar.
**Aleksandr Yankovskiy**, qırımlı jurnalist, Qırım.Aqiqat Radiosınıñ müellifi ve muarriri
|
Aleksandr Yankovskiy
|
2020-01-06
|
Qırımtatar Milliy Meclisiniñ reisi yıl neticeleri aqqında tarif ete
|
[
"QIRIM, SİYASET, BUTÜN MALÜMAT, AKTUAL, Qırım, Qırımtatar, Refat Çubarov, qırımlı, yıl, netice, esas, Qırımtatar Milliy Meclisi, Kırım, 2019"
] |
crh_Latn
|
web_parsing
|
https://ktat.krymr.com/a/%c3%a7ubarov-75-ukrainal%c4%b1-qad%c4%b1n-ve-bala-olar%c4%9fa-suriyeden-ukraina%c4%9fa-qaytma%c4%9fa-yard%c4%b1m-etmemizni-istey/29840594.html
|
Çubarov: 75 ukrainalı qadın ve bala olarğa Suriyeden Ukrainağa qaytmağa yardım etmemizni istey
|
21 qadın ve 54 bala – Ukraina vatandaşları – Suriyede «bozulğan infrastruktura topraqlarında» zor şaraitlerde bulunıp, Ukrainağa qaytmaları içün yardım etmemizni rica ete, dep bildirdi Qırımtatar Milliy Meclisiniñ reisi, Petro Poroşenko Bloku halq deputatı **Refat Çubarov**.
«Soñki vaqıtları Qırımtatar Milliy Meclisine ve maña, Ukraina halq deputatına olaraq, Ukraina vatandaşları olğan farqlı milletlerden qadınlar muracaat etip başladı – olar çeşit sebeplerden küçük balalarınen beraber Suriyede bulunıp, olarğa Ukrainağa qaytmağa yardım etmemizni rica ete», – dep yazdı Çubarov Facebookta martnıñ 24-nde aqşam.
Onıñ aytqanına köre, Milliy Meclis bu mevzuda Ukraina Tış işler nazirliginen iş tuta.
Martnıñ 23-nde ABD, Frenkistan ve Britaniya qoltutqan Suriyedeki isyancı müfrezeleri, «Suriye demokratik quvetleri», memleketniñ ekstremistler tutqan soñki meskün yeri olğan Baguz köyüni «İslâm devleti» ekstremist birleşmesinden tamamen boşaltqanını ilân etti.
Baguznıñ aluvı ekstremistler ilân etken «halifelikniñ» soñunı ifadelemekte. O, kenişlegende Suriye ve Iraqnıñ büyük topraqlarını alğan edi.
«İslâm devleti» «halifelikni» ilân etkende biñlernen çetel vatandaşı Iraq ve Suriyege yaşamağa ketti.
Suriyede 2011 senesinden berli vatandaş cenki devam ete. Onıñ neticesinde tahminen 400 biñ insan elâk oldı.
|
RFE; RL
|
2019-03-25
|
21 qadın ve 54 bala – Ukraina vatandaşları – Suriyede «bozulğan infrastruktura topraqlarında» zor şaraitlerde bulunıp, Ukrainağa qaytmaları içün yardım etmemizni rica ete, dep bildirdi Qırımtatar Milliy Meclisiniñ reisi, Petro Poroşenko Bloku halq deputatı Refat Çubarov. «Soñki vaqıtları...
|
[
"HABERLER, Meclis, Refat Çubarov, yardım, Suriye, qadın"
] |
crh_Latn
|
web_parsing
|
https://ktat.krymr.com/a/%c3%a7ubarov-advokat-semedlayevnin-q%c4%b1r%c4%b1mda-tevqif-etilmesini-q%c4%b1r%c4%b1mtatarlarn%c4%b1n-qorqutuv%c4%b1-adland%c4%b1rd%c4%b1/31558320.html
|
Çubarov advokat Semedlâyevniñ Qırımda tevqif etilmesini "qırımtatarlarnıñ qorqutuvı" adlandırdı
|
Qırımtatar Milliy Meclis reisi **Refat Çubarov** qırımtatar advokatı Edem Semedlâyevniñ tevqif etilmesiniñ esas maqsadı Qırımdaki Rusiye akimiyetiniñ "qırımtatarlarnı qorqutmağa" istegeni olğanını saya. Bunıñ aqqında o **Facebookta** yazdı.
"İşğalci memleketniñ qanunlarına köre bile "qarar" qanunsız olğanı aqqında aytmaq kerek degil. Bunıñ maqsadı qırımtatarlarnı qorqutmaq ve Qırımnıñ işğalini qabul etmek mecburlamaq olğanı iç bir kimse içün sır degil", - dedr Çubarov.
O, Semedlâyevniñ "qırımlı siyasiy mabüslerni imayet etken ihtisasiy qırımtatar advokatlarından biri" olğanını ayttı.
Noyabrniñ 11-nde Rusiye kontrolindeki Aqmescitniñ Kiyev rayon mahkemesi advokat **Edem Semedlâyevni **12 künge apiske aldı ve Ekstremizm ile küreş merkeziniñ hadimlerinden biriniñ ögünde soyunmaqtan red etkeni içün 4 biñ ruble para cezasını berdi.
Cumaertesi künü, oktâbrniñ 25-nde, Aqmescitteki Qırım garnizon arbiy mahkemesiniñ binası ögünde Rusiye quvetçileri Qurmandaki «Hizb ut-Tahrir davasınıñ» mabüslerine qoltutmaq içün toplaşqan 20-den çoq kişini tuttı. Tutulğanlarnı Aqmescitniñ Merkeziy rayon polis bölügine alıp kettiler.
Daa soñra Rusiyeniñ Merkeziy rayon bölügine kelip, saba mahkeme ögünde tutulğan qırımtatarlarğa uquqiy yardım köstermek içün kelgen advokat Edem Semedlâyevge qarşı «poliske boysunmağanı» içün memuriy protokol tizildi.
Aqmescitte Rusiye kontrolindeki Qırım garnizor arbiy mahkemesiniñ binası ögünde tutulğan qırımtatar faalleri, jurnalistler ve advokat yarımada regionlarınıñ farqlı vaqtınca tutuv izolâtorlarına ketirildi. Oktâbrniñ 26-nda mahkeme keçirilmesi planlaştırıla.
Qırımnıñ Rusiye quvet müessiseleri bu tutuvlarnı tefsir etmey.
**«Krım SOS»** cemaat teşkilâtı Aqmescitte qırımtatar faalleri tutulğanı sebebinden «Qırım platformasınıñ» işini faalleştirmege çağırdı.
Rusiye quvetçileriniñ oktâbrniñ 25-nde qırımtatar faallerine qarşı yapqan areketlerini takbih etken beyanat Ukraina prezidentiniñ Qırım Muhtar Cumhuriyetindeki Temsilciligi tarafından aydınlatıldı.
| null |
2021-11-12
|
Qırımtatar Milliy Meclis reisi Refat Çubarov qırımtatar advokatı Edem Semedlâyevniñ tevqif etilmesiniñ esas maqsadı Qırımdaki Rusiye akimiyetiniñ "qırımtatarlarnı qorqutmağa" istegeni olğanını saya. Bunıñ aqqında o Facebookta yazdı. "İşğalci memleketniñ qanunlarına köre bile "qarar" qanunsız...
|
[
"HABERLER, Qırım, Refat Çubarov, işğal, Edem Semedlâyev"
] |
crh_Latn
|
web_parsing
|
End of preview. Expand
in Data Studio
No dataset card yet
- Downloads last month
- 6